Jeremiya 39:1 - Bhiblia Yo Sawuleka

¹ Ngu mtxima wa wugumi ka dilembe da wutxhanu ni mune da kufuma ka Zedhekiya mfumeli wa ka Judha, Nebhukodhonosori mfumeli wa Bhabhilona a tile ni yimbi yakwe yotshe e ta wukela ni kurandela Jerusalema.

Jeremiya 39:1 Referans Kwoze

Zakariya 8:19

A womba tiya Mkoma wa Mabutho a Tiyimbi: Kutitona ka mtxima wa wumune, ni kutitona ka mtxima wa wutxhanu, ni kutitona ka wa wutxhanu ni yimbidi, ni kutitona ka mtxima wa wugumi, ku nava kunengela ni kutsaka, ni mibuso ka nyumba ya ka Judha, ngu toneto dhundani ditshuri ni kudikha.

Dhewuteronome 28:36

Mkoma a na ku rurisa awe, kumweko ni mfumeli wule u no va u di m'vekile txitimwi kwako, a txi kuyisa ka ditiko di u si di ziviko awe ni vatate vako, se koneyo u na ya khozela simwani sizimu, so mahwa ngu mapulango ni marigwi.

Jeremiya 32:1

Ndiye mhaka yi nga ta ka Jeremiya ngu ka Mkoma, ngu dilembe da wugumi da Zedhekiya, mfumeli wa ka Judha, i ti dilembe da digumi ni mtxhanu ni mararu a Nebhukodhonosori.

Jeremiya 34:1

Dipswi di di nga ta ka Jeremiya ngu ka Mkoma, ahawa Nebhukodhonosori, mfumeli wa Bhabhilona, ni yotshe yimbi yakwe, ni yotshe mifumo ya mafu, aawa ma nga ti fumwa ngu ngene, ni otshe matiko ale ma ngalwa, me wukela Jerusalema, ni otshe madhoropa a kona, di txi kha dona:

Jeremiya 34:22

Wona, ni na va leletela ti taku ve wuya ka diya didhoropa, kuwomba Mkoma, va na lwa nado, ve di khozisa, va txi di hisa ngu mndilo; ni madhoropa a ka Judha ma na maha txiwula, ku si maneki wo zumba ka wona.

Jeremiya 42:18

Nguko a womba tiya Mkoma wa Mabutho a Tiyimbi, Txizimu txa Israyeli: Nga ti ku nga thekelisa tona kuhenya kwangu ni txiviti txangu ka vale va zumbako Jerusalema, ku na thekelisa toneto kuhenya kwangu txitimwi kwanu, aha ni no wulela Egipta; mi na maneka mi txi ruketelwa, txixamaliso, txinyenyeko, ni kutxhipiswa, kha mi na mbi wu wona kambe wukhalo wuwa.

Ezekhiyele 4:3

Aniko, awe lava dipani da simbi, u txi di maha diguma hahanze, hagari kwako ni didhoropa, se u txi di rendekela; di na randeliswa eto, u na di randela; eto ti na maha txikombiso ka nyumba ya ka a Israyeli.

Ezekhiyele 5:2

U na hisa lipimo limwelo la wuraru la misisi ngu mndilo, hagari ka didhoropa, ngako ma di gumile masiku a kurandela; sekoko u na teka limwani lipimo, u txi li wilela ngu ditxhari u txi horoloka didhoropa; se lipimo la wuraru lo gwitisa, u na li xwaya; nguko ni na li tutumisa ngu ditxhari.

Ezekhiyele 33:21

Se ku to maheka taku, ngu dilembe da wugumi ni mambidi, ka mtxima wa wugumi, ka ditshiku da mtxhanu da wukhumbi wathu, kutile wokari kwangu, a nga ti ti hulukile Jerusalema, a txi ta khene: Didhoropa di dayisilwe.

Ezekhiyele 40:1

Ka dilembe da wu magumi mambidi ni mtxhanu da wukhumbi wathu, kukhatani ka dilembe, ka ditshiku da wugumi da mtxima, msana ka digumi da malembe ni mune ku di khundumusilwe didhoropa, ka dona ditshiku dile dipune, di tile txitimwi kwangu dianza da Mkoma di ta ni yisa Jesrusalema.

2 Makronika 36:17

Nguko a to va rumela mfumeli wa va Kaldheya, awule a nga daya majaha awe ngu ditxhari, nyumbani kwakwe ko sawuleka, kha pfela wusiwana, majaha, hambi mahorana, ni sikosana, votshe a to va ningela manzani kwakwe.

Jeremiya 6:6

Nguko Mkoma wa Mabutho a Tiyimbi a khene: Gangani tindonga mi maha libhingo la kubhiyela Jerusalema; nguko didhoropa di dinganako kutsayiswa; di taletwe ngu wutsindaveti.

Jeremiya 52:1

A ti ni magumi mambidi a malembe Zedhekiya, mbimo yi a nga khata kufuma, a fumile digumi da malembe ni dilembe dimwedo Jerusalema; se ditina da mame wakwe i ti Hamitali, mwana Jeremiya, wa Libhina.