Jeremiya 38:9 - Bhiblia Yo Sawuleka

⁹ Mfumeli, nyamne wangu, vavamna vava kha va maha ta tinene ka totshe tile va nga mahela mprofeti Jeremiya, awule va nga mtshotsha diphalani; a na fa ngu nzala aha a ku kona, nguko kha ku ngadi ni mapawu amu didhoropani.

Jeremiya 38:9 Referans Kwoze

Jeremiya 37:21

Sekoko mfumeli Zedhekiya, a to va ruma ti to Jeremiya a txi vekwa dizumboni ka vawoneleli; e ningwa dipawu dimwedo ditshiku ni ditshiku ka digondo da vabhiki va mapawu, ma txi za otshe mapawu me guma didhoropani. Na Jeremiya a ti dizumboni ka vawoneleli.

Jeremiya 52:6

Ngu mtxima wa wumune, ka ditshiku da wutxhanu ni mune ka mtxima, aha nzala yi nga txi simama didhoropani, se vathu va ditiko va to pwata sakudya,

Jobe 31:34

ni na dhudhumele masoni ka dibutho da hombe, ni kuxowokiswa ngu mimwaya ya vathu, se ani ni na malale, ni nga hume ha txikeni.

Jeremiya 38:8

Ebhedhi-Meleki a to huma nyumbani ka mfumeli, a to ya womba-womba ni mfumeli, a txi khene:

Jeremiya 38:10

Se mfumeli a to ruma Ebhedhi-Meleki Muetiyopiya, a txi khene: Teka magumi mararu a vavamna hawa, mi txi ya humisa mprofeti Jeremiya amu diphalani asi se fa.

Sidilo 1:11

Votshe vathu vakwe va dila va txi lava sakudya; va xavisile tithomba tawe ngu kulava sakudya, kasi kuva txi wusa mitamo yawe; “wona Mkoma, wonisisa koko, a ti ni nyenyiswako tona.”

Sidilo 3:53

Va ni susumetete diphalani ni txi ngadi ni hanya, kambe va rinzetete marigwi tximwi kwangu.

Jeremiya 19:9

Ni na va maha vedya nyama ya vanana vawe va txiwamna ni va txisikati, mmweyo ni mmweyo a na dya nyama ya dixaka dakwe, ka mbimo ya kurandelwa ni ku kuretwa kwawe, eho va na so mwa tshim ngu valala va va xotako wutomi wawe.

Jeremiya 39:17

Aniko ni na kuhulukisa kedo ditshiku, kuwomba Mkoma, khu na mbi ningelwa manzani ka vathuvo u va thavako.