Jeremiya 38:6 - Bhiblia Yo Sawuleka

⁶ Sekoko, va to ñola Jeremiya ve mu releta diphalani ka Malikiya, mwana mfumeli, adi di nga txi maneka dizumboni ka vawoneleli; ve mreleta Jeremiya ngu ngoti. Diphalanimo ku si nga ni mati, hahanze ka madhaka; se Jeremiya a to txhibela madhakani.

Jeremiya 38:6 Referans Kwoze

Jeremiya 37:21

Sekoko mfumeli Zedhekiya, a to va ruma ti to Jeremiya a txi vekwa dizumboni ka vawoneleli; e ningwa dipawu dimwedo ditshiku ni ditshiku ka digondo da vabhiki va mapawu, ma txi za otshe mapawu me guma didhoropani. Na Jeremiya a ti dizumboni ka vawoneleli.

Jeremiya 38:22

Wona, vavasikati votshe va va nga sala nyumbani ka mfumeli wa ka Judha, va na yiswa ka vanana va mfumeli wa Bhabhilona; vavasikativo va na kha vona: “Vangana vako va ku kanganyisile, va ku xute; mikondo yako yi txhibete madhakani, vona va tshumelete msana.”

Jeremiya 37:16

Jeremiya a to wuletwa mkorani, a to zumba maphalani ka kona masiku o tala,

Masalmo 69:2

Na hojomela diphalani ko hokoma ka ndope, kha ni nga ni ko kanda kona. Ni maneka ni di mu ka mati o mita ngutu ni mpswinga se wa ni ndinda.

Mithumo 16:24

Ene, ngako a di amukete txileleto txiya, a to va wuleta ka txinyumbana txi txi ku mndani ka mkora, e va sungelela minenge ha mitandani.

Zakariya 9:11

Kasi i di awe ngu mhaka ya mnoha wa txitumelelano txako, ni humisile tikhumbi tako ngu diphalani mu ku nga si nga ni mati.

Masalmo 109:5

Va ni tshumetela ngu wubihi, ve ni tshumetela lirando ngu wubihi.

Masalmo 40:2

A ni humisile diphalani ko thisa, ka ndope yi yi dayako; a ni emisile txitimwi ka dirigwi, a txi ni basisela tinzila.

Genesisi 37:24

Va to mñola va txi mtshotsha mu diphalani; i ti diphala da diphanga, mndani ka dona ku ti si nga ni mati.

Vahebheru 10:36

Kha ditshuri, mi fanete kuva ni kutimisela kasi ku mi txi maha kuranda ka Txizimu, mi mana asi txi nga mi thembisa sona.

Jeremiya 36:26

Se mfumeli a to laya tito, Bharuke, m'bhali, ni mprofeti Jeremiya va txi ñolwa ngu Jerameyeli, mwanana wa mfumeli, ni Seraya, mwana Aziriyeli, ni Xelemiya mwana Abdheeli, aniko Mkoma a to va sisa.

Jeremiya 32:2

(Ka yoneyo mbimo tiyimbi ta mfumeli wa Bhabhilona ti to randela Jerusalema. Mprofeti Jeremiya a ti ti seketwe nyumbani ka vawoneleli va nyumba ya mfumeli wa ka Judha.

Jeremiya 38:13

Se va to ndinda Jeremiya ngu tingoti, va txi mu humisa diphalani, se ene Jeremiya a to zumba banzani ka vawoneleli.

Dhaniyeli 6:16

Sekoko mfumeli a to leleta ti taku kutiswa Dhaniyeli, e rinzwa diphalani ka tingonyamo. Se mfumeli a to womba ka Dhaniyeli, a txi khene: “Txizimu txako, a txi u txi thumelako mbimo yotshe txi na kuhulukisa!”