Jeremiya 38:5 - Bhiblia Yo Sawuleka

⁵ Mfumeli Zedhekiya a to xamula a txi khene: Hi nga wonani, ene a manzani kwanu, nguko mfumeli kha sikoti ku mlambela txilo.

Jeremiya 38:5 Referans Kwoze

2 Samuwele 3:39

Ani nyamsi ni gumile mtamo, hambi ku ni nga totwa kuva mfumeli; vavamna vava, i ku vanana va Zeruiya va karata kupinda ani; Mkoma a na ninga hakhelo ka mbihi, madingano ni wubihi wakwe.

Mavingu 29:25

Dijowa da m'thu di na riya milawu, kambe awule a thembako ka Mkoma, a na vekwa ka wukhalo wo guleka.

2 Samuwele 19:22

Kambe Dhavhidha a to khene: I txani ni ku natxo ani ni nanu vanana va Zeruiya, kuza nyamsi mi ni wukela kani? Ina ku nafa m'thu nyamsi Israyeli kani? Ngu kutxani mi si tiziviko taku nyamsi ni vekilwe kuva mfumeli txitimwi ka Israyeli kani?

1 Samuwele 29:9

Kambe Akisi a to xamula ka Dhavhidha a txi khene: Ani na tiziva; ti to ngu ditshuri awe u lulamile masoni kwangu ku nga Ngelozi ya Txizimu; kambe vathangeli va Vafilista va to kha vona: A nga tsule wuwa ni nathu yimbini.

1 Samuwele 15:24

Sekoko Sawule a to khene ka Samuwele: Ni onhile, nguko ni ndakile sileleto sa Mkoma ni mapswi akwe; nguko ni to thava vathu ni engisa dipswi dawe.

Jeremiya 26:14

Aniko ngu dangu didhawa, ni mtamoni kwanu; mahani ngu ngani ati i ku ta tinene ni kululama masoni kwanu.

Jeremiya 37:17

mfumeli Zedhekiya a to rumela kuya m'humisa, se mfumeli a to m'dhana ngu txihunja nyumbani kwakwe, a txi khene: Ina di nga vaho dipswi ngu ka Mkoma kani? Jeremiya a to xamula, a txi khene: Diho. E engeta a txi khene: Awe u na ningelwa manzani ka mfumeli wa Bhabhilona.

Dhaniyeli 6:16

Sekoko mfumeli a to leleta ti taku kutiswa Dhaniyeli, e rinzwa diphalani ka tingonyamo. Se mfumeli a to womba ka Dhaniyeli, a txi khene: “Txizimu txako, a txi u txi thumelako mbimo yotshe txi na kuhulukisa!”

Dhaniyeli 6:17

Ku to rindilitwa dirigwi di vhala txike txa diphala; se mfumeli e di vhala ngu txitambu txa ringi yakwe ni ya vahombe vakwe, kasiku ku si txitxwi txilo madingano ni timhaka ta Dhaniyeli.