Biblia Todo Logo
Bib sou entènèt

- Piblisite -




Jeremiya 38:22 - Bhiblia Yo Sawuleka

22 Wona, vavasikati votshe va va nga sala nyumbani ka mfumeli wa ka Judha, va na yiswa ka vanana va mfumeli wa Bhabhilona; vavasikativo va na kha vona: “Vangana vako va ku kanganyisile, va ku xute; mikondo yako yi txhibete madhakani, vona va tshumelete msana.”

Gade chapit la Kopi




Jeremiya 38:22
22 Referans Kwoze  

Va pfinyile vavasikati va Siyoni; ni votuma va madhoropa a ka Judha.


Didhoropa da Jerusalema di simama di txi dila ni wusiku; mirongo ya dona yi pyololoka khoheni ka dona; kha di nga ni mmalateli ka sotshe sirandwa sa dona; votshe vangana va dona va di lekile ve maha valala va dona.


I ku vavamna, ni vavasikati, sizambiana ni vanana va mfumeli vamahorana, ni sotshe so hanya asile si nga siwa ngu Nebhuzaradhani, mthangeli wa yimbi, ni Gedhaliya, mwana Ahikamu, mwana Xafani, kumweko ni Jeremiya, mprofeti, ni Bharuke mwana Neriya.


Mi nga kholweni ka mngana, hambi kuthemba mthangeli wanu; tsivela wule a otelako hakhana kwako, bundamisa txisofu txako.


Kukhukhela txitimwi, a rumete mndilo wu txi ta wulela marambuni kwangu; a ni riyete ngu mlawu e ni wisa ngu nyamsane dotshe ditshiku ni sate ni di dirumbini ni si nga ni kutsaka.


Se Ismayeli a to tsulisa wukhumbini votshe vathu vale va nga ti sate Misipa; i ku vanana va txisikati va mfumeli, ni votshe vathu vale va nga ti sate Misipa, evo Nebhuzaradhani, mthangeli wa vawoneleli, a nga ti va site ni Gedhaliya, mwana Ahikamu, Ismayeli, mwana Netaniya, a to va tsulisa wukhumbini; a to tsula navo ka vanana va Amoni.


Mfumeli Zedhekiya a to xamula Jeremiya, a txi khene: No thava Vajudha vale va nga tutumela ka Vakaldheya, a ti to ni txi ningelwa manzani kwawe, va txi ni xanisa.


Nguko ni pfite kungungurukela ka vavangi: Kuho kuthava ka otshe madhawa! “Wombani, hi na mmangala!” Votshe vale va ku ni kuthutha ni nani, va verela kuwa kwangu, va txi kha vona: “Mwendo a nga tumela kukujetelwa, sekoko hi na mxuthula, kuva hi pharela kwakwe.”


Nyumba yawe yi na ningelwa vamwani, kumweko ni tithembwe tawe ni vasikati vawe; nguko ni nawuluta dianza dangu txitimwi ka vaaki va ditiko, kuwomba Mkoma.


Va na tshumelela msana se va na wa tingana avale va thembako sithombe so vatwa, va ku kha vona ka sithombe so wumbwa: Anu mi sizimu sathu.


ni thavise ndopeni, kasiku ni si hojomeli! Ni hanyise ka va va ni vengako ni ka mati o mita!


Na hojomela diphalani ko hokoma ka ndope, kha ni nga ni ko kanda kona. Ni maneka ni di mu ka mati o mita ngutu ni mpswinga se wa ni ndinda.


Hambi mndoni wangu, awu ni nga ti m'themba, awu ni nga ti dya nayo mbiyani kumweko, se konkuwa a ni wukete a txi ni ganyata ngu txizenende txakwe.


Hambi masotxhwa akwe ma ku hagari kwakwe, ma fana ni marole o nona ngutu; aniko ni ona ma tshurate, ma tutumile kumweko, kha ma tsanisela; nguko di tile txitimwi kwawe ditshiku da kufuviswa kwawe, i ku ditshiku da kuendelwa kwawe.


“Ti mahisa kutxani kuve dhudhumela, ve tshumelela msana kani?” Tindena tawe ti pekilwe, “ta tutuma, kha ti woni ni msana, kuthava kuho ka otshe madhawa, kuwomba Mkoma.


Ngu konaho ni na ningela vasikati vawe ka vamwani, ni tithembwe tawe ka va va no ti honyola. Nguko votshe va ti ningetete mu ko navela, kukhukhela ka wam'dotho kala ka wa hombe, kukhukhela ka vaprofeti kala ka vaphaxeli, votshe va kanganyisa.


U na txani ngako a txi veka vakakwanu ku kufumela kani? Ngawe u nga va gondisa kuva vanyamne vako. Ina kha ti na mbi panda kwako nga wamsikati a lumwako kani?


Aniko ngako u txi lamba kuhuma, Mkoma a ni kombisile mhaka yiya:


Vanathu va ni amukete ngu wuviyaku, va nga txinambwana, nga mati a sinambwana maphwako.


Mi nga dhuke mi txi engisa mapswi a vaprofeti va va ku kha vona kwanu: Mi nga thumeleni mfumeli wa Bhabhilona; nguko vo mi profetela makuhu.


Nguko kha na va ruma, kuwomba Mkoma, vo profeta makuhu ngu ditina dangu, ku va ani ni txi na mi hangalasa, mi txi lova, anu ni vo va va mi profetelako makuhu.


Swiv nou:

Piblisite


Piblisite