Jeremiya 38:13 - Bhiblia Yo Sawuleka

¹³ Se va to ndinda Jeremiya ngu tingoti, va txi mu humisa diphalani, se ene Jeremiya a to zumba banzani ka vawoneleli.

Jeremiya 38:13 Referans Kwoze

Jeremiya 37:21

Sekoko mfumeli Zedhekiya, a to va ruma ti to Jeremiya a txi vekwa dizumboni ka vawoneleli; e ningwa dipawu dimwedo ditshiku ni ditshiku ka digondo da vabhiki va mapawu, ma txi za otshe mapawu me guma didhoropani. Na Jeremiya a ti dizumboni ka vawoneleli.

Mithumo 28:30

Se Paulo a to pinduka malembe mambidi a txi zumba ka nyumba yi a nga ti lombile. A txi amukela votshe va va nga ti ta kwakwe,

Mithumo 28:16

Mbimo yi hi nga wulela Roma, Paulo a to tumelelwa kuzumba ka nyumba ya ekha, kumweko ni disotxhwa di di nga ti mu woneleta.

Mithumo 23:35

“Ni na kuengisa, ngako vamangali vako va di bwakile.” Se a to ruma ti to a na woneletwe, a di nyumbani ka wukoma, ka Herodha.

Jeremiya 38:28

Se ene Jeremiya a to zumba ka wukhalo wa vawoneleli, kala ka ditshiku dile Jerusalema a nga khoziswa ngu dona.

Jeremiya 38:6

Sekoko, va to ñola Jeremiya ve mu releta diphalani ka Malikiya, mwana mfumeli, adi di nga txi maneka dizumboni ka vawoneleli; ve mreleta Jeremiya ngu ngoti. Diphalanimo ku si nga ni mati, hahanze ka madhaka; se Jeremiya a to txhibela madhakani.

1 Vafumeli 22:27

se mi na khanu: Mfumeli a khene: Wuletani wamwamna wuwa mkorani, mi txi mninga sakudya so mbi tshamba, ni mati o bava, kala kuza ni txi wuya ngu kuthutha.

Mithumo 24:27

Kambe, ngako ku di pindile malembe mambidi, Porkiyo Festo a to fuma, e tsiveta Felikisi. Kasi Felikisi a ti lekile Paulo mkorani, ngu kuranda kutsakisa Vajudha.

Nehemiya 3:25

Palali, mwana Uzayi, a to aka kukhukhela masoni ka dikhona ni ka txitezi txi txi khukhelako ka nyumba ya txitimwi ya wukoma, yi ku hafuhi ni diguma da mkorani. Msana ka Palali, ku to aka Pedhaya, mwana Paro,

Jeremiya 26:16

Sekoko tinduna ni vathu votshe va to kha vona ka vaphaxeli ni ka vaprofeti: Awuwa m'thu kha faneli kufa, nguko a txhumayela kwathu ngu ditina da Mkoma, Txizimu txathu.

Jeremiya 32:2

(Ka yoneyo mbimo tiyimbi ta mfumeli wa Bhabhilona ti to randela Jerusalema. Mprofeti Jeremiya a ti ti seketwe nyumbani ka vawoneleli va nyumba ya mfumeli wa ka Judha.

Jeremiya 38:12

Ebhedhi-Meleki Muetiyopiya, a to khene ka Jeremiya: Vekela sigwanda siya mkhatani kwako, ngu hahatshi ka tingoti. Se Jeremiya a to maha tona eto.

Genesisi 37:28

Ku ti ngako vanyamabhindu va Midhiyani va txi pinda ngu hafuhi kwawe, vona va to humisa Josefa ngu mu diphalani, ve mxavisa Josefa ka va ka Ismayeli ngu magumi mambidi a maxekele a silivhela, se vanyamabhindu va to mteka, ve tsula nayo Egipta.

Mavingu 29:10

Sidayi si ni livengo ka m'thu wo lulama, kambe vale vo lulama va ti lavela wunene wawe.

Sidilo 3:58

Mkoma, u lwete moya wangu u txi tirula wutomi wangu.