Jeremiya 37:7 - Bhiblia Yo Sawuleka

⁷ Mkoma, Txizimu txa Israyeli, a khene: Gelani mfumeli wa ka Judha awu a nga mi ruma kwangu ku ta ni wotisa, mi txi khanu: Wona taku dibutho da Faro adi di nga tela ku ta mi vhuna, di na tshumelela Egipta ditikoni ka dona.

Jeremiya 37:7 Referans Kwoze

Sidilo 4:17

Maso athu, ma ti guma mtamo, hi txi verela kuvhunwa, hi si mani m'vhuni. Hi ti wonisela vathu hi txi tandeka ku va hulukisa.

Ezekhiyele 17:17

Se Faro, hambi ni dibutho dakwe da hombe, ni votshe vale votala va m'vhunako, kha na mbi nga maha ta txilo ta yimbi, a txi kela mibhala ni kuaka maguma kasi kuheta vathu.

Jeremiya 37:3

Mfumeli Zedhekiya a to ruma Jehukali, mwana Selemiya, ni Zefaniya, mwana Mahaseya, mphaxeli, ka Jeremiya, a txi ya khene: Hi kombelele kona kuwa masoni ka Mkoma, Txizimu txathu.

Jeremiya 21:2

“Hi nga hi wotisela ka Mkoma, nguko Nebhukodhonosori, mfumeli wa Bhabhilona, wa hi xasela; mwendo Mkoma a na hi mahela sixamaliso sakwe, ti taku ene e khukha kwathu.”

2 Vafumeli 22:18

Aniko, ka mfumeli wa ka Judha, wule a nga mi ruma kuya wotisa ka Mkoma, mi na ya m'gela ku khanu: Madingano ni timhaka tile mi nga tiengisa, Mkoma, Txizimu txa Israyeli, a khene:

Ezekhiyele 29:16

Kambe khu na mbi ngadi u thembeka ka nyumba ya ka Israyeli, kasi ku va alakanyisa ngu wubihi wawe, ngako va txi wona msana kwawe; va no tiziva dwe taku ani ngani Mkoma Txizimu.

Jeremiya 2:36

Ngu kutxani u kuluvetako kujika, u txitxa nzila yako kani? U engeta u xowokiswa ngu Egipta, ngako u nga wiswa tingana ngu Asiriya.

Mavingu 21:30

Kha ku nga ni wutxhari, hambi kupfisisa, ni sileleto, kasi kuwukela Mkoma.

Jeremiya 2:18

U tsimbilela txani ngu nzila ya Egipta, kuya sela mati a Nilo kani? U tsimbilela txani ngu nzila ya Asiriya kuya sela mati a mnambo kani?

Jeremiya 2:37

Kambe u na huma u di sanzekile mawoko ako ha msungo; nguko Mkoma a lambile va u va thembako, khu na mbi humelela ngu vona.

Jeremiya 21:1

Dipswi di di nga ta ka Jeremiya ngu ka Mkoma, mbimo yi mfumeli Zedhekiya a nga rumela Paxuri, mwana Malakiya, ni Zefaniya, mwana Maseya, mphaxeli, va txi ya kha vona:

Jeremiya 37:5

Yimbi ya Faro yi to huma ngu Egipta, sekoko Vakaldheya ava va nga ranganyeta Jerusalema, ngako va ti ti pfite va to khukha Jerusalema.

Jeremiya 37:6

Sekoko mhaka ya Mkoma yi to ta ka mprofeti Jeremiya:

Sidilo 1:7

Khumbula awe Jerusalema, ka masiku a kuxaniseka ni ku ti lambisa kwako ni sotshe si u nga ti si dhunda, si u nga ti naso ngu kale; mbimo yi vathu vako va nga ti ti wa manzani ka mlala, se ene a ti si nga ni muhefemuti valala va muwoni va txi poyila kuwa kwakwe.

Ezekhiyele 30:22

Ngu tona eto, Mkoma Txizimu a khene: Wona taku ani na wukela Faro, mfumeli wa Egipta, se ni na funya mawoko akwe, adile da dinene ni dile do funywa, kambe ni na wisa dianza dakwe ngu ditxhari.

2 Vafumeli 24:7

Se mfumeli wa Egipta kha nga nga huma ngu ditikoni kwakwe; nguko mfumeli wa Bhabhilona a honyote sotshe si i ngadi sa mfumeli wa Egipta, kukhukhela mnamboni ka Egipta kala ka mnambo wa Ewufrate.

Isaya 30:7

Nguko Egipta a na va vhuna walo, se va si hoki ka magwito a txilo, ngu toneto, ni dite ngu mhaka yiya: Kumalalani kwawe, ku nava ni mtamo wawe.

Isaya 36:6

Na ti wona taku u themba ndonga yile ya litshava lo funyeka, i ku Egipta, aha kaku m'thu a txo khigetela ka lona, li na mthola dianza, li dhoda ka dimwani didhawa; ngu toneto nene Faro, mfumeli wa Egipta, ka votshe vale va mthembako.