Jeremiya 37:21 - Bhiblia Yo Sawuleka

²¹ Sekoko mfumeli Zedhekiya, a to va ruma ti to Jeremiya a txi vekwa dizumboni ka vawoneleli; e ningwa dipawu dimwedo ditshiku ni ditshiku ka digondo da vabhiki va mapawu, ma txi za otshe mapawu me guma didhoropani. Na Jeremiya a ti dizumboni ka vawoneleli.

Jeremiya 37:21 Referans Kwoze

Jeremiya 38:28

Se ene Jeremiya a to zumba ka wukhalo wa vawoneleli, kala ka ditshiku dile Jerusalema a nga khoziswa ngu dona.

Jeremiya 38:13

Se va to ndinda Jeremiya ngu tingoti, va txi mu humisa diphalani, se ene Jeremiya a to zumba banzani ka vawoneleli.

Jeremiya 52:6

Ngu mtxima wa wumune, ka ditshiku da wutxhanu ni mune ka mtxima, aha nzala yi nga txi simama didhoropani, se vathu va ditiko va to pwata sakudya,

Jeremiya 38:9

Mfumeli, nyamne wangu, vavamna vava kha va maha ta tinene ka totshe tile va nga mahela mprofeti Jeremiya, awule va nga mtshotsha diphalani; a na fa ngu nzala aha a ku kona, nguko kha ku ngadi ni mapawu amu didhoropani.

Jeremiya 32:2

(Ka yoneyo mbimo tiyimbi ta mfumeli wa Bhabhilona ti to randela Jerusalema. Mprofeti Jeremiya a ti ti seketwe nyumbani ka vawoneleli va nyumba ya mfumeli wa ka Judha.

Isaya 33:16

Awuwa a na zumba txitimwi; mikhokhola ya marigwi yi na maha wuthavelo wakwe wo guleka, a na ningwa dipawu dakwe, ni mati akwe ma na maneka.

2 Vafumeli 25:3

Ka ditshiku da mtxhanu ni mune, ka mtxima wa wumune, mbimo yile didhoropa di nga ti wona di ti tsindavetilwe ngu nzala, ku si maneki hambi dipawu do dyisa vathu,

Jobe 5:20

Txi na ku hulukisa kudawa ngu nzala; ni yimbini txi na kuhulukisa ka phango ya ditxhari.

2 Timoti 2:9

ayi ni xanisekako ngu mhaka ya yona, ni za ni sungwa ngu tingomondo nga no va txigevenga, kambe dipswi da Txizimu kha di na kusungwa ngu tingomondo.

2 Timoti 1:8

Ngu toneto, u nga telwe ngu tingana kufakazela Mkoma Wathu, hambi kufakazela ani ni ku txibotxhwa ngu kota yakwe, aniko sengela ni nani kuxanisekani kwangu ngu mhaka ya Evhangeli, u txi tsaniswa ngu mtamo wa Txizimu,

Vaefesu 6:20

ayi ni ku muemeli wa yona kona kusungwani muwa; kasi ku ni sikota kuwombawomba ngu kutxhatxheka, nga ha ti fanelako kuva ni txhumayela.

Vaefesu 4:1

Na mi khongotela koko ani txibotxhwa txa Mkoma, ti to mi hanya ngu nzila yi yi fanelako wukholwa wu mi nga dhanelwa wona,

Mithumo 28:30

Se Paulo a to pinduka malembe mambidi a txi zumba ka nyumba yi a nga ti lombile. A txi amukela votshe va va nga ti ta kwakwe,

Mithumo 28:16

Mbimo yi hi nga wulela Roma, Paulo a to tumelelwa kuzumba ka nyumba ya ekha, kumweko ni disotxhwa di di nga ti mu woneleta.

Mithumo 24:27

Kambe, ngako ku di pindile malembe mambidi, Porkiyo Festo a to fuma, e tsiveta Felikisi. Kasi Felikisi a ti lekile Paulo mkorani, ngu kuranda kutsakisa Vajudha.

Mithumo 12:5

Mbimo yi Pedro a nga ti seketwe mkorani, Dibanza di ti si humuli ku mu khongelela ka Txizimu.

Matewu 6:33

“Kukhata, lavani Mfumo wa Txizimu ni kululama ka txona, ani sotshe siya mi na engetelwa.

Sidilo 5:10

Didhowo dathu di nzihate nga txidimbo, ngu mhaka ya kuhiswa ngu nzala.

Jeremiya 32:8

Sekoko Hananeli, mwanana wa tatanyani wangu, a tile kwangu amuwa Banzani ka vawoneleli, nga ti Mkoma a nga womba, a txi khene kwangu: Xava thembwe yangu yi ku Anatote, ditikoni ka Bhenjamini, nguko u ni madingano a kudya thomba, ni a ku yi tirula, njiavelo yona thembwe yiya. Sekoko ni to pimisa ti to ndipswi da Mkoma.

Mavingu 21:1

Mbilu ya mfumeli manzani ka Mkoma, yi fana ni txinambwana txa mati; yi maha totshe ti ene a ti lavako.

Mavingu 16:7

Ngako tinzila ta m'thu ti txi tsakisa Mkoma, a maha taku m'thu e mana kuthutha ni valala vakwe.

Masalmo 37:19

Kha va na mbi va ni tingana ka masiku a sikarato, ka masiku a nzala, vona va na khura.

Masalmo 37:3

Themba Mkoma, u txi maha ta tinene; u na aka ha mafuni, u txi hanya ngu kuthembeka.

Jeremiya 33:1

Se dipswi da Mkoma di tile da wumbidi ka Jeremiya, a di ngadi seketwe banzani ka vawoneleli, di txi kha dona:

Jeremiya 38:6

Sekoko, va to ñola Jeremiya ve mu releta diphalani ka Malikiya, mwana mfumeli, adi di nga txi maneka dizumboni ka vawoneleli; ve mreleta Jeremiya ngu ngoti. Diphalanimo ku si nga ni mati, hahanze ka madhaka; se Jeremiya a to txhibela madhakani.

Jeremiya 20:2

Se a to peka mprofeti Jeremiya, a txi mkhotela ka wukhalo wu ku txikenini ka txitimwi ka Bhenjamini, amu Nyumbani ka Mkoma.