Jeremiya 37:19 - Bhiblia Yo Sawuleka

¹⁹ Va hani koko vaprofeti vanu avale va nga txi profeta kwanu, va txi khene: Mfumeli wa Bhabhilona kha na mbi mi wukela hambi kuwukela ditiko diya kani?

Jeremiya 37:19 Referans Kwoze

Jeremiya 2:28

Sekoko si hani sizimu sako asi u nga ti mahela kani? Hi nga si leka si txi ema, hi wona ngako si txi sikota ku kuhanyisa ka mbimo ya makhombo! Nguko sizimu sako si dingana ni mtengo wa miti yako, awe Judha.

Jeremiya 29:31

Rumela dipswi ka votshe va ku wukhumbini, u txi khawe: Mkoma a khene xungetano ngu Semaya wa niya Nehelame: Nga kule Semaya a nga profeta kwanu ni sa mruma, a txi mi maha mi themba makuhu.

Jeremiya 23:17

Va txhumayela va di ka so vavalu ka va va ni kanyisako, va txi kha vona: Mkoma a khene: Mi na zumbiseka kha kwati. Ni ka votshe va tsimbilako ngu kubanga ka timbilu tawe, va txi kha vona: Kha di na mbi ta dikhombo txitimwi kwathu.

Jeremiya 8:11

Kha va theli kota ngu kuthuma txilonda txa m'horana wa vanana vangu, va txi kha vona: Kuthuthile, kuthuthile, kuve kha ku na kuthutha.

Jeremiya 6:14

Kha va khatala kuthuma tivandwa ta vathu vangu va txi kha vona: Kuthuthile, kuthuthile! Na ku si nga ni kuthutha.

2 Vafumeli 3:13

Aniko Elixa a to khene ka mfumeli wa ka Israyeli: Njitxani ni ku natxo ani ni nawe kani? Tsula u txi ya wotisa ka vaprofeti va tate wako, ni ka vaprofeti va mwamwako. Joramu, mfumeli wa ka Israyeli, a to khene: Hi nga tona, nguko Mkoma a dhani vafumeli vava vavararu, kasi ku ta va ningela manzani ka Vamowabhi.

Sidilo 2:14

Vaprofeti vako va ku wonete siwoniso sa manyala ni wuhundwa, kambe va tandekile kunuwela wubihi wako, kasi kuretha wukhumbi wako; aniko va woni tithundu ta walo, ni so dingana ku kutovelisa va txi kuxenga ngu tona.

Dhewuteronome 32:38

Si hani si si nga ti ti dya mafura a tihamba tawe, asi si nga txi sela vhinya yawe ya miningelo kani? Si na khukhe si txi ta mi emela, si txi ta mi vhikela.

Ezekhiyele 13:2

Awe mwanana wa m'thu, profeta u wukela vaprofeti va ka Israyeli, va profetako, u txi womba ka vale va profetako ti ti wonwako ngu timbilu tawe, u txi khawe: Engisani dipswi da Mkoma.

Ezekhiyele 13:6

Va wona kwa mbi nyawula ni kuhutetela ta makuhu, vale va ku kha vona: Mkoma a wombile; na kuve Mkoma kha va ruma; ve maha tile to ku na verelwe kumaheka ka tile ti nga wombwa.