Jeremiya 37:1 - Bhiblia Yo Sawuleka

¹ Zedhekiya, mwana Josiya, a to vekwa ngu Nabhukodhonozori, mfumeli wa Bhabhilona, kumaha mfumeli wa ditiko da ka Judha, ka wukhalo wa Koniya, mwana Jehoyakimu.

Jeremiya 37:1 Referans Kwoze

Jeremiya 22:24

Nga ku ni hanyako, kuwomba Mkoma, i ti ku Jowakimi, mwana Jehoyakimu, mfumeli wa ka Judha, i ti kova ringi ya dianza dangu da txinene, nga ni di mkodote konaho.

2 Vafumeli 24:17

Se mfumeli wa Bhabhilona, a to fumisa Mataniya i ku tatanyani wa Jowakimu, e mninga ditina daku i Zedhekiya.

2 Vafumeli 24:12

Sekoko a to huma Jowakimu, mfumeli wa ka Judha, eya ka mfumeli wa Bhabhilona, kumweko ni mwamwakwe ni sithumi sakwe, ni madhota akwe, ni mithenwa yakwe; se mfumeli wa Bhabhilona a to mñola, ka dilembe da wutxhanu ni mararu da kufuma kwakwe.

Jeremiya 52:31

Ku to maneka koko taku, ka dilembe da wugumi ni mararu a wukhumbi wa Jehoyakimi, mfumeli wa ka Judha, ka mtxima wa wugumi ni yimbidi, ka ditshiku da magumi mambidi ni mtxhanu ka mtxima, aha Evhili-Merodhaki, mfumeli wa Bhabhilona, ka dilembe do khata da kufuma kwakwe, a to guleta msungo wa Jahoyakimi, mfumeli wa ka Judha, e mu humisa ka nyumba ya mkora;

Jeremiya 24:1

Msana ka kuva Nebhukodhonosori, mfumeli wa Bhabhilona, a di ñolisile Jokoniya, mwana Jehoyakimu, mfumeli wa ka Judha, ni vavati ni vapeki va nyundo, va kuta ngu Jerusalema, va txi yiswa Bhabhilona, Mkoma a to ni wonisa sirundu sa maxanvu na si di vekilwe ha txikeni ka Dithepele da Mkoma.

Jeremiya 22:28

Ina m'thu wuwa Jokoniya njiya txo fayeka ni kunyenywa, a txi txi si vhuniko txilo kani? Kasi a leketwe txani ni vanana vakwe va txi ya tshotshwa ka ditiko va si di ziviko kani?

Jeremiya 21:1

Dipswi di di nga ta ka Jeremiya ngu ka Mkoma, mbimo yi mfumeli Zedhekiya a nga rumela Paxuri, mwana Malakiya, ni Zefaniya, mwana Maseya, mphaxeli, va txi ya kha vona:

Jeremiya 34:2

A womba tiya Mkoma, Txizimu txa Israyeli: Tsula u ya gela Zedhekiya, mfumeli wa ka Judha, u txi khawe: Mkoma a khene: Ni na ningela diya didhoropa manzani ka mfumeli wa Bhabhilona, ene a na di hisa.