Jeremiya 36:9 - Bhiblia Yo Sawuleka

⁹ Ngu dilembe da wutxhanu da Jehoyakimu mwana Josiya, mfumeli wa ka Judha, ngu mtxima wa wutxhanu ni mune, ku to pekwa nyiwo ya ditshiku da kuyila masoni ka Mkoma, ka votshe vathu va Jerusalema, ni votshe vathu va humako ngu madhoropani ka Judha va txita Jerusalema.

Jeremiya 36:9 Referans Kwoze

2 Makronika 20:3

Sekoko Josafati a to thava e lava Mkoma; a to gela votshe va ka Judha kuve ti tona kudya.

Jona 3:5

Se vathu va Ninivha va to kholwa ka Txizimu, se ve nuwela mhaka ya kutitona. Se va to ambala masaka, kukhukhela ka wa hombe kala ka wam'dotho.

Jeremiya 36:22

Mfumeli a ti ti zumbile nyumbani ka wuxika, nguko i ti mtxima wa wutxhanu ni mune; ku ti ti ni mndilo ha txikho masoni kwakwe.

Esteri 4:16

Tsula u ya sengeleta votshe Vajudha vale va manekako Susani, mi titona sakudya ngu mhaka yangu, mi heta masiku mararu mi si dyi txilo hambi kusela wusiku ni mitshikari, se ani ni mahorana angu hi na maha toneto, hi titona sakudya nathu; ngu kumaha keto, ni na tsula kuya wonana ni mfumeli, hambi ku i singako mlayo; aniko ni txi lova, ni na love.

Zakariya 8:19

A womba tiya Mkoma wa Mabutho a Tiyimbi: Kutitona ka mtxima wa wumune, ni kutitona ka mtxima wa wutxhanu, ni kutitona ka wa wutxhanu ni yimbidi, ni kutitona ka mtxima wa wugumi, ku nava kunengela ni kutsaka, ni mibuso ka nyumba ya ka Judha, ngu toneto dhundani ditshuri ni kudikha.

Joyeli 1:13

Ti khutareleni mi ti dilela anu vaphaxeli; kumani anu vathumeli va txiluvelo; wulelani mi pinda mi di ambate masaka, ni wusiku anu, vathumeli va Txizimu txangu; nguko miningelo ya sakudya ni sa kusela si nga wilwa, nza nyumbani ka Txizimu txanu.

Jeremiya 36:1

Ngu dilembe da wumune da Jehoyakimi, mfumeli wa ka Judha, dipswi da Mkoma di to ta ka Jeremiya, di txi kha dona:

Nehemiya 9:1

Se ka ditshiku da magumi mambidi ni mune, ka wona mtxima wuwa, vanana va ka Israyeli va to sengeletana, ve ti tona sakudya, va di ambate syambalo sa masaka, va di ti theletete mafu ha msungo kwawe.

Levhi 23:27

Ka ditshiku da wugumi, da mtxima wa wutxhanu ni yimbidi, ditshiku da hombe do divalela sionho: Mi fanete kuramba msengeletano wo sawuleka, mi txi maha mithumo ya kukomba kupandiseka ngu sionho ni kumaha mningelo wa mhamba ya Mkoma.

Valamuli 20:26

Sekoko votshe vanana va ka Israyeli, ni votshe vathu, va to kwelela va txi ya Bheteli, veya dila masoni ka Mkoma, se va to ti tona ka dotshe ditshiku dile kala minova; kambe va to ningela miphaxo yo hiswa, ni miningelo ya kudikha, masoni ka Mkoma.

1 Samuwele 7:6

Se va to sengeletana kona Misipa, ve reka mati ve ma theletela masoni ka Mkoma, kambe ka ditshiku donedo va to titona kudya, va txi kha vona: Hi onhete Mkoma. Se Samuwele a to lamula vanana va ka Israyeli kona Misipa.

Jeremiya 36:6

Ngu konaho wulela awe Nyumbani ka Mkoma ngu ditshiku da kuyila, u txi ya gonda dibhuku di u nga bhala mapswi ale ni nga kugeletela, i ku mapswi a Mkoma, u txi ma gonda tinzeveni ka vathu ni ka votshe Vajudha vale va nga ta ngu madhoropani kwawe.

Joyeli 1:14

Ti sawuleleni kutitona, nuwelani ditshiku da kutsimbisela, sengeletani madhota ni votshe zumbako ditikoni muwa, Nyumbani ka Mkoma, Txizimu txanu, se mi txi dila ka Mkoma.