Jeremiya 36:5 - Bhiblia Yo Sawuleka

⁵ Se Jeremiya a to leletela Bharuke, a txi khene: Ani ni khotetwe, kha ni sikoti kuwulela Nyumbani ka Mkoma.

Jeremiya 36:5 Referans Kwoze

Jeremiya 33:1

Se dipswi da Mkoma di tile da wumbidi ka Jeremiya, a di ngadi seketwe banzani ka vawoneleli, di txi kha dona:

Jeremiya 32:2

(Ka yoneyo mbimo tiyimbi ta mfumeli wa Bhabhilona ti to randela Jerusalema. Mprofeti Jeremiya a ti ti seketwe nyumbani ka vawoneleli va nyumba ya mfumeli wa ka Judha.

2 Vakorinto 11:23

Nzithumi sa Kristu kani? Ni wombisa wuphuphulu, ni txi khani: Ani na va pala ngutu. Na va pala ngu mithumo, ni seketwe sikhati sasingi mikorani, kupinda vona; ni kwapetwe ngutu ngu sisephu kupinda vona, sikhati sasingi ni manekile ni di ha phangoni ka kufa.

Vahebheru 11:36

Vamwani kambe va timisete ka sixaniso sa kutseketselwa, va kwapetwe ngu txisepu, ve sungwa ngu titxhini, ve khotelwa mkorani.

2 Timoti 2:9

ayi ni xanisekako ngu mhaka ya yona, ni za ni sungwa ngu tingomondo nga no va txigevenga, kambe dipswi da Txizimu kha di na kusungwa ngu tingomondo.

Vaefesu 6:20

ayi ni ku muemeli wa yona kona kusungwani muwa; kasi ku ni sikota kuwombawomba ngu kutxhatxheka, nga ha ti fanelako kuva ni txhumayela.

Vaefesu 3:1

Ngu konaho, ani Paulo ni maneka ku khotelwani ngu mhaka ya Jesu Kristu, kufela kuvhuna anu vamatiko,

Jeremiya 40:4

Wona, ni ku txhatxhile titxhini ti ti nga ti mawokoni kwako. Ngako u txi lava kutsula ni nani Bhabhilona, ngono, ni na kuxayisa. Aniko u si ti lavi kutsula ni nani Bhabhilona, u nga sala. Hi nga wona, dotshe ditiko di masoni kwako; ni hayi ku ku tsakisako, aha u lavako kuya kona, tsula kheyo.”

Jeremiya 38:28

Se ene Jeremiya a to zumba ka wukhalo wa vawoneleli, kala ka ditshiku dile Jerusalema a nga khoziswa ngu dona.

Jeremiya 38:6

Sekoko, va to ñola Jeremiya ve mu releta diphalani ka Malikiya, mwana mfumeli, adi di nga txi maneka dizumboni ka vawoneleli; ve mreleta Jeremiya ngu ngoti. Diphalanimo ku si nga ni mati, hahanze ka madhaka; se Jeremiya a to txhibela madhakani.

Jeremiya 37:15

Vanana va mfumeli va to henya ngutu ngu Jeremiya, va txi mpeka, va txi mkhotela nyumbani ka Jonatani mabhalani, nguko va nga ti yi mahile mkora.

Jeremiya 20:2

Se a to peka mprofeti Jeremiya, a txi mkhotela ka wukhalo wu ku txikenini ka txitimwi ka Bhenjamini, amu Nyumbani ka Mkoma.

Nehemiya 6:10

Se mbimo yile ni nga wulela m'tini ka Semaya, mwana Dhelaya, mwana Meyetabheli (a nga ti khotetwe), a to khene: A hi tsimbile hotshe Nyumbani ka Txizimu, hagari ka dithepele, hi ya vhala matimba a dithepele; nguko va lava ku ta ku daya: Ngu ditshuri, va nata ni wusiku ve ta kudaya.

Masalmo 88:8

U ni hambanisile ni vangana vangu; u ni mahile wo nyenyeza masoni kwawe. Ni fana ni wo khotelwa asi sikotiko kuhuma.

Jeremiya 32:12

ni to henjeleta dipapilo da mxavo ka Bharuke mwana Neriya, mwana Mahaseya, masoni ka Hananeli, mwana tatanyani wangu, ni masoni ka tifakazi ti ti nga sayina dipapilo da mxavo, ni masoni ka votshe Vajudha vava va nga ti khalahatshile dizumboni ka vawoneleli.