Jeremiya 36:26 - Bhiblia Yo Sawuleka

²⁶ Se mfumeli a to laya tito, Bharuke, m'bhali, ni mprofeti Jeremiya va txi ñolwa ngu Jerameyeli, mwanana wa mfumeli, ni Seraya, mwana Aziriyeli, ni Xelemiya mwana Abdheeli, aniko Mkoma a to va sisa.

Jeremiya 36:26 Referans Kwoze

Masalmo 91:1

Awule a zumbako kusisalani ka Nyatxitimwi a na humula mtsudini ka Nyamitamo,

1 Vafumeli 19:14

Se Elija a to khene: Ni xambanyile kuthumela ngutu Mkoma, Txizimu txa Mabutho a Tiyimbi, nguko vanana va ka Israyeli va lekile txitumelelano txako, va khundumusete siluvelo sako, ve dayela vaprofeti vako ngu ditxhari; se ngani nokha ni nga sala, se va xota kuthavisa wutomi wangu.

1 Vafumeli 19:10

Se ene a to khene: Ni xambanyile kuthumela ngutu Mkoma, Txizimu txa Mabutho a Tiyimbi, nguko vanana va ka Israyeli va lekile txitumelelano txako, va khundumusete siluvelo sako, ve dayela vaprofeti vako ngu ditxhari; se ngani nokha ni nga sala, se va xota kuthavisa wutomi wangu.

1 Vafumeli 17:3

Khukha ngu hawa u tsula wutxani, i nda ya sisala mabambe ka txinambwana txa Kerite, txo dingetelana ni Jordhani.

Mithumo 12:11

Se ene, ngako a di ambulukile, a to khene: “Konkuwa se na tiziva ngu ditshuri ti to Mkoma a rumete ngelozi yakwe yi ta ni hulukisa manzani ka Herodha ni kuwonelelani ka dibutho da Vajudha.”

Isaya 26:20

Tsulani, koko, anu vathu vangu, wulelani tinyumbani kwanu mi ti sekela matimba, baramani ngu mbimoanyana, kala kuza kuboxa kuhenya.

Masalmo 64:2

Ni lwele ka sikungo sa vabihi; ni ponise ka vathu vo biha va ni riyelako.

Masalmo 27:5

Ngako ma txi ni hokela masiku a kubiha, Moma a na ni lwela; ene wa ni sisa nyumbani kwakwe; a na ni hulukisa ngu ku ni veka txitimwi ka dirigwi.

Johani 8:20

Mapswi awa a ma wombile a di ka wukhalo wa miningelo, na a txi gondisa Dithepeleni. Kambe kha ka nga va ni m'thu wu a nga mñola nguko txikhati txakwe txi ti sanzi kuhoka.

Jeremiya 36:19

Sekoko vathangeli va ti kha vona ka Bharuke: Tsula u txi ya sisala, awe ni Jeremiya; mi nga geleni hambi m'thu aho mi nova kona.

Jeremiya 36:5

Se Jeremiya a to leletela Bharuke, a txi khene: Ani ni khotetwe, kha ni sikoti kuwulela Nyumbani ka Mkoma.

Masalmo 57:1

Telwa ngu wumbilu ni nani, awe Txizimu, telwa ngu wumbilu, nguko moya wangu wu themba awe. Ni lava kusisala hahatshi ka mabhapi ako, kala phango yi txi pinda.

Masalmo 32:7

Awe u wuthavelo wangu; Awe wa ni xayisa kuxanisekani; Awe wa ni tsanisa ngu tindando To tsanikisa ti txhatxhisako.

1 Vafumeli 18:4

nguko ku mahekile tito, mbimo yile Jezabheli a nga ti dayela vaprofeti va Mkoma, Obhadhiya a to teka 100 wa vaprofeti, se e sisa mtxhanu wa magumi kheno, ni vamwani va mtxhanu wa magumi kheya, amu ka diphala, e va dyisa ngu mapawu ni mati).

Johani 11:57

Aniko, vaphaxeli va hombe ni Vafarisi va ti leletile tito, awu a ku zivako mu a ku kona, e va zivisa, kasiku veya mu ñola.

Johani 8:59

Sekoko vona va to rola marigwi kasi ku mu rinzetela, aniko Jesu a to sisala, e huma Dithepeleni.

Johani 7:32

Vafarisi va to engisa ku dibutho di nga txi ngurangura ngu mhaka yakwe: Konako vaphaxeli va hombe ni Vafarisi va to ruma mahalamu kuya mu ñola.

Jeremiya 2:30

Ni pekile walo vanana vanu, kha va tumela kukawukwa. Ditxhari danu di date vaprofeti vanu nga ngonyamo yi hasamulako.

Jeremiya 1:19

Va na lwa ni nawe, aniko kha va na mbi kuxula; nguko ani ni kumweko ni nawe, kasi ku kuhulukisa, kuwomba Mkoma.”

1 Vafumeli 17:9

Khukha u tsula Sarepita, ku manekako Sidhoni, u txi ya zumba kona; wona to ani ni rumile wamsikati wa noni, a ti to e kudyisa.

Masalmo 121:8

Mkoma a na kuvhikela u txi wulela ni kuhumani kwako, kukhukhela konkuwa kala kupinduka.

1 Vafumeli 22:26

Sekoko Akabe i ku mfumeli wa ka Israyeli, a to khene: Tekani Mikaya mi txi mtisa ka Amoni, i ku mthangeli wa didhoropa, ni ka Jowasi, i ku mwanana wa mfumeli,

2 Vafumeli 11:2

Aniko Jehosebha, mwana mfumeli Jehoramu, ndiya ya Akaziya, a to teka Jowasi, mwana Akaziya, e mpfhukisa hagari ka vanana va mfumeli, va nga txi va dayela, se a to m'veka nyumbani kumweko ni mxayisi wakwe, a txi msisela Ataliya, ngu kumaha keto, kha va m'daya.

2 Makronika 18:26

Mi na womba ku khanu: Mfumeli a khene: Mu wuleteni mkorani mi txi mu xanisa ngu ku mtona sakudya ni mati, kala ni wuya ngu kuthutha.

Masalmo 105:15

“Mi nga gweseni ava ni nga va sawula, mi nga xupheni vaprofeti vangu.”

Jeremiya 26:24

Diwoko da Ahikamu, mwana Xafani, di ti ti kumweko ni Jeremiya, ti taku asi ningelwi manzani ka vathu a txi dawa.

Jeremiya 38:6

Sekoko, va to ñola Jeremiya ve mu releta diphalani ka Malikiya, mwana mfumeli, adi di nga txi maneka dizumboni ka vawoneleli; ve mreleta Jeremiya ngu ngoti. Diphalanimo ku si nga ni mati, hahanze ka madhaka; se Jeremiya a to txhibela madhakani.