Jeremiya 36:2 - Bhiblia Yo Sawuleka

² Ti tekele dibhuku u txi bhala totshe timhaka ti ni nga kugela ngu Israyeli ni Judha, ni xungetano ni otshe matiko, kukhukhela ka ditshikwedo ni nga womba-womba ni nawe ka masiku a Josiya kala ni kuwa.

Jeremiya 36:2 Referans Kwoze

Jeremiya 30:2

Mkoma, Txizimu txa Israyeli a khene: Bhala amu ka dibhuku totshe timhaka tiya ni nga kugela.

Jeremiya 25:3

Kukhukhela ka dilembe da digumi ni mararu da kufuma ka Josiya, mwana Amoni, mfumeli wa ka Judha, kala ka diya ditshiku, mndani ka magumi mambidi a malembe ni mararu, Mkoma a ti womba-womba ni nani, ni di txhumayete kwanu i di ngadi mixo, aniko anu kha ma engisa.

Jeremiya 1:10

Wona, ka diya ditshiku, ni kuveka txitimwi ka matiko ni mifumo, kuva u dula ni kukhundumusa, kuhasamula ni kuwisa, kuaka ni kuphaya.”

Eksodha 17:14

Sekoko Mkoma a to womba ka Mosi a txi khene: “Bhala timhaka tiya amu ka dibhuku kasi ku ti maha txialakanyiso, u gela Joxuwa tito, ni na lovisa maalakanyo a Amaleki, hahatshi ka nzuma.”

Ezekhiyele 2:9

Sekoko ni to wona dianza di txi nawuluka dita kwangu, se ka dona ku ti ti ni dibhuku do petelwa.

Jeremiya 51:60

Jeremiya a to bhala amu ka dibhuku, kotshe kubiha kule ku nota txitimwi ka Bhabhilona; otshe mapswi ale ma nga ti bhatwe o wukela Bhabhilona.

Jeremiya 36:23

Ku ti ngako Jehudhi a ti gondile tindima tiraru mwendo mune, mfumeli a to wila dibhuku ngu mesa a txi di tshotsha ka mndilo ha txikho.

Jeremiya 36:6

Ngu konaho wulela awe Nyumbani ka Mkoma ngu ditshiku da kuyila, u txi ya gonda dibhuku di u nga bhala mapswi ale ni nga kugeletela, i ku mapswi a Mkoma, u txi ma gonda tinzeveni ka vathu ni ka votshe Vajudha vale va nga ta ngu madhoropani kwawe.

Isaya 8:1

Mkoma a to khene kambe kwangu: Teka txileti txa hombe, u bhala ka txona, ngu mibhalo ya hombe, u txi khawe: Kukuluveta kuhanda, kukuluveta kuxasela.

Masalmo 40:7

Ngu konako, ni wombile ni txi khani: “Ni ho hawa! Dibhuku da Mlayo da ni gela ati ni fanelako ku ti maha.”

Ezra 6:2

Se kona Akimeta, ka nyumba ya wukoma, yi manekako ka ditiko da Medhiya, ku to manwa dibhuku, ku nga ti bhatwe txileleto ka dona, txo womba tiya:

Hoseya 8:12

Ni va bhalete wuhombe wa mlayo wangu, aniko kwawe eto ndimhaka ta kwa mbi vhuna txilo.

Jeremiya 45:1

Dipswi di a nga womba Jeremiya mprofeti, ka Bharuke, mwana Neriya, a to bhala mapswi ale mu ka dibhuku, ma txi wombwa ngu Jeremiya, ka dilembe da wumune da kufuma ka Jehoyakimu, mwana Josiya, mfumeli wa ka Judha, a txi khene:

Jeremiya 36:29

U na gela Jehoyakimu mfumeli wa ka Judha, u txi: Mkoma a khene: Awe u hisile dibhuku diya, u txi: Ngu kutxani u nga bhala ka dona ti taku mfumeli wa Bhabhilona a nata hasamula ditiko diya, a txi heta vathu ni sihari kani?

Jeremiya 2:4

Engisani dipswi da Mkoma anu va nyumba ya ka Jakobe, Ni nanu mimwaya yotshe ya ka Israyeli.

Jeremiya 1:5

“Ni ku zivile ni si se kuwumba mndani ka mwamwako; kambe na u si se velekwa ni kusawute, kuva mprofeti wa matiko.”

Jobe 31:35

O! Nga ku na mana wammweyo wo ni engisa! Wona taku, kunavela kwangu nguku awu wa Mtamo-wotshe, a txi ni xamula, mlala wangu a na bhale txisolo dibhukuni.

Dhewuteronome 31:24

Se ku to maheka taku, ngako Mosi a di hetile kubhala otshe mapswi a Mlayo dibhukuni, a txi ma heta otshe,

Vahebheru 10:7

Se ani ni ti khani: Wona, ni ho hawa, nguko eto ti bhaletwe ani amu ka dibhuku; ni tela ku ta maha kuranda kwako, awe Txizimu.”

Jeremiya 1:9

Se Mkoma a to nawuluta dianza, e gwesa txisofu txangu, a txi khene kwangu Mkoma: “Wona taku na veka mapswi angu txisofuni kwako.

Jeremiya 36:14

Sekoko votshe vathangeli va to ruma Jehudhi, mwana Netaniya, mwana Xelemiya, mwana Kuxe, ka Bharuke, va txi kha vona: Teka dibhuku di u ngadi gonda tinzeveni ka vathu, u txi ta nado: Bharuke, mwana Neriya, a to teka dibhuku a txi ta kwawe.

Jeremiya 36:18

Bharuke a to va xamula, a txi khene: A ni gete otshe mapswi awa ngu txisofu txakwe, ni txi ma bhala dibhukuni ngu “penda.”