Jeremiya 36:12 - Bhiblia Yo Sawuleka

¹² a to kwitima eya nyumbani ka mfumeli, amu ka wukhalo wa m'bhali. Se wona taku votshe vathangeli va di khalahatshile kona hale: I ku Elixama m'bhali, ni Dhelaya, mwana Xemaya, ni Elinatani, mwana Akibhori, ni Gemariya, mwana Xafani, ni Zedhekiya, mwana Hananiya, ni votshe vamwani vathangeli.

Jeremiya 36:12 Referans Kwoze

Jeremiya 26:22

Mfumeli Jehoyakimu a to rumela vathu vo londeta Uriya ditikoni ka Egipta, i Elinatani, mwana Akibhori, ni vavamna vokari a nga ti navo.

Jeremiya 36:25

Elnatani ni Dhelaya ni Gemariya va to khongotela mfumeli ti to asi hisi dibhuku, aniko kha va engisa.

2 Vafumeli 22:12

Se mfumeli a to ruma Hilikiya mphaxeli, ni Ahikamu, mwana Safani, ni Akibhori, mwana Mikaya, ni mabhalani Safani, ni Asaya, txithumi txa mfumeli, a txi khene:

Jeremiya 41:1

Ku to maheka ti to ngu mtxima wa wutxhanu ni yimbidi, a txi ta Ismayeli mwana Netaniya, mwana Elixama, wa mnoha wa vafumeli, ni vathangeli va tinyimbi ta mfumeli, i ku digumi da vavamna kupata ni ene, ni Gedhaliya mwana Ahikamu, kona Misipa; se va to dya votshe dipawu kona Misipa.

2 Vafumeli 24:8

Jowakimu a ti ti ni tanga ya digumi da malembe ni mtxhanu ni mararu mbimo yile a nga khata kufuma, a fumela Jerusalema mitxima yiraru; ditina da mame wakwe i ti ti Newusta, mwana Elinata, wa Jerusalema.

2 Vafumeli 22:14

Sekoko mphaxeli Hilikiya, ni Ahikamu, ni Akibhori, ni Safani, ni Asaya, va to tsula ka mprofeti wa txisikati Hulidha, msikati wa Salumi, mwana Tikivha, wa mwana Harasi, muwoneleli wa syambalo (a nga txi zumba ka didhawa da wumbidi da Jerusalema) veya mtxhamusela.

2 Vafumeli 22:3

Ku to maheka koko ati taku ngu dilembe da wugumi ni mtxhanu ni mararu da mfumeli Josiya, mfumeli a to ruma mabhalani Safani, mwana Azaliya, wa mwana Mesulawu, Nyumbani ka Mkoma, a txi ya khene:

Jeremiya 38:4

Sekoko vathangeli va to gela mfumeli va txi kha vona: Awuwa m'thu a na dawe, nguko wa rera mawoko a tindena ti ti nga sala ka diya didhoropa, ni mawoko a votshe vathu ngu ku va gela timhaka to nga tiya; m'thu wuwa kha xuveli wunene amu ka ditiko diya, aniko a di xuvela makhombo.

Jeremiya 26:10

Se tinduna ta ka Judha, ngako ti di pfite eto, ti to kwela ngu nyumbani ka mfumeli ti txi ya Nyumbani ka Mkoma ti txi ya khalahatsha ngu ha txikeni ka kuphya ka Mkoma.

Jeremiya 26:24

Diwoko da Ahikamu, mwana Xafani, di ti ti kumweko ni Jeremiya, ti taku asi ningelwi manzani ka vathu a txi dawa.