Jeremiya 36:10 - Bhiblia Yo Sawuleka

¹⁰ Bharuke koko a to gonda amu ka dibhuku timhaka ta Jeremiya Nyumbani ka Mkoma, amu wukhaloni ka Gemariya, mwana Xafani, m'bhali, habanza ka txitimwi ka txike txa txiphya txa Nyumba ya Mkoma, a txi di gonda tinzeveni ka vathu votshe.

Jeremiya 36:10 Referans Kwoze

Jeremiya 36:11

Ahawa Mikaya, mwana Gemariya, mwana Xafani, a nga pfa totshe timhaka ta Mkoma ti txi gondwa mu ka dibhuku,

Jeremiya 52:25

Se amu didhoropani a tekile mthenwa mmweyo a nga txi xayisa vathu va yimbi, ni mtxhanu wa vavamna vale va nga txi wonelela khohe ya mfumeli, avale va nga manwa didhoropani, kumweko ni mabhalani wa masotxhwa, a nga txi bhalela vathu vo dingana kuya yimbini, ni mtxhanu wa magumi ni digumi dimwedo a vavamna ka vathu va ditiko, va nga manwa mndani ka didhoropa.

Jeremiya 26:10

Se tinduna ta ka Judha, ngako ti di pfite eto, ti to kwela ngu nyumbani ka mfumeli ti txi ya Nyumbani ka Mkoma ti txi ya khalahatsha ngu ha txikeni ka kuphya ka Mkoma.

Jeremiya 36:25

Elnatani ni Dhelaya ni Gemariya va to khongotela mfumeli ti to asi hisi dibhuku, aniko kha va engisa.

2 Samuwele 8:17

Se Zadhoki, mwana Ayitubhe, ni Ayimeleki, mwana Abhiyatari, i ti ti vaphaxeli, se Seraya i ti ti mabhalani.

Jeremiya 36:8

Bharuke mwana Neriya, a to maha totshe ti a nga gelwa ngu mprofeti Jeremiya, a txi gonda timhaka ta Mkoma mu ka dibhuku diya Nyumbani ka Mkoma.

Jeremiya 36:6

Ngu konaho wulela awe Nyumbani ka Mkoma ngu ditshiku da kuyila, u txi ya gonda dibhuku di u nga bhala mapswi ale ni nga kugeletela, i ku mapswi a Mkoma, u txi ma gonda tinzeveni ka vathu ni ka votshe Vajudha vale va nga ta ngu madhoropani kwawe.

Jeremiya 35:4

ni to va tsulisa Nyumbani ka Mkoma, ka wukhalo wa vanana va Hanani, mwana Igdhaliya, i ku m'thu wa Txizimu, awule wu nga ti gwatamile ni wukhalo wa vathangeli, wu ku txitimwi ka wukhalo wa Mahaseya mwana Salumi, muwoneleti wa txike.

Jeremiya 29:3

Dipapilo di tsute ni Elasa, mwana Xafani, ni Gemariya, mwana Hilikiya, (ava Zedhekiya, mfumeli wa ka Judha, a nga ti va rumile kuya Bhabhilona, ka Nebhukodhonosori, mfumeli wa Bhabhilona), a txi khene:

Jeremiya 26:24

Diwoko da Ahikamu, mwana Xafani, di ti ti kumweko ni Jeremiya, ti taku asi ningelwi manzani ka vathu a txi dawa.

2 Vafumeli 18:37

Sekoko, Eliyakimu mwana Hilikiya, mthangeli wa nyumba ya wukoma, ni mabhalani wa kona Sebhina, ni Jowa, mwana Asafe, didhota da kona, va to ta ka Ezekhiya ni syambalo so vharukela, ve ta m'geletela mapswi a Rabhisake.

2 Vafumeli 15:35

Nziluvelo dwe si nga mbi khundumuswa, nguko vathu va txi ngadi ve phaxela kona ni kuhisa dibaselo. Jothamu ngene a nga aka Ditimba do Guleka da Nyumba ya Mkoma.

2 Samuwele 20:25

Sevha i ti ti mabhalani, Zadhoki ni Abhiyatari i ti ti vaphaxeli;

1 Vafumeli 6:36

A to aka kambe diguma ngu mndani ngu marigwi o vatelwa a titxhatxha tiraru ni mirwalo ya mikedhari.

Jeremiya 43:3

Bharuke, mwana Neriya, ngene a ku kujetelako ku hi wukela, ni ku hi ningela manzani ka Vakaldheya, kasi va txi hi daya, mwendo ku hi yisa Bhabhilona.”

Ezekhiyele 40:38

Nyumba ya kona ni txike txo wulela ngu txona, si ti ti hafuhi ni tisika ta mihubhe, yile va nga txi kuwula ka yona miningelo ya kuhiswa.

2 Vafumeli 22:3

Ku to maheka koko ati taku ngu dilembe da wugumi ni mtxhanu ni mararu da mfumeli Josiya, mfumeli a to ruma mabhalani Safani, mwana Azaliya, wa mwana Mesulawu, Nyumbani ka Mkoma, a txi ya khene: