Jeremiya 36:1 - Bhiblia Yo Sawuleka

¹ Ngu dilembe da wumune da Jehoyakimi, mfumeli wa ka Judha, dipswi da Mkoma di to ta ka Jeremiya, di txi kha dona:

Jeremiya 36:1 Referans Kwoze

Jeremiya 25:1

Dipswi diya di nga ta ka Jeremiya xungetano ngu vathu va ka Judha ngu dilembe da wumune da kufuma ka Jehoyakimu, mwana Josiya, mfumeli wa ka Judha, i nga ti dilembe do khata da kufuma ka Nebhukodhonosori, mfumeli wa Bhabhilona.

Jeremiya 45:1

Dipswi di a nga womba Jeremiya mprofeti, ka Bharuke, mwana Neriya, a to bhala mapswi ale mu ka dibhuku, ma txi wombwa ngu Jeremiya, ka dilembe da wumune da kufuma ka Jehoyakimu, mwana Josiya, mfumeli wa ka Judha, a txi khene:

Jeremiya 35:1

Di tile dipswi ka Jeremiya ngu ka Mkoma, ka masiku a Jehoyakimi, mwana Josiya, mfumeli wa ka Judha, di txi kha dona:

2 Makronika 36:5

Jehoyakimu a to khata kufuma a di ni tanga ya magumi mambidi ni mtxhanu wa malembe, e fuma digumi da malembe ni dimwedo Jerusalema, e maha wubihi masoni ka Mkoma Txizimu txakwe.

Jeremiya 25:3

Kukhukhela ka dilembe da digumi ni mararu da kufuma ka Josiya, mwana Amoni, mfumeli wa ka Judha, kala ka diya ditshiku, mndani ka magumi mambidi a malembe ni mararu, Mkoma a ti womba-womba ni nani, ni di txhumayete kwanu i di ngadi mixo, aniko anu kha ma engisa.

Jeremiya 36:9

Ngu dilembe da wutxhanu da Jehoyakimu mwana Josiya, mfumeli wa ka Judha, ngu mtxima wa wutxhanu ni mune, ku to pekwa nyiwo ya ditshiku da kuyila masoni ka Mkoma, ka votshe vathu va Jerusalema, ni votshe vathu va humako ngu madhoropani ka Judha va txita Jerusalema.

Jeremiya 46:2

Xungetano ni Egipta, kasi kupeka yimbi ya Faro-Neko, mfumeli wa Egipta, a nga txi maneka hafuhi ni mnambo wa Ewufrate kona Karkemixe, wule a nga pekwa ngu Nebhukodhonosori, mfumeli wa Bhabhilona, ka dilembe da wumune da kufuma ka Jehoyakimi, mwana Josiya, mfumeli wa Judha.

Dhaniyeli 1:1

Ka dilembe da wuraru da kufuma ka Jehoyakimi, mfumeli wa Judha, Nebhukodhonosori mfumeli wa Bhabhilona, a toya randela Jerusalema.