Jeremiya 35:6 - Bhiblia Yo Sawuleka

⁶ Aniko va to xamula va txi kha vona: Kha hi na mbi sela vhinya, nguko Jonadhabhe, mwana Rekabhi, tate wathu, a hi layile a txi khene: Mi nga dhuki mi sela vhinya, anu ni vanana vanu.

Jeremiya 35:6 Referans Kwoze

Luka 1:15

Ene a na va i di wa hombe masoni ka Mkoma, kha na mbi sela vhinya mwendo wusuke wo levisa, a na tala ngu Moya wo Sawuleka a di ngadi mndani ka mame wakwe;

1 Makronika 2:55

Se mimwaya ya vabhali vale va nga ti akile Jabhesi, i ti Vatirati, ni Vasimeyati, ni Vasukati; avava mbakeni vale va nga velekwa ngu Hamati, tate wa nyumba ya Rekabhi.

2 Vafumeli 10:15

Se Jehu a ti khukhile ngu hale, a to mana Jonadhabhe, mwana Rekabhi, a txi tela ku ta wonana nayo, a to mlosa, a txi khene: Ina mbilu yako njinene, ku nga mbilu yangu, i ku yinene ka mbilu yako kani? Se Jonadhabhe a to khene: Njinene. Sekoko Jehu a to khene ngako i di yinene, ni ninge dianza dako! A to mninga dianza dakwe, se e kwela nayo amu ka txikotxikani.

Valamuli 13:14

Sotshe sile si humako ngu ka m'vhinya, a nga dye, hambi vhinya, mwendo sopa, a nga sele, ni txihi txo yila, a nga dye; totshe ti ni nga mleleta a na ti xayisa.

Valamuli 13:7

Aniko ene a ni gete ku khene: “Wona taku u na mana txirumbu, u veleka mwanana wa mfana; konkuwa koko, u nga sele vhinya hambi sopa; kambe u nga dye ni txihi txo yila; nguko mfana a na va i di munazira wa Txizimu, kukhukhela mndani ka mame wakwe, kala ka ditshiku da kufa kwakwe!”

Levhi 10:9

Ngako awe ni vanana vako mi txi lava kuwulela ditendani ka msengeletano, mi nga seleni vhinya, hambi ni simwani so sela si si levisako, nguko mi nga fa. Awuwa mlayo mbwo kala kupinduka, ka sotshe situkulwana sanu.

1 Pedro 2:11

Na mi kombela, vo randeka ngutu, nga vaendi ni valuveli ditikoni muwa, mi leka kutiningetetela ka minavelo ya mmidi, ayi yilwako ni moya yotshe mbimo.

Jeremiya 35:10

Aniko hi zumbile matendani, hi engisa ni kumaha totshe eto Jonadhabhe, tate wathu, a nga hi laya tona.

Masalmo 105:12

Mbimo yi Vaisrayeli i nga ti vavadotho, i nga ti valuveli ditikoni ka Kanana;

1 Makronika 16:19

Aku va nga ti ngu mtengo wa wudotho, i nga ti valuveli ka dona;

2 Vafumeli 10:23

Se Jehu a to wulela ni Jonadhabhe, mwana Rekabhi, nyumbani ka Bhahali, a nje khene ka sithumi sa Bhahali: Xolani mi wonisisa kha kwati ti to ku si maneki ni wammweyo hagari kwanu wo thumela Mkoma, hahanze ka sithumi sa Bhahali.

Eksodha 20:12

Thava tate wako ni mame wako kasiku masiku ako ma na engetelwa ka ditiko di u nga ningwa ngu Mkoma, Txizimu txako.

Genesisi 36:7

Vona va ti ni tithomba ta tingi, ti si koteki ti to va nga aka wukhalo wumwewo, nguko ditiko di va nga ti akile ka dona di ti si eneli, ngu mhaka ya tithomba tawe, ta tingi.

Genesisi 25:27

Vanana va manekile va txi kula. Esawu i ti ti mxoti wa hombe, a txi zumbela txitingani; Jakobe i ti ti m'thu wo thutha, a ti ti zumbela matendani.

Jeremiya 35:14

Timhaka ta Jonadhabhe, mwana Rekabhi, ati a nga laya vanana vakwe ti to va si seli vhinya, va ti xayisile; kha va sela kala ni nyamsi kuwa; nguko va engisile mlayo wa tate wawe; ani koko nitako ni txi womba kwanu, ni phindula ni mi gela, aniko anu, kha ma ni engisa.