Jeremiya 35:4 - Bhiblia Yo Sawuleka

⁴ ni to va tsulisa Nyumbani ka Mkoma, ka wukhalo wa vanana va Hanani, mwana Igdhaliya, i ku m'thu wa Txizimu, awule wu nga ti gwatamile ni wukhalo wa vathangeli, wu ku txitimwi ka wukhalo wa Mahaseya mwana Salumi, muwoneleti wa txike.

Jeremiya 35:4 Referans Kwoze

Dhewuteronome 33:1

Kambe atxiya, njikatekiso a txi Mosi, m'thu wa Txizimu, a nga katekisa ngu txona vanana va ka Israyeli, na a sinzi kufa.

2 Makronika 8:14

Ngu kulondeta sileleto sa tate wakwe Dhavhidha, a to lulamisa mitxawa ya vaphaxeli ka mithumo ya vona ni mitxawa ya Valevhi ka mithumo ya yona kasi kuva txi dhumisa Txizimu ni kuthuma masoni ka vaphaxeli ditshiku ni ditshiku madingano ni ti ti nga longisiswa tona, e lulamisa ni mitxawa ya va woneleti va matimba, e txi va veka ka ditimba dimwani ni dimwani ngu kulondeta mlayo wa Dhavhidha, m'thu wa Txizimu.

2 Vafumeli 12:9

Ngu kumaha keto mphaxeli Joyadha a to teka dibhokiso, e dola ditshoko aha ka txi fenengeto, e veka hafuhi ni txiluvelo, ngu didhawa da txinene ka vale va nga txi wulela Nyumbani ka Mkoma; se vaphaxeli vale va nga txi wonelela txike txa ditimba, va ti ti veka konemo male yile yi nga txi tiswa Nyumbani ka Mkoma.

2 Vafumeli 25:18

Se Nabhuzaradhani, mthangeli wa vawoneleli, a to teka mphaxeli wo khata i ku Saraya, ni mphaxeli wa wumbidi i ku Zefaniaya, ni vawoneleli vararu va msasimo wa ditimba.

2 Vafumeli 1:9

Sekoko a to rumela mthangeli wa mtxhanu wa magumi a vathu, a txi mkwelisa mmangoni, a txi khene: Awe m'thu wa Txizimu, mfumeli a khene: Txhika.

1 Vafumeli 12:22

Sekoko dipswi da Txizimu di tile ka Semaya, m'thu wa Txizimu, di txi kha dona:

Joxuwa 14:6

Sekoko vanana va ka Judha va to ta ka Joxuwa, ditikoni ka Giligali; se Kalebhi, mwana Jefoni, Mkenezi, a mgete ku khene: Awe wa tiziva ti Mkoma a nga gela Mosi, m'thu wa Txizimu, ngu didhawa dangu ni didhawa dako, kona Kadhesi-Bharneya.

2 Timoti 3:17

kasiku m'thu wu i ku wa ka Txizimu a txi va a di hetisekile, a txi lulamiselwa ka yotshe mithumo ya yinene.

1 Timoti 6:11

Aniko awe u ku m'thu wa ka Txizimu, si vayilele sotshe siya. U fanete kukhutalela kululama, kukhongela, kukholwa, lirando, kutimisela, kuthutha.

Ezekhiyele 43:8

Na veka mitshunzuti yawe hafuhi ni mtshunzuti wangu, ni misasimo yawe, hafuhi ni msasimo wangu, na ku ti ni diseta hagari kwangu navo; se va nyenyezisile ditina dangu do sawuleka ngu manyala awe va nga ti ti ma maha; ngu mhaka yeto, ni va fuvisile kuhenyani kwangu.

Jeremiya 52:24

Se mthangeli wa vawoneleli a to teka Sarayasi, mphaxeli wa hombe, ni Zefaniya mphaxeli wa wumbidi, ni vawoneleli vararu va misasimo ya ditimba.

Jeremiya 26:10

Se tinduna ta ka Judha, ngako ti di pfite eto, ti to kwela ngu nyumbani ka mfumeli ti txi ya Nyumbani ka Mkoma ti txi ya khalahatsha ngu ha txikeni ka kuphya ka Mkoma.

Masalmo 84:10

Ndinene ngutu kuzumba ditshiku dimwedo nyumbani kwako, kupinda kuzumba digumi da mazana a masiku hahanze! Ni randa kuzumba ha txikeni ka Nyumba ya Txizimu txangu kupinda kuzumba matendani ka vabihi.

1 Makronika 9:27

Se ni wusiku va ti ti randela Nyumba ya Txizimu, nguko va ti ningilwe mthumo wo wonelela ni kutula matimba, masiku otshe.

2 Vafumeli 7:17

Se va to veka mfumeli ha txikeni aha a nga ti sanzekile kona dianza mthangeli wa yimbi; se vathu va to m'balisela ha ditimbani e gwitisa kufa, nga tile a ngadi wombile m'thu wa Txizimu, mbimo yile a nga hoka kwakwe.

2 Vafumeli 7:2

Sekoko mthangeli wa yimbi awule a nga ti sanzekile kwakwe diwoko mfumeli, a to xamula ka Elixa, m'thu wa Txizimu, a txi khene: Hambi i ti ku Mkoma o maha mafasitela nzumani, ti ndi na maheka toneto kani? Se Elixa a to khene: Sekoko u na ti wona ngu maso ako, hambi keto kukhukhela ka koneho khu na mbi dya.

2 Vafumeli 6:10

Ngu kumaha keto, mfumeli wa ka Israyeli, a to rumela tito, ka wukhalo wule a nga ti ti getwe ni ku txharihiswa ngu m'thu wa Txizimu. Ku txi wonelelwa yotshe mbimo.

2 Vafumeli 5:20

Sekoko Gehazi, dijaha da Elixa, m'thu wa Txizimu, a to khene: Hi nga wonani, nyamne wangu a tsimbile musiriya wule Nahanani, ku mninga ngu dianza dakwe, sa sidotho ka sile a ngadi naso. Ni xambanya ngu Mkoma wo hanya a tito, ni na tutuma ngu msana kwakwe ni ya teka txokari.

2 Vafumeli 5:14

Sekoko a to relela eya bhumwala kona Jordhani mtxhanu wa sikhati ni simbidi, madingano ni kuwomba ka m'thu wa Txizimu; se nyama yakwe yi to thunga, yi txi nga nyama ya mfana, se a to kalamuka.

1 Vafumeli 20:28

A to bwaka m'thu wa Txizimu a txi ta khene ka mfumeli wa Israyeli: Mkoma a womba tiya: Hambiko Vasiriya va ku kha vona: Mkoma Njizimu txa mimangoni hi nga Txizimu txa mikovani, dotshe dibutho diya da hombe ni na di ningela manzani kwako, kasi u txi na tiziva ti taku ani ni Mkoma.

1 Vafumeli 17:24

Sekoko wamsikati a to khene ka Elija: Se na tiziva koko taku u m'thu wa Txizimu, ni ti taku dipswi da Txizimu txisofuni kwako ditshuri.

1 Vafumeli 17:18

Se ene a to khene ka Elija: Njitxani ni ku natxo ni nawe, awe m'thu wa Txizimu kani? U tile kasi ku ta ni wusela wusiwana wangu, u daya mwanana wangu kani?

1 Vafumeli 13:26

Se mbimo yile a nga tiengisa mprofeti wule a nga mtshumeta hanzila, a to khene: I m'thu wa Txizimu a nga eyisa txisofu txa Mkoma; ngu mhaka yeto Mkoma a mningete ka ngonyamo, yi yi nga m'dayisa ku mphatulela, madingano ni dipswi dile a nga ti getwe ngu Mkoma.

1 Vafumeli 13:1

Wonani ati to ngu kuruma ka Mkoma kutile m'thu wa Txizimu Bheteli ngu Judha; se Jerobhowamu a ti txiluveloni, kasi kuhisa dibaselo.

1 Samuwele 2:27

Se kutota m'thu wa Txizimu ka Eli, a txi ta m'gela tiya: Mkoma a womba tiya: Ina kha na tikomba ngu ditshuri, ka nyumba ya tate wako, va ka Israyeli va di ngadi Egipta, nyumbani ka Faro, kani?

Jeremiya 35:3

Sekoko ni to teka Jazaniya, mwana Jeremiya, mwana Habhaziniya, ni vanawe ni vanana vakwe votshe ni yotshe nyumba ya ka Rekabhi,

Ezekhiyele 40:38

Nyumba ya kona ni txike txo wulela ngu txona, si ti ti hafuhi ni tisika ta mihubhe, yile va nga txi kuwula ka yona miningelo ya kuhiswa.

Jeremiya 21:1

Dipswi di di nga ta ka Jeremiya ngu ka Mkoma, mbimo yi mfumeli Zedhekiya a nga rumela Paxuri, mwana Malakiya, ni Zefaniya, mwana Maseya, mphaxeli, va txi ya kha vona: