Jeremiya 35:1 - Bhiblia Yo Sawuleka

¹ Di tile dipswi ka Jeremiya ngu ka Mkoma, ka masiku a Jehoyakimi, mwana Josiya, mfumeli wa ka Judha, di txi kha dona:

Jeremiya 35:1 Referans Kwoze

Jeremiya 25:1

Dipswi diya di nga ta ka Jeremiya xungetano ngu vathu va ka Judha ngu dilembe da wumune da kufuma ka Jehoyakimu, mwana Josiya, mfumeli wa ka Judha, i nga ti dilembe do khata da kufuma ka Nebhukodhonosori, mfumeli wa Bhabhilona.

Jeremiya 1:3

Di tile kambe, ngu masiku a Jehoyakimu, mwana Josiya, mfumeli wa ka Judha, kala magwito ka dilembe da digumi ni dimwedo da kufa ka Zedhekiya, mwana Josiya, mfumeli wa ka Judha, kala mbimo yile Jerusalema a nga yiswa wukarawani ngu mtxima wa wutxhanu.

2 Vafumeli 23:35

Se Jehoyakimu a to ningela silivhela yile ni nzalama yile ka Faro; sekoko a to jikisa ditiko, kasi e ningela maleyo madingano ni kuruma ka Faro; madingano ni ti a nga ti wonisa tona a to sengisa silivhela ni nzalama ka vathu va ditiko, kasi e ningela ka Faro-Neko.

Dhaniyeli 1:1

Ka dilembe da wuraru da kufuma ka Jehoyakimi, mfumeli wa Judha, Nebhukodhonosori mfumeli wa Bhabhilona, a toya randela Jerusalema.

Jeremiya 46:2

Xungetano ni Egipta, kasi kupeka yimbi ya Faro-Neko, mfumeli wa Egipta, a nga txi maneka hafuhi ni mnambo wa Ewufrate kona Karkemixe, wule a nga pekwa ngu Nebhukodhonosori, mfumeli wa Bhabhilona, ka dilembe da wumune da kufuma ka Jehoyakimi, mwana Josiya, mfumeli wa Judha.

Jeremiya 36:29

U na gela Jehoyakimu mfumeli wa ka Judha, u txi: Mkoma a khene: Awe u hisile dibhuku diya, u txi: Ngu kutxani u nga bhala ka dona ti taku mfumeli wa Bhabhilona a nata hasamula ditiko diya, a txi heta vathu ni sihari kani?

Jeremiya 36:9

Ngu dilembe da wutxhanu da Jehoyakimu mwana Josiya, mfumeli wa ka Judha, ngu mtxima wa wutxhanu ni mune, ku to pekwa nyiwo ya ditshiku da kuyila masoni ka Mkoma, ka votshe vathu va Jerusalema, ni votshe vathu va humako ngu madhoropani ka Judha va txita Jerusalema.

Jeremiya 36:1

Ngu dilembe da wumune da Jehoyakimi, mfumeli wa ka Judha, dipswi da Mkoma di to ta ka Jeremiya, di txi kha dona:

Jeremiya 26:1

Makhatoni a kufuma ka Jehoyakimu, mfumeli wa ka Judha, kutile mhaka yiya ngu ka Mkoma, yi txi kha yona:

2 Vafumeli 23:34

Kambe Faro-Neko a to fumisa Eliyakimu, mwana Josiya, ka wukhalo wa tate wakwe Josiya, se e mtxitxela ditina atxi khene i Jehoyakimu; se a to teka Jowakazi, e tsula Egipta, a fete koneyo.

Jeremiya 27:20

asile Nebhukodhonosori, mfumeli wa Bhabhuilona, a nga mbi si teka, ngako a di ñote Jokoniya, mwana Jehoyakimu, mfumeli wa ka Judha, ngu Jerusalema a txi mu yisa Bhabhilona, ni sotshe sitetema sa ka Judha, ni Jerusalema.