Jeremiya 34:9 - Bhiblia Yo Sawuleka

⁹ kasi ku mmweyo ni mmweyo e txhatxha txithumi txakwe txatxiwamna ni txatxisikati, ngako i di Muhebheru wa txiwamna mwendo Muhebheru wa txisikati, kasi ku si nga ni wu a thumisako Mujudha-kulowe nga khumbi.

Jeremiya 34:9 Referans Kwoze

Vafilipiya 3:5

ni yisilwe wukwerani ka ditshiku da wutxhanu ni mararu, ni wa lixaka la ka Israyeli, ka lihunzu la ka Bhenjamini, Muhebheru, mwanana wa Vahebheru, ngu mu ka milayo ni mfarisi,

2 Vakorinto 11:22

Mbahebheru kani? Nanani ni ene. Vona mbaisrayeli kani? Nanani ni ene. Mba lixaka la Abrahamu kani? Nanani ni wa lona.

1 Vakorinto 6:8

Aniko anu nganu mipune mi dyelelako ni kumoxa vamwani, na kambe mi maha eto ka vananu vapune.

Jeremiya 34:10

Manganakana ni vathu votshe va va nga wulela ketxo txitumelelano, va to tumela ti taku mmweyo ni mmweyo a txi txhatxha txithumi txakwe txatxiwamna ni txatxisikati si txi ti tsulela, va si si thumisi kambe; va to engisa ve si txhatxha.

Jeremiya 30:8

Nguko ka ditshikwedo, kuwomba Mkoma wa Mabutho a Tiyimbi, ni na funya dikange thamoni kwako, ni bhenula majoke ako, kha va na mbiswa ve fumwa ngu vamatiko.

Jeremiya 27:7

Otshe matiko ma na mthumela, ene ni mwanana wakwe ni mtukulu wakwe, kala ku txi hoka mbimo ya ditiko dakwe, ngu msana keto nene a na khoziswa, ngu matiko amangi ni vafumeli va hombe.

Jeremiya 25:14

Nguko ni vona va na khoziswa ngu matiko amangi, ni vafumeli va hombe; ni na va tshumetela kudingana ni simaho sawe, ni mithumo ya manza awe.

1 Samuwele 14:11

Ngu wumbidi wawe va to ti kombekisa ka vawoneleli va Vafilista, se Vafilista va to kha vona: Wonani taku Vahebheru va humile ngu maphalani mule va nga ti baramile kona.

1 Samuwele 4:9

Tsanani anu Vafilista, mi va vavamna, kasiku mi si thuki mi thumela Vahebheru, nga kule ni vona va nga mi thumela; Tikombeni koko ku mi vavamna, milwa.

1 Samuwele 4:6

Se Vafilista ngako va di pfite diguwa da kutsaka ka hombe, va to kha vona: Diguwa da txani da kutsaka ka hombe ko ngeto wugoveloni ka Vahebheru kani? Sekoko va to tiziva ti to dibhokiso da Mkoma di nga hoka wugoveloni kwawe.

Dhewuteronome 15:12

Ngako mwanangu wa Muhebheru mwendo ndiyako ya Muhebheru a txi ti xavisa kwako, ene a na kuthumela mtxhanu wa malembe ni dimwedo, aniko amu ka dilembe da wutxhanu ni mambidi, u na mleka e tsula.

Eksodha 3:18

Se vona va na engisa dipswi dako; u na tsula awe ni madhota a ka Israyeli ka Faro, mfumeli wa Egipta, u txi ya m'gela tiya: Mkoma, Txizimu txa Vahebheru, a tile kwathu. Konkuwa hi leke hi txi teka dipfhumba da masiku mararu hi txi tsula txiwulani, kasi hi txi ya phaxa ka Mkoma Txizimu txathu.

Eksodha 2:6

A to di tula, e wona mwanana: I ti mwanana wa mfana a nga txi dila. Nguko mxanisekela, a to womba, a txi khene: “Awuwa i mwanana wa mfana, wa Muhebheru!”

Genesisi 40:15

nguko, ni to pfhukulwa ditikoni ka Vahebheru; hambi ni kona hawa kha na maha txilo txo biha, txa kuza ni ta wuletwa diphalani muwa.”

Genesisi 14:13

Sekoko mmweyo wa vale va nga huluka, a to ya zivisa Abramu, Muhebheru; Muamori a nga ti akile mikusuni ka Mambre, dixaka da Esikole ni Aneri vona va ti ti pfana ni Abramu.