Jeremiya 34:5 - Bhiblia Yo Sawuleka

⁵ U na fa ngu kuthutha; u na tshotshiswa kuhiswa nga tile va nga mahiswa tona vatate vako, vafumeli va kaleko ava va nga ti masoni kwako; va na kudilela, va txi kha vona: Yowe! Mkoma! Nguko ngani ni wombako dipswi, kuwomba Mkoma.

Jeremiya 34:5 Referans Kwoze

Jeremiya 22:18

Ngu konaho, Mkoma a womba madingano ni Jehoyakimu, mwana Josiya, mfumeli wa ka Judha, a txi khene: Kha va na mbi m'dilela, va txi kha vona: Yowe, mwanathu wa txiwamna! Mwendo yowe, mwanathu wa txisikati! Se kha va na mbi peka huwa ngu ngene, va txi kha vona: Yowe, awe nyamne wangu! Mwendo ku yowe awe mthaviseki!

2 Makronika 16:14

A to tshotshwa ka dithitha di a nga ti mahela Didhoropani ka Dhavhidha, va di mu otelisile ka mbhedo wo tala ngu kubhumula, ni makha si nga longiselwa ngu va va tizivako; ve mu hisela ni mabaselo o tala o bhumula ngutu.

Dhaniyeli 2:46

Sekoko mfumeli Nebhukodhonosori a to wa ngu mbanza yakwe, e khozela Dhaniyeli, e leleta ti to Dhaniyeli e mahelwa mningelo wa sakudya, ni kuhiselwa dibaselo.

Ezekhiyele 17:16

Ngako ni hanyako, kuwomba Mkoma Txizimu, ka wukhalo wu a zumbako ka wona, mfumeli wule a nga fumiswa ngu ngene, akule a nga eyisa txixambanyo ni kufunya txitumelelano, ina, a na fela kona Bhabhilona.

Sidilo 4:20

Msawuleki wa Mkoma, ene mtsimbilisi wathu va mñote kufana ni txihari txo wela diphalani. Kuve athu hi ti emete ene, ku a txi hi vhikela, hahatshi ka mtsudi wakwe, hi na hanya hagari ka matiko.

2 Makronika 34:28

Na ku tshanganisa ni vatate vako, u tshotshwa ngu kuthutha dithithani kwako, maso ako manambi kuwona kotshe kubiha ku ni no kunaheta txitimwi ka wukhalo wuwa ni ka vathu va kona. Se va to tshumela ni xamulo yiya veya gela mfumeli.

2 Vafumeli 22:20

Ngu mhaka yeto, ni na kutshanganisa ni vatate vako, se awe u na vekwa ngu kuthutha dithithani kwako, maso ako kha ma na mbi wona wotshe wufenze wule ni no wu tisa ka wukhalo wuwa. Sekoko va to wuyisa xamulo yongeto ka mfumeli.

Jeremiya 34:4

Hambi keto engisa dipswi da Mkoma, awe Zedhekiya mfumeli wa ka Judha, Mkoma a womba tiya ngu ngawe: Khu na mbi dawa ngu ditxhari.

1 Samuwele 31:12

votshe vavamna va mtamo va to khukha, ve tsimbila wusiku wotshe, veya thavisa txirumbi txa Sawule ni sirumbi sa vanana vakwe digumani ka Bheti-Seyani, ve tsula naso Jebhesi veya si hisa kona.