Biblia Todo Logo
Bib sou entènèt

- Piblisite -




Jeremiya 34:3 - Bhiblia Yo Sawuleka

3 Kambe awe khu na mba huluka manzani kwakwe, kambe u na ñolwa u txi ningelwa manzani kwakwe; u na wonana ni mfumeli wa Bhabhilona, ene a na womba-womba ni nawe khohe ni khohe, se u na tsula Bhabhilona.

Gade chapit la Kopi




Jeremiya 34:3
18 Referans Kwoze  

hambi ene Zedhekiya, mfumeli wa ka Judha kha na mbi huluka manzani ka Vakaldheya; kambe a na ningelwa manzani ka mfumeli wa Bhabhilona, kuva a txi womba-womba nayo, ve wonana ngu maso;


Se msana keto, kuwomba Mkoma, ni na ningela Zedhekiya, mfumeli wa ka Judha, ni maxonga akwe, kumweko ni vathuvo va no maneka va di hulukile mtungu, ka didhoropa diya, ni txi va ningela manzani ka Nebhukodhonosori, mfumeli wa Bhabhilona, ni manzani ka valala vawe, ni ka va va xotako wutomi wawe. Ene a na va dayisa ngu ditxhari, kha na mbi va nyenyeletela, hambi ku va pfela, hambi ni kuva ni wumbilu ka vona.


Zedhekiya mfumeli wa ka Judha, kumweko ni vathangeli vakwe ni na va ningela manzani ka valala vawe ni manzani ka vava va xuvelako kufa, i ku manzani ka mfumeli wa Bhabhilona, awu a nga khukha kwanu.


Awe mthangeliwe wa muonhi wa ka Israyeli, awe u no hokelwa ngu ditshiku do biha ngutu;


Kambe ni na mu riyela ngu mlawu, a na bzwetwa ngu mlawu wangu; se ni na mtsulisa Bhabhilona, ditikoni ka Vakaldheya, aniko kha na mbi di wona, hambiko a no ya fela kona.


Aniko ngako u si humi u ya ti ningela ka vanana va mfumeli wa Bhabhilona, adiya didhoropa di na ningelwa ka Vakaldheya, va txi di hisa ngu mndilo, na nawe khu na mbi huluka manzani kwawe.


mfumeli Zedhekiya a to rumela kuya m'humisa, se mfumeli a to m'dhana ngu txihunja nyumbani kwakwe, a txi khene: Ina di nga vaho dipswi ngu ka Mkoma kani? Jeremiya a to xamula, a txi khene: Diho. E engeta a txi khene: Awe u na ningelwa manzani ka mfumeli wa Bhabhilona.


Si na yiswa Bhabhilona si txi ya zumba kona, kala ka ditshiku di ni no si lava ngu dona, kuwomba Mkoma, ni txi si wuyisa ka wuwa wukhalo.


Nguko Zedhekiya, mfumeli wa ka Judha, a ti ti msekete, a txi khene: U profetela txani u txi khawe: Mkoma a khene: Wona taku na ningela didhoropa diya manzani ka mfumeli wa Bhabhilona, se ene a na di teka;


Ngu konaho, Mkoma a khene: Wona, ni na ningela diya didhoropa manzani ka Vakaldheya, ni manzani ka Nebhukodhonosori mfumeli wa Bhabhilona, a na di teka.


Hambi keto engisa dipswi da Mkoma, awe Zedhekiya mfumeli wa ka Judha, Mkoma a womba tiya ngu ngawe: Khu na mbi dawa ngu ditxhari.


Aniko mfumeli wa Jerusalema a to eyisa wule wa Bhabhilona, ngu kurumela mitumi yakwe Egipta, kuya kombela ku tiselwa mahantxhi ni vathu votala; ina a na humelela hambi kuhuluka, awule a mhako eto kani? Niku mwendo a na funya txitumelelano e tutuma kani?


Votshe vasikati vako ni vanana vako va na yiswa ka Vakaldheya, hambi awe khu na mbi huluka manzani kwawe, aniko u na ñolwa ngu dianza da mfumeli wa Bhabhilona; ni didhoropa di na hiswa ngu mhaka yako.


Ngako ni hanyako, kuwomba Mkoma Txizimu, ka wukhalo wu a zumbako ka wona, mfumeli wule a nga fumiswa ngu ngene, akule a nga eyisa txixambanyo ni kufunya txitumelelano, ina, a na fela kona Bhabhilona.


Swiv nou:

Piblisite


Piblisite