Jeremiya 34:22 - Bhiblia Yo Sawuleka

²² Wona, ni na va leletela ti taku ve wuya ka diya didhoropa, kuwomba Mkoma, va na lwa nado, ve di khozisa, va txi di hisa ngu mndilo; ni madhoropa a ka Judha ma na maha txiwula, ku si maneki wo zumba ka wona.

Jeremiya 34:22 Referans Kwoze

Jeremiya 9:11

Ni na maha ngu Jerusalema mimumbu ya marigwi, dizumbo da maxolwa; madhoropa a ka Judha ni na ma maha marumbi, ku si vi ni m'thu.

Jeremiya 39:8

Se Vakaldheya va to hisa nyumba ya mfumeli ngu mndilo ni tinyumba ta vathu va ditikoni, ve khundumusela maguma a Jerusalema.

Jeremiya 52:13

Se a to hisa Nyumba ya Mkoma, ni nyumba ya mfumeli, ni totshe tinyumba ta Jerusalema, e lumekela totshe tinyumba ta vahombe.

Jeremiya 52:7

ku to tuleka lisoko lo kari didhoropani, se votshe valwi va yimbi va to thava, ve huma ni wusiku, ngu nzila ya txike, hagari ka maguma mabidi ma nga txi maneka thembweni ka mfumeli (nguko Vakaldheya va txi lwa ni didhoropa), va tutumile ngu nzila ya mkovani.

Jeremiya 44:22

Mkoma a ti sa dingana kuxaniswa mbimo yayingi ngu wubihi wa mithumo yanu, sinyenyeko si mi nga si maha; ngu toneto ditiko danu di mahile txiwula, ni txixamaliso, ni txiruko, ku si na vo zumba, nga ti ku wonekisako tona nyamsi.

Jeremiya 33:10

Mkoma a khene: Ka wukhalo wuwa (anu mi ku khanu njiwula, kha ku nga ni m'thu hambi txihari), ni madhoropani ka Judha, ni magondoni ka Jerusalema, aawa ma nga onhetelwa, ati to ku si maneki ni m'thu emo.

Matewu 22:7

Se mfumeli a di ti pfite eto, a to henya ngutu e ruma tiyimbi takwe kuya fuvisa sigevenga sile, ve hisa didhoropa da sona.

Zakariya 7:14

Se ni na va hangalasa ngu txingulu, hagari ka otshe matiko ale va nga mbi ma ziva, se ditiko di na maha dirumbi msana kwawe, aha kaku, ku si pindi m'thu ni wammweyo ka dona, hambi kutshumela, nguko va lekile ditiko da dinene, di maha dirumbi.

Zakariya 1:12

Sekoko, Ngelozi ya Mkoma yi to xamula yi txi kha yona: Awe Mkoma wa Mabutho a Tiyimbi, khu na mbi pfela wumbilu Jerusalema ni madhoropa a ka Judha, kala ka yihi mbimo, awa u nga ma henyela ka malembe awa a mtxhanu wa magumi ni magumi mambidi kani?

Mika 7:13

Kambe ditiko diya di na hasamulwa, ngu mhaka ya vaaki va dona, ni mhaka ya mihando ya mithumo yawe.

Amosi 3:6

Ina ku nga pekwa mpundu didhoropani vathu va si dhudhumeli ngu kuthava kani? Ina ku nga humelela wubihi didhoropani, na wu sa mahwa ngu Mkoma kani?

Sidilo 1:1

Hi nga wonani txiwunda txa didhoropa dileya, adiya kale di nga ti ti ni vathu votala! Se konkuwa di hundukile nga noni adi i nga ti da hombe hagari ka matiko; ni mfumeli wa txisikati ka sidhoropana, di hundukile di txi maha m'dihi wa resa.

Jeremiya 38:23

Votshe vasikati vako ni vanana vako va na yiswa ka Vakaldheya, hambi awe khu na mbi huluka manzani kwawe, aniko u na ñolwa ngu dianza da mfumeli wa Bhabhilona; ni didhoropa di na hiswa ngu mhaka yako.

Jeremiya 32:29

Vakaldheya va randelako didhoropa diya, va na wulela ka dona va txi di hisa ngu mndilo, va txi hisa ni tinyumba totshe ati ku hiselwako ka tona mabaselo a Bhahali, ni kuningela miningelo ya kusela ka simwani sizimu, va txi ni henyisa.

Jeremiya 4:7

Ngonyamo yi humile txigotoni ka yona, ni m'hasamuli wa matiko, a khukhile wukhaloni kwakwe kasi kuhangalasa ditiko dako, a hasamula a madhoropa ako ti taku ku si ngadi kuakwa ka ona.

Isaya 64:10

Madhoropa ako o sawuleka ma mahile txiwula; Siyoni a mahile txiwula, Jerusalema a xasetwe.

Isaya 37:26

Ina u ngava u sa tipfa taku, ngu kale ni ti mahile toneto, niku kukhukhela masiku a kale ni ti ti pimisile kani? Konkuwa koko ti na tatiseke, kambe ani ni lavile ti to i di awe u ku ta khundumusa madhoropa a mtamo, niku u txi ma maha mimumbu ya siwula.

Isaya 24:12

Didhoropani ku to sala kukoneka dwe, ni matimba a dona ma fayetetwe.

Isaya 13:3

Ni leletete va sawuleki vangu, ina, se ni dhani tindena tangu, ati ti tsakelako wuhombe wangu, kasi ku ti txi maha mthumo wa kuhenya kwangu.

Isaya 6:11

Sekoko ani ni to khani: Kala yihi mbimo kani Mkoma? A to xamula a txi khene: Kala kuza madhoropa me maha marumbi, kupwateka ni vaaki, ni tinyumba ti si nga ni vathu, ni ditiko dotshe di maha dirumbi.

2 Makronika 36:17

Nguko a to va rumela mfumeli wa va Kaldheya, awule a nga daya majaha awe ngu ditxhari, nyumbani kwakwe ko sawuleka, kha pfela wusiwana, majaha, hambi mahorana, ni sikosana, votshe a to va ningela manzani kwakwe.

2 Samuwele 16:11

Dhavhidha a to khene kambe ka Abhixayi ni ka sotshe sithumi sakwe: Wona, hambi mwanana wangu wo huma ndani kwangu, a lava ku ni daya, se a na lambisa kutxani ku ni daya mwanana wa ka Bhenjamini kani? Mlekeni e ni ruketela, nguko ngu toneto a nga gelwa ngu Mkoma.

2 Vafumeli 25:6

Va to teka mfumeli ve mtsulisa ka mfumeli wa Bhabhilona, didhoropani ka Ribhila; ngu koneyo a nga lamulwa kona.

Jeremiya 34:2

A womba tiya Mkoma, Txizimu txa Israyeli: Tsula u ya gela Zedhekiya, mfumeli wa ka Judha, u txi khawe: Mkoma a khene: Ni na ningela diya didhoropa manzani ka mfumeli wa Bhabhilona, ene a na di hisa.

Jeremiya 50:13

Ngu mhaka ya kuhenya ka Mkoma, kha ku na mbi zumba m'thu, ku na maha txiwula, ni mmhi a no pinda ngu Bhabhilona a na xamala ni kuveta mloti, a txi wona tiphango ta kona.

Ezekhiyele 13:22

Nguko mi pandisile mbilu ya wo lulama ngu wukanyisi wanu, na ani ni sa mpandisekisa, kambe mi tsanisile manza a wa kubiha, kasi ku asi humi ka nzila yakwe yo biha a txi hanyiswa,

2 Vafumeli 25:9

A to hisa Nyumba ya Mkoma ni nyumba ya mfumeli, kumweko ni totshe tinyumba ta Jerusalema; a to hisa ni totshe tinyumba ta vahombe.

Jeremiya 2:15

Tingonyamo tiwete txitimwi kwakwe ti txi bhonga-bhonga ngu dipswi da tona, ti bhandelela ditiko dakwe; miti yakwe yi hisilwe; kha ku na m'thu a zumbako ka yona.