Jeremiya 34:20 - Bhiblia Yo Sawuleka

²⁰ Ni na va ningela manzani ka valala vawe, ni manzani kava va va xuvelako kufa, sirumbi sawe si na dyiwa ngu sinyana sa nzuma ni sibanda sa mafu.

Jeremiya 34:20 Referans Kwoze

Jeremiya 7:33

Sirumbi sa vanana vathu si na dyiwa ngu sinyana sa nzuma ni sihari sa txitinga; kha ngaho a no si dinda.

Jeremiya 19:7

Ka wuwa wukhalo ni na hangalasa makungo a Judha ni a Jerusalema; ni na va maha vewa ngu ditxhari da valala vawe, ngu manza a va va xotako wutomi wawe. Sirumbi sawe si na dyiwa ngu sinyana sa nzuma ni sihari sa txitinga.

Jeremiya 16:4

Nguko va na fa ngu mafelo o thisa; kha va na mbi dilelwa hambi kutshotshwa; va na nga fenze mafuni. Va na dawa ngu ditxhari ni nzala; sirumbi sawe si na dyiwa ngu sinyana sa nzuma ni sihari sa txitinga.

Jeremiya 11:21

Ngu konaho, Mkoma a womba tiya ngu vathu va Anatote, ava va lavako ku kudaya, va txi kha vona: U nga profete ditinani ka Mkoma, kasi u si feli manzani kwathu!

1 Vafumeli 16:4

Awule a no fela didhoropani ka Bhahasa, a na dyiwa ngu timbwa; awule a no fela dhandani, a na dyiwa ngu sinyana sa nzuma.

Jeremiya 22:25

Ni na kuningela manzani ka va va xotako wutomi wako, ni manzani ka vale u dhudhumelako masoni kwawe, i ku ene Nebhukodhonosori, mfumeli wa Bhabhilona ni ka Vakaldheya.

Jeremiya 21:7

Se msana keto, kuwomba Mkoma, ni na ningela Zedhekiya, mfumeli wa ka Judha, ni maxonga akwe, kumweko ni vathuvo va no maneka va di hulukile mtungu, ka didhoropa diya, ni txi va ningela manzani ka Nebhukodhonosori, mfumeli wa Bhabhilona, ni manzani ka valala vawe, ni ka va va xotako wutomi wawe. Ene a na va dayisa ngu ditxhari, kha na mbi va nyenyeletela, hambi ku va pfela, hambi ni kuva ni wumbilu ka vona.

1 Vafumeli 14:11

Awu a no ya fela didhoropani ka Jerobhowamu, a na dyiwa ngu timbwa, se awule a no fela hahanze, a na dyiwa ngu sinyana sa nzuma, nguko Mkoma a wombile.

1 Samuwele 17:46

Kona nyamsi Mkoma a na kuningela manzani kwangu; se ni na kudaya, ni wila msungo; kambe sirumbi sa wugoveloni ka Vafilista ni na si ningela kona nyamsi ka sinyana sa nzumani, ni ka sihari sa ha mafuni; aniko mafu otshe ma na ziva taku Txizimu txiho kona Israyeli.

1 Samuwele 17:44

A to khene kambe Mufilista ka Dhavhidha: Ngono kwangu! Ni na ningela nyama yako ka sinyana sa nzumani ni ka sihari sa txitinga.

Ezekhiyele 32:4

Sekoko ni na kuleka ha mafuni; ni txi kurinza txitimwi ka mafu, sinyana sotshe sa nzuma si na zumba kwako; ni sotshe sihari sa ha mafuni, si na khura ngu ngawe.

Ezekhiyele 29:5

Se ni na ya kuleka txiwulani, awe ni sotshe sihaka sa minamboni kwako; u na wa ha mafuni, khu na mbi rolelwa hambi kusengeletwa; u na dyiwa ngu sihari sa ha mafuni ni sinyana sa nzuma.

Jeremiya 49:37

Ni na maha ti to Elame e thava masoni ka valala vakwe, ni ka votshe vale va xotako ku m'daya; ni na tisa wubihi txitimwi kwakwe, txiviti txa kuhenya kwangu, kuwomba Mkoma; se ni na rumela ditxhari, kala di txi va fuvisa.

Jeremiya 44:30

Mkoma a khene: Wonani ti to ni na ningela Faro Hofira, mfumeli wa Egipta, manzani ka valala vakwe, ni manzani ka vale va xotako kum'daya, nga kule ni nga ningela Zedhekiya, mfumeli wa ka Judha, manzani ka Nebhukodhonosori, mfumeli wa Bhabhilona, i ku mlala wakwe a nga ti lava ku m'daya.

Jeremiya 38:16

Sekoko mfumeli Zedhekiya a to xambanya ka Jeremiya txihunjani, a txi khene: Mkoma a hanyako, awu a nga hi ninga wutomi wuwa, kha ni na mbi kudaya, hambi ku kuningela manzani ka vathu vale va xotako wutomi wako.

Jeremiya 4:30

Konkuwa koko, u na maha txani, awe u nga hasamulwa kani? Hambi u txi ambala txiwunguwungu, u txi ti bombisa ngu wukhetikheti wa nzalama ni kungako u txo penda maso ako ngu Antimoniya, wo ti bombisela walo. Sigango sako sa kunyenya, si lava ku kudaya.

Dhewuteronome 28:26

txirumbi txako txi na va i di sakudya ka sinyana sa nzuma, ni sa sihari sa mafu; eho kha ku na mbi va ni wammweyo wa ku si dinda.

Masalmo 79:2

Va lekile sirumbi sa vathu vako si dyiwa ngu magwana ni mimidi ya vakhongeli vako yi dyiwa ngu sihari sa txitinga.

Jeremiya 12:9

Ina thomba yangu yi kwangu nga txinyana txa matshakatshaka. Ti di ngeto, makoti a na va wukela ngu ka otshe madhawa. Tsulani mi txi ya mananisa sotshe sihari sa txitinga, si na yi khobweta.

Ezekhiyele 23:28

Nguko Mkoma Txizimu a khene: Wona taku ni na kuningela manzani ka vale u va nyenyako, i ku manzani ka vale moya wako wu nga ti ti hambanile navo.

Jeremiya 39:6

Mfumeli wa Bhabhilona a to daya vanana va Zedhekiya masoni kwakwe kona niya Ribhila; ni votshe va hombe va ka Judha a to va daya mfumeli wa Bhabhilona.