Jeremiya 34:2 - Bhiblia Yo Sawuleka

² A womba tiya Mkoma, Txizimu txa Israyeli: Tsula u ya gela Zedhekiya, mfumeli wa ka Judha, u txi khawe: Mkoma a khene: Ni na ningela diya didhoropa manzani ka mfumeli wa Bhabhilona, ene a na di hisa.

Jeremiya 34:2 Referans Kwoze

Jeremiya 21:10

Nguko ni wonelela didhoropa diya ngu wubihi, na i si nga ngu wunene, kuwomba Mkoma. Di na ningelwa didhoropa diya manzani ka mfumeli wa Bhabhilona, a na di hisa ngu mndilo.”

Jeremiya 34:22

Wona, ni na va leletela ti taku ve wuya ka diya didhoropa, kuwomba Mkoma, va na lwa nado, ve di khozisa, va txi di hisa ngu mndilo; ni madhoropa a ka Judha ma na maha txiwula, ku si maneki wo zumba ka wona.

Jeremiya 32:3

Nguko Zedhekiya, mfumeli wa ka Judha, a ti ti msekete, a txi khene: U profetela txani u txi khawe: Mkoma a khene: Wona taku na ningela didhoropa diya manzani ka mfumeli wa Bhabhilona, se ene a na di teka;

Jeremiya 39:8

Se Vakaldheya va to hisa nyumba ya mfumeli ngu mndilo ni tinyumba ta vathu va ditikoni, ve khundumusela maguma a Jerusalema.

Jeremiya 38:23

Votshe vasikati vako ni vanana vako va na yiswa ka Vakaldheya, hambi awe khu na mbi huluka manzani kwawe, aniko u na ñolwa ngu dianza da mfumeli wa Bhabhilona; ni didhoropa di na hiswa ngu mhaka yako.

Jeremiya 21:4

“Mkoma, Txizimu txa ka Israyeli, a khene: Wonani, ni na tshumetela matxhari awa ma ku manzani kwanu, awa milwako ngu ona hahanze, mi txi wukela mfumeli wa Bhabhilona ni Makhaldheya, ava va nga mi randela, ni na ma sengeletela ka didhoropa diya.

2 Vafumeli 25:1

Se ku to maheka ti to ka dilembe da mtxhanu ni mune da kufuma ka Zedhekiya, ka mtxima wa digumi, ngu ditshiku da digumi ka mtxima, Nabhukodhonozori mfumeli wa Bhabhilona ni otshe masotxhwa akwe, va to wuka ve randela Jerusalema, va to aketela sitshingelelo ka otshe madhawa.

Jeremiya 27:22

Si na yiswa Bhabhilona si txi ya zumba kona, kala ka ditshiku di ni no si lava ngu dona, kuwomba Mkoma, ni txi si wuyisa ka wuwa wukhalo.

2 Vafumeli 25:9

A to hisa Nyumba ya Mkoma ni nyumba ya mfumeli, kumweko ni totshe tinyumba ta Jerusalema; a to hisa ni totshe tinyumba ta vahombe.