Jeremiya 34:17 - Bhiblia Yo Sawuleka

¹⁷ Ngu konaho, Mkoma a khene: Anu kha ma ni engisa, kha ma peka nyiwo ya kutxhatxheka mmweyo ni mmweyo ka mmwani, ni mmweyo ni mmweyo ka mwakelani wakwe. Wonani, na mi bikela kutxhatxheka, kuwomba Mkoma, ni txhatxha matxhari, ni mtungu, ni nzala; na mi ningela mi txi xaniswa ka yotshe mifumo ya mafu.

Jeremiya 34:17 Referans Kwoze

Matewu 7:2

Nguko mi na lamulwa nga ti mi lamulisako tona vamwani; ni mpimo wu mi pimako ngu wona vamwani, mi na pimwa ngu wona nanu.

Vagalatiya 6:7

Mi nga ti xengeni. Txizimu kha txi sakanelwi. M'thu ni m'thu a na elula asi a phayako.

Jeremiya 29:18

Ni na va tutumisa ngu ditxhari, ni nzala, ni mtungu; ni na va maha ve thisa hagari ka yotshe mifumo ya mafu, veva txiruko, ni txidiwukiso, ni txisekiso, ni txixowokiso ka otshe matiko ni no va hangalasa ka ona;

Dhewuteronome 28:25

Mkoma a na maha ti to u txi xulwa ngu valala vako, u na huma u txi yalwa ni valala vako ngu nzila yimweyo, kambe u na ya tutuma u txi thava ngu mtxhanu wa tinzila ni timbidi, masoni kwawe! U na va txixamaliso ka mifumo yotshe ya ha mafuni

Jakobe 2:13

Nguko kulamulwa kha ku na mbi va ni wumbilu, ka wule a ku si nga ni wumbilu; aniko wumbilu wa humelela kulamulani.

Dhaniyeli 6:24

Se mfumeli a to rumisa taku kunehwa vavamna vale va nga lumbeta Dhaniyeli, se vona ni vanana vawe, ni vasikati vawe, va to rinzwa diphalani ka tingonyamo, se tingonyamo ti va khamukela, na va sanzi kuhoka hahatshi ka diphala, ti va phatulela marambu otshe.

Jeremiya 32:24

Hi nga wona maguma! Va tete ku ta wukela didhoropa, kasi ku ta di teka, se didhoropa di ningetwe manzani ka Vakaldheya, va valwako navo ngu ditxhari, ni nzala, ni mtungu; se ati u nga womba ti mahekile, ngu tona ti u ti wonako.

Jeremiya 15:4

Ni na va maha ve thisa masoni ka mifumo yotshe ya ha mafuni, ngu mhaka ya Manasi, mwana Ezekhiya, mfumeli wa ka Judha, ngu ti a nga ti maha Jerusalema.”

Esteri 7:10

Hamani koko va to mtxikita ka phande yile ene a nga ti yi longisete Mordhekayi. Sekoko kuhenya ka mfumeli ku to boxa.

Dhewuteronome 28:64

Se Mkoma a na mi hangalasa hagari ka matiko otshe, kukhukhela magwito ka mafu kala kumwani magwito ka mafu, se koneyo u na ya khozela simwani sizimu, asile awe ni vatate vako mi nga mbi si ziva, so mahwa ngu mapulango ni marigwi.

Mtuletelo 16:6

Nguko avava ngako va nga theketa mnoha wa vasawuleki ni vaprofeti, na nawe u va ningile mnoha ve sela. Va ni fanelo yeto.

Sidilo 1:8

Jerusalema a onhile ngutu se ngu toneto, a tote nzambwa. Votshe vale va nga ti mxonipha, se vamnyenyile, nguko va woni wumbwiri wakwe; se ene apune wa kuma a txi namisa thamo.

Jeremiya 32:36

Ngu konaho, konkuwa Mkoma, Txizimu txa Israyeli, a khene koko xungetano ngu didhoropa diya, mi di wombako, mi txi khanu: Di ningetwe manzani ka mfumeli wa Bhabhilona ngu ditxhari, ni nzala, ni mtungu.

Jeremiya 21:7

Se msana keto, kuwomba Mkoma, ni na ningela Zedhekiya, mfumeli wa ka Judha, ni maxonga akwe, kumweko ni vathuvo va no maneka va di hulukile mtungu, ka didhoropa diya, ni txi va ningela manzani ka Nebhukodhonosori, mfumeli wa Bhabhilona, ni manzani ka valala vawe, ni ka va va xotako wutomi wawe. Ene a na va dayisa ngu ditxhari, kha na mbi va nyenyeletela, hambi ku va pfela, hambi ni kuva ni wumbilu ka vona.

Jeremiya 15:2

Ngako va txi ku wotisa, va txi kha vona: Eko hi naya hayi kani? U na va xamula, u txi khawe: Mkoma a khene: Ava va nga emiselwa kufa, va na ya kufani; ava va nga emiselwa ditxhari, va na ya ditxharini; ava va nga emiselwa nzala, va na ya nzalani; ni va va nga emiselwa wukarawa, va na ya wukarawani.

Dhewuteronome 19:19

mi na yi mahela ati yona yi nga ti lava ku ti txi mahwa ka muakelani wa yona; se mi na thavisa kubiha hagari kwanu.

Jeremiya 34:8

Ayiya i mhaka ya Mkoma yi nga ta ka Jeremiya, msana ka kuva mfumeli Zedhekiya a di mahile txitumelelano, ni votshe vathu va nga ti Jerusalema, ati taku ve huwelela kutxhatxheka;

Jeremiya 38:2

Mkoma a khene: Awu a no sala ka diya didhoropa a na fa ngu ditxhari, ni nzala, ni malwati; aniko awule a no thavela ka Vakaldheya a na hanya, a na nga o honyola wutomi wakwe e hanya.

Jeremiya 29:17

Mkoma wa Mabutho a Tiyimbi a khene: Ni na va rumela ditxhari, ni nzala, ni mtungu, ni na va maha va txi nga maxanvu o bava, ma si sikotiko kudyiwa ngu mhaka ya kubava ka ona.

Jeremiya 32:25

Mkoma Txizimu, hambi ti di ngeto, u ti nga khawe kwangu. Ti xavele thembwe yiya, uva ni tifakazi, kuve didhoropa di ningetwe manzani ka Vakalddheya.