Jeremiya 34:16 - Bhiblia Yo Sawuleka

¹⁶ Aniko mi tshumelete msana, mi txi txhipisa ditina dangu, mmweyo ni mmweyo a txi wuyisa txithumi txakwe txatxiwamna ni txatxisikati, asi mi nga ti si txhatxhile si txi ti tsulela; mi si khonete kambe wukhumbi, ti taku si txi mi thumela.

Jeremiya 34:16 Referans Kwoze

Levhi 19:12

Mi nga xambanyeni makuhu ngu ditina dangu, nguko mi nga nyenyezisa ditina da Txizimu txanu. Ani ngani Mkoma!

Ezekhiyele 18:24

Aniko ngako m'thu wo lulama a txi leka kululama kwakwe, se a txi maha ta kwa mbi lulama, a txi maha totshe ta manyala tile ti mahwako ngu m'bihi, ina a nga hanya kani? Kotshe kululama kule a nga kumaha, kha ku na mbi alakanywa; wuhambunyeti wu a nga hambunyeta ngu wona, ni txionho txile a nga txi maha, a na fela ka sona.

Ezekhiyele 3:20

Kufana ni toneto, ngako m'thu wo lulama a txi huma ka nzila yakwe yo lulama, e maha to biha, se ani ni veka txa ku mu humba masoni kwakwe, a na fa; ngako u sa mtxharihisa, a na fa ka wubihi wakwe, se a tile to lulama a nga maha, kha ti na mbi alakanywa, aniko mnoha wakwe, ni na wu lava manzani kwako.

Jeremiya 34:11

Aniko koko, ngu msana va to ti laya, se ve tshumeta sithumi sa txiwamna ni sa txisikati, asile va ngadi si txhatxhele, va txi si khonela wukhumbi vavamna ni vavasikati.

Eksodha 20:7

U nga sakane ngu ditina da Mkoma Txizimu txako, nguko Mkoma kha na mbi mleka asi m'khawulisi awule a sakanako walo ngu ditina dakwe.

1 Samuwele 15:11

Na tilaya nguku ni nga veka Sawule e maha mfumeli; nguko a lekile kulondeta sileleto sangu, kambe kha xayisa mapswi angu. Sekoko Samuwele a to henya, e dila ka Mkoma wusiku wotshe.

Malakiya 1:12

Aniko anu ma di nyenyezisa, ngako mi txi khanu: Meza ya Mkoma yi nyenyezile, ni siya sa yona, sakudya sa kona, sa eyiseka.

Malakiya 1:7

Mi ningela sakudya sa nzabwa ka txiluvelo txangu, se mi txi khanu: Hi ku nyenyezisile ngu txani kani? Ka ti mi wombako mi txi khanu: Meza ya Mkoma ya eyiseka.

Ezekhiyele 39:7

Ni na zivekisa ditina dangu do sawuleka, hagari ka vathu vangu va Israyeli, kambe kha ni na mbiswa ni leka ditina dangu do sawuleka di txi nyenyeziswa; kambe matiko ma na tiziva taku, ani ngani Mkoma, wo Sawuleka kona Israyeli.

Ezekhiyele 20:39

Kasi ngu kwanu anu va nyumba ya ka Israyeli, Mkoma Txizimu a khene: Tsulani, mmweyo ni mmweyo eya thumela sithombe sakwe, nguko ani kha mi lavi ku ni engisa; aniko mi nga nyenyeziseni ditina dangu do sawuleka ngu miningelo yanu, ni sithombe sanu.

Ezekhiyele 13:22

Nguko mi pandisile mbilu ya wo lulama ngu wukanyisi wanu, na ani ni sa mpandisekisa, kambe mi tsanisile manza a wa kubiha, kasi ku asi humi ka nzila yakwe yo biha a txi hanyiswa,