Jeremiya 34:15 - Bhiblia Yo Sawuleka

¹⁵ Anu mi ti ti tshumete, mi maha ati ti nga lulama masoni kwangu, ngu kupeka nyiwo ngu kutxhatxheka, mmwani ni mmwani ka mwaakelani wakwe; mi ti mahile txitumelelano kumweko ni nani ka yiya nyumba, yi dhanwako ngu ditina dangu.

Jeremiya 34:15 Referans Kwoze

Jeremiya 34:8

Ayiya i mhaka ya Mkoma yi nga ta ka Jeremiya, msana ka kuva mfumeli Zedhekiya a di mahile txitumelelano, ni votshe vathu va nga ti Jerusalema, ati taku ve huwelela kutxhatxheka;

2 Vafumeli 23:3

Se mfumeli a to ema hafuhi ni phande, e maha txitumelelano masoni ka Mkoma, txa ku na tsimbila kumweko ni Mkoma, ni kuvekisa sirumo sakwe, ni wufakazi wakwe, ni sileleto sakwe, ngu yotshe mbilu, ni wotshe muhefemulo, ngu kutsanisa mapswi a txitumelelano txiya, ma nga ti bhatwe ka dibhuku dile; se votshe vathu va txi emete txitumelelano txiya.

Nehemiya 10:29

va to tsana ka vanawe, i ku vamwevo va tinduna hagari kwawe, ve tumelelana kufakazelana ni kuxambanya tito, va na tsimbila ngu Mlayo wa Txizimu va nga ningwa ngu tsisofu txa Mosi, txithumi txa Txizimu; ni ti to va na xayisa ni kumaha sotshe sirumo sa Mkoma, Txizimu txathu, ni wululamo wakwe, ni sileleto sakwe;

Matewu 15:8

‘Avava vathu va ni dhumisa ngu sisofu sawe; aniko mbilu yawe yi kule ni nani.

Jeremiya 32:34

Aniko va to mahetela manyala awe, nyumbani mu kudhanwako ngu ditina dangu, va txi di nyenyezisa.

Isaya 58:2

Hambi keto, masiku otshe va ni lava, va tsakela kuziva tinzila tangu; va txi nga vathu vo maha to lulama, va va si lekiko mlayo wa Txizimu txawe, va ni wotisa nzila ya kululama, va tsakela kuhoka hafuhi ka Txizimu.

Masalmo 119:106

Ni xambanyile ni tsanisa: Ti to ni na vekisa mithetho yako yo lulama.

Masalmo 76:11

Mahani sithembiso ka Mkoma, Txizimu txanu, aniko txi ningeni asi mi nga txi thembisa. Otshe matiko a hafuhi ma na wuyise miningelo me ta luva Txizimu txi fanelako kuxoniphwa!

2 Vafumeli 14:3

Amaziya a mahile to lulama masoni ka Mkoma, hambiko a nga mbi fana ni tate wakwe Dhavhidha; a to maha nga tile a nga mahisa tona tate wakwe Jowasi.

2 Vafumeli 12:2

Jowasi a to maha to lulama masoni ka Mkoma, ka otshe masiku ale mphaxeli Joyadha i nga ti didhota dakwe.

Levhi 25:10

Dilembe di di londetako, i ku da mtxhanu wa magumi, mi na di sawulekisa, mi txi huwelela kutxhatxheka ka vathu votshe va ditikoni; ndilembe da kutsaka kwanu, ndilembe da kutsaka ka hombe. Votshe va na va i di va nyamne va sile i ku sawe, ni kuva va txi tshumelela maxakani kwawe.