Jeremiya 34:14 - Bhiblia Yo Sawuleka

¹⁴ Kugumani ka mtxhanu wa malembe ni mambidi, mmwani ni mmwani a txhatxha muhebherukulowe a wu a nga ti xavisa kwakwe; a na kuthumela mtxhanu wa malembe ni dimwedo, sekoko u na mleka e txhatxheka; aniko vakokwani vanu kha va ni engisa hambi kutula tinzeve.

Jeremiya 34:14 Referans Kwoze

Dhewuteronome 15:12

Ngako mwanangu wa Muhebheru mwendo ndiyako ya Muhebheru a txi ti xavisa kwako, ene a na kuthumela mtxhanu wa malembe ni dimwedo, aniko amu ka dilembe da wutxhanu ni mambidi, u na mleka e tsula.

1 Vafumeli 9:22

Sekoko ka vanana va ka Israyeli, kha ku nga ni wammweyo a nga mahwa khumbi ngu Solomoni; i ti ti valwi va yimbi, ni sithumi sakwe, ni vathangeli vakwe, ni vathangeli va tiyimbi, ni vathangeli va sikotxikani ni vagadhi va mahantxhi akwe.

Varoma 7:24

Dikhombo dangu! I mani a no ni thusa ka mmidi wuwa wa lifo kani?

Amosi 8:6

Hi xava sisiwana ngu male, ni va vo mbi na txilo, hi va xava ngu mpatwa wa tikathula kani? M'sana keto, hi na xavisa makamba ya fulaho.

Amosi 2:6

Mkoma a womba tiya: Ngu kuhambunyeta kuraru ka Israyeli ni ka wumune, kha ni na mbi thavisa txitsayiso, nguko va xavisa mlulami ngu male, ni txisiwana ngu mpatwa wa tikathula.

Ezekhiyele 20:8

Aniko va to ni wukela kha va lava ku ni engisa; ni wammweyo kha tshotsha kule manyala, hambi kuleka sithombe sa Egipta; sekoko ni to khani ni na theketa txiviti txangu, ni kombisa kuhenya kwangu txitimwi kwawe, hagari ka ditiko da Egipta.

Ezekhiyele 20:4

Ina u ndi nava lamula awe mwanana wa m'thu, u ndi na va lamula kani? Va zivise manyala a vatate vawe;

Jeremiya 32:30

Nguko kukhukhela ha wuphyani kwawe, vanana va ka Israyeli, ni vanana va ka Judha, va mahi va wubihi dwe masoni kwangu, nguko vanana va ka Israyeli va ni henyisile ngu mithumo ya manza awe, kuwomba Mkoma.

Isaya 58:6

Ina hi nga kona kutitona ku ni nga ku sawula: Kaku u txhatxha mabhanditxhi a wuonhi, u txhatxha tingoti to sunga dikange; ni ti to u va leka va di txhatxhekile vale vo xaniswa, u phatulela dotshe dikange dawe kani?

Isaya 50:1

Mkoma a womba tiya: Di hani dipapilo da kulekwa ka mame wanu, adi ni nga mtovela ngu dona kani? Mwendo i mani mxavi wangu, awu ni nga mi xavisa kwakwe kani? Wonani taku mi xavisilwe ngu mhaka ya wubihi wanu, ni mame wanu a tovetwe, ngu mhaka ya kuwekela kwanu.

Nehemiya 9:30

Hambi keto u nawulutile wunene wako ka malembe o tala, kambe u va kanetile ngu Moya wako, ngu txisofu txa vaprofeti vako; aniko vona kha va kuengisa; sekoko u to va ningela manzani ka vathu va matiko.

2 Makronika 36:16

Kambe vona va to ruketela mitumi ya Txizimu ve eyisa mapswi awe, va tseketsete vaprofeti vakwe, kala kuza kuhenya ka Mkoma kukwela txitimwi ka vathu vakwe, kupwateka ni wammweyo wo huluka.

2 Makronika 28:10

Se konkuwa mi ni txikungo txo xanisa vanana va ka Judha ni va Jerusalema, mi va maha tikhumbi. Ina hi nga anu kani mi ku ni mnandu ka Mkoma Txizimu txanu?

1 Vafumeli 21:25

Kha kuzivi kumaneka ni wammweyo wa ku ti xavisa nga Akabe, eza e maha to biha masoni ka Mkoma, nguko msikati wa kona Jezabheli, ngene a nga mkujetela.

Jeremiya 35:15

Se ni mi rumete sithumi, i ku vaprofeti, va txi phindula, ve rumela va txi kha vona: Hundulukani, konakuwa, mmweyo ni mmweyo nzilani kwakwe ko biha, mi txi txhukwatisa mithumo yanu ya yinene, kambe mi nga londeteleni simwani sizimu; kasi ku si thumela; se ngu kumaha keto, mi na zumba ka ditiko di ni nga mi ninga, anu ni vatate vanu; aniko kha ma riya tinzeve, hambi ku ni engisa ani.

Levhi 25:10

Dilembe di di londetako, i ku da mtxhanu wa magumi, mi na di sawulekisa, mi txi huwelela kutxhatxheka ka vathu votshe va ditikoni; ndilembe da kutsaka kwanu, ndilembe da kutsaka ka hombe. Votshe va na va i di va nyamne va sile i ku sawe, ni kuva va txi tshumelela maxakani kwawe.

Dhewuteronome 15:1

Kugumani ka mtxhanu wa malembe ni mambi, u na divalela minandu.

Dhewuteronome 15:9

Ti wonele ti to ku si maneki mipimiso yo biha mbiluni kwako, u txi khata kuwomba u txi khawe: Da hoka dilembe da wutxhanu ni mambidi, dilembe da kudivalela sikweneti, se u txi wona mwanana wa txisiwana ngu maso o biha, u si mningi txilo; ene a na dila ka Mkoma ngu ngawe, se awe u na va ni txionho.

Jeremiya 11:7

Nguko kukhukhela ditshikwedo ni nga humisa ngu dona vatate vanu ditikoni ka Egipta, kala kuhoka nyamsi, ni va gete ni txi ngadi ni vinduka ni mixo, ni va laya, ni txi khani: Engisani dipswi dangu!