Jeremiya 34:13 - Bhiblia Yo Sawuleka

¹³ A womba tiya Mkoma, Txizimu txa ka Israyeli: Ni mahile txitumelelano ni vakokwani vanu ditshikwedo ni nga va humisa ditikoni ka Egipta, nyumbani ka wukhumbi, ni txi khani:

Jeremiya 34:13 Referans Kwoze

Valamuli 6:8

Mkoma a to rumela vaprofeti ka vanana va ka Israyeli, a txi ya va gela ku khene: “Mkoma, Txizimu txa ka Israyeli, a khene: Ani ni mi humisile ditikoni ka Egipta, ni mi thavisile nyumbani ka wukhumbi.

Joxuwa 24:17

Mkoma ngene i ku Txizimu txathu, atxi txi nga hi humisa athu ni vatate vathu, ditikoni ka Egipta, nyumbani ka wukhumbi, atxi txi nga maha sotshe sidiwukiso sa hombe, asiya hi nga si wona ngu maso athu, atxi txi nga hi xayisa amu ka nzila yotshe yi hi nga yi tsimbila ni hagari ka vathu votshe vale hi nga pinda ngu ka vona.

Jeremiya 31:32

Hi nga txitumelelano txo fana ni txi ni nga maha ni vatate vawe, ka ditshiku dile ni nga va ñola ngu dianza, kasi ku va humisa ngu ditikoni ka Egipta, se vona va txipisile txitumelelano txangu, hambiko ani ni ngadi va thembisile, kuwomba Mkoma.

Dhewuteronome 5:27

Tshuketa awe, u txi ya engisa totshe ti Mkoma, Txizimu txathu, a no ya womba. Se awe u nata hi gela totshe ti Mkoma, Txizimu txathu, a no ya kugela, athu hi nata tiengisa, hi txi ti vekisa.”

Eksodha 24:3

A di wuyile koko Mosi a to ta txhamusela ka vathu mapswi a Mkoma ni sotshe sileleto, sekoko vathu va to xamula ngu dipswi dimwedo. Va to kha vona: “Otshe mapswi ale Mkoma a nga ma womba, hi na ma maha.”

Jeremiya 11:7

Nguko kukhukhela ditshikwedo ni nga humisa ngu dona vatate vanu ditikoni ka Egipta, kala kuhoka nyamsi, ni va gete ni txi ngadi ni vinduka ni mixo, ni va laya, ni txi khani: Engisani dipswi dangu!

Jeremiya 11:4

a txi ni nga layela vatate vanu ditshikwedo ni nga va humisa ditikoni ka Egipta, aha ka m'dhikila wa nyundo ya txikete, ni txi khani: Engisani dipswi dangu, mi txi maha totshe ti ni mi rumako; sekoko mi na va ditiko dangu, nanani ni na va Txizimu txanu,

Jeremiya 7:22

Nguko kha na gela vatate vanu, hambi ku va laya ngu didhawa da miningelo ya kuhiswa ni miphaxo, ka ditshikudo ni nga va humisa ditikoni ka Egipta.

Dhewuteronome 29:1

Aawa mapswi nga txitumelelano, aawa Mkoma a nga ruma Mosi ti to e ma womba ka vanana va ka Israyeli, ditikoni ka Mowabhi, hahanze ka txitumelelano txi a nga txi maha navo, mmangoni ka Horebhi.

Dhewuteronome 24:18

Alakanya ti to na nawe u ti ti khumbi ditikoni ka Egipta, ni ti to Mkoma, a kuthavisile koneyo. Ngu toneto, ni kuleleta ti to u hanyisa toneto.

Dhewuteronome 16:12

Alakanya ti to u ti ti khumbi ditikoni ka Egipta, ngu mhaka ya toneto, khutala u txi xayisa milayo yiya ni ku yi maha.”

Dhewuteronome 15:15

Alakanya ti to na nawe u ti ti khumbi ditikoni ka Egipta, ni ti to Mkoma, Txizimu txako, a ku tirute; ngu mhaka ya toneto, ani na kuninga mlayo wuwa nyamsi.

Dhewuteronome 13:10

Se u na m'balisela ngu marigwi kala a txi fa, nguko a duketile ku ku hambukisa ka Mkoma, Txizimu txako, awu a nga kuhumisa ditikoni ka Egipta, amu ka nyumba ya wukhumbi.

Dhewuteronome 8:14

mbilu yako yi nga ti kukumukise, se u divala Mkoma, Txizimu txako, awu a nga kuhumisa ditikoni ka Egipta, ka nyumba ya wukhumbi;

Dhewuteronome 7:8

Mkoma a maha tiya nguko wa mi randa, kambe a lava kutsanisa txithembiso txakwe, txi ene a nga va a di xambanyile ka vatate vanu, Mkoma a mi humisile ngu dianza dakwe da mtamo, kambe a mi tirute nyumbani ka wukhumbi, manzani ka Faro, mfumeli wa Egipta.

Dhewuteronome 6:12

Ti wonele, u si divali Mkoma, a nga kuhumisa ditikoni ka Egipta, ka nyumba ya wukhumbi.

Dhewuteronome 5:6

“Ani ngani Mkoma, Txizimu txako, ni nga kuhumisa ditikoni ka Egipta, ka nyumba ya wukhumbi.

Eksodha 20:2

“Ani ngani Mkoma Txizimu txako, awule a nga kuhumisa ditikoni ka Egipta, amu ka nyumba ya wukhumbi.

Eksodha 13:14

Ngako mangwana wa ditshiku vanana vanu va txi mi wotisa va txi kha vona: “Toneto ti womba txani kani?” Mi na xamula mi txi khanu: Mkoma a hi humisile ditikoni ka Egipta, nyumbani ka wukhumbi, ngu dianza da mtamo.

Eksodha 13:3

Se Mosi a to khene ka vathu: Di alakanyeni ditshiku diya, adi mi nga huma ngu dona ditikoni ka Egipta, nyumbani ka wukhumbi, nguko Mkoma a mi humisile kona ngu dianza da mtamo; se ngu mhaka yeto, kha mi na mbi dya dipawu do tshumbelwa ka ditshiku donedo.

Jeremiya 34:12

Di tile koko dipswi da Mkoma ka Jeremiya, ngu ka Mkoma, di txi kha dona: