Jeremiya 34:10 - Bhiblia Yo Sawuleka

¹⁰ Manganakana ni vathu votshe va va nga wulela ketxo txitumelelano, va to tumela ti taku mmweyo ni mmweyo a txi txhatxha txithumi txakwe txatxiwamna ni txatxisikati si txi ti tsulela, va si si thumisi kambe; va to engisa ve si txhatxha.

Jeremiya 34:10 Referans Kwoze

Jeremiya 26:16

Sekoko tinduna ni vathu votshe va to kha vona ka vaphaxeli ni ka vaprofeti: Awuwa m'thu kha faneli kufa, nguko a txhumayela kwathu ngu ditina da Mkoma, Txizimu txathu.

Jeremiya 26:10

Se tinduna ta ka Judha, ngako ti di pfite eto, ti to kwela ngu nyumbani ka mfumeli ti txi ya Nyumbani ka Mkoma ti txi ya khalahatsha ngu ha txikeni ka kuphya ka Mkoma.

Marku 6:20

Nguko Herodha a ti thava Johani, ngu kuziva ti to ene i m'thu wo lulama ni wo sawuleka, kambe a ti ti mu vhikela. Mbimo yi a nga txi mu engisa, a ti thelwa mphume, aniko a ti mu engisa ngu kutsaka.

Jeremiya 38:4

Sekoko vathangeli va to gela mfumeli va txi kha vona: Awuwa m'thu a na dawe, nguko wa rera mawoko a tindena ti ti nga sala ka diya didhoropa, ni mawoko a votshe vathu ngu ku va gela timhaka to nga tiya; m'thu wuwa kha xuveli wunene amu ka ditiko diya, aniko a di xuvela makhombo.

Jeremiya 36:12

a to kwitima eya nyumbani ka mfumeli, amu ka wukhalo wa m'bhali. Se wona taku votshe vathangeli va di khalahatshile kona hale: I ku Elixama m'bhali, ni Dhelaya, mwana Xemaya, ni Elinatani, mwana Akibhori, ni Gemariya, mwana Xafani, ni Zedhekiya, mwana Hananiya, ni votshe vamwani vathangeli.

Isaya 29:13

Nguko Mkoma a ti khene: Vathu vava koko va tshuketa hafuhi ni nani, se va ni dhumisa ngu sisofu, aniko timbilu tawe ti kule ni nani, ni txithavo txawe kwangu, nja kulondeta milayo ya vathu dwe, ayi va nga gondiswa yona;

Jeremiya 34:11

Aniko koko, ngu msana va to ti laya, se ve tshumeta sithumi sa txiwamna ni sa txisikati, asile va ngadi si txhatxhele, va txi si khonela wukhumbi vavamna ni vavasikati.

Jeremiya 34:19

i ku manganakana a ka Judha ni a Jerusalema, ni tinduna ni vaphaxeli ni votshe vathu va ditiko ava va nga pinda ngu hagari ka dirole.

Eksodha 21:2

“Ngako u txi xava khumbi ya Muhebheru, yi na kuthumele mtxhanu wa malembe ni dimwedo; aniko dilembe da wutxhanu ni mambidi, yi na huma ngu kutxhatxheka, yi si diheli txilo.”

Levhi 25:10

Dilembe di di londetako, i ku da mtxhanu wa magumi, mi na di sawulekisa, mi txi huwelela kutxhatxheka ka vathu votshe va ditikoni; ndilembe da kutsaka kwanu, ndilembe da kutsaka ka hombe. Votshe va na va i di va nyamne va sile i ku sawe, ni kuva va txi tshumelela maxakani kwawe.