Jeremiya 34:1 - Bhiblia Yo Sawuleka

¹ Dipswi di di nga ta ka Jeremiya ngu ka Mkoma, ahawa Nebhukodhonosori, mfumeli wa Bhabhilona, ni yotshe yimbi yakwe, ni yotshe mifumo ya mafu, aawa ma nga ti fumwa ngu ngene, ni otshe matiko ale ma ngalwa, me wukela Jerusalema, ni otshe madhoropa a kona, di txi kha dona:

Jeremiya 34:1 Referans Kwoze

Jeremiya 1:15

Nguko ni na dhana tixaka totshe ta matiko a Wuphemba, kuwomba Mkoma; ngu lixaka limwelo ni limwelo ni nata veka txikhalo txa lona txa wukoma, ha txikeni ka Jerusalema, ni kuwukela maguma a ma ranganyetako didhoropa, ni kuwukela otshe madhoropa a Judha.

Jeremiya 32:2

(Ka yoneyo mbimo tiyimbi ta mfumeli wa Bhabhilona ti to randela Jerusalema. Mprofeti Jeremiya a ti ti seketwe nyumbani ka vawoneleli va nyumba ya mfumeli wa ka Judha.

Dhaniyeli 5:19

Se ngu mhaka ya wuhombe wule txi nga mninga, votshe vathu, matiko ni tidimi va ti dhudhumela ni kuthava masoni kwakwe. A ti ni mtamo wo daya vathu ni waku va leka ve hanya, a tikulisa ni kuveka hahatshi ni wuhi a nga ti mlava.

Dhaniyeli 4:22

Ngawe, awe mfumeli, u nga kula, u txi tsana; wuhombe wako wu kute wuza wu hoka nzumani, ni mfumo wako wu hokile magwito ka mafu.

Dhaniyeli 4:1

Mfumeli Nebhukodhonosori a to rumela mhaka ka otshe matiko, mifumo ni ka vathu va totshe tidimi, vale va nga aka kotshe ha mafuni, a txi khene: Kudikha ku na ande hagari kwanu!

Jeremiya 34:7

mbimo yile yimbi ya mfumeli wa Bhabhilona yi nga lwa ni Jerusalema, ni madhoropa otshe a ka Judha, ale ma nga ti sate, yi wukela Lakixe ni Azeka; nguko madhoropa awa o tsana, ngu awa ma nga sala, hagari ka madhoropa a ka Judha.

Jeremiya 21:2

“Hi nga hi wotisela ka Mkoma, nguko Nebhukodhonosori, mfumeli wa Bhabhilona, wa hi xasela; mwendo Mkoma a na hi mahela sixamaliso sakwe, ti taku ene e khukha kwathu.”

Jeremiya 32:1

Ndiye mhaka yi nga ta ka Jeremiya ngu ka Mkoma, ngu dilembe da wugumi da Zedhekiya, mfumeli wa ka Judha, i ti dilembe da digumi ni mtxhanu ni mararu a Nebhukodhonosori.