Jeremiya 33:4 - Bhiblia Yo Sawuleka

⁴ Nguko Mkoma, Txizimu txa Israyeli, a womba xungetano ni tinyumba ta diya didhoropa, ni xungetano ngu tinyumba ta vafumeli va ka Judha, ati ti nga khundumuselwa, kasi kuvhikela didhoropa ka maphala ni matxhari.

Jeremiya 33:4 Referans Kwoze

Habhakuki 1:10

Se va na pfisa kupanda vafumeli, kambe va na sakana ngu vathangeli, vona va na poyilela yotshe mikhokhola; ngu kumahetela situletule sa mafu, va na honyola mikhokhola.

Ezekhiyele 4:2

Bhala txikombiso txa kurandelwa ka dona ngu valala, u bhiya ngu diguma do tsana, veka so tshinga ngu sona, u veketela magovelo, ni so khundumusa ngu sona.

Jeremiya 32:24

Hi nga wona maguma! Va tete ku ta wukela didhoropa, kasi ku ta di teka, se didhoropa di ningetwe manzani ka Vakaldheya, va valwako navo ngu ditxhari, ni nzala, ni mtungu; se ati u nga womba ti mahekile, ngu tona ti u ti wonako.

Ezekhiyele 21:22

Ka didhawa dakwe da txinene, ku na hutetelwa madingano ni Jerusalema, kasi kugela vale va nga emeleta ve khata kuxasela, va txi kwangula ngu kutsaka ka hombe, vaemeleti ve guleta siparako sa matimba, ve aka txitezi txa vavhikeli.

Ezekhiyele 26:8

Mlala a na daya vanana vako vamahorana ngu ditxhari, vale va manekako thembweni, kambe a na ti mahela txivhikelo masoni kwako, ni ku ti akela sitsaniso, ni ko rithimuka ngu kona.

Isaya 32:13

Txitimwi ka ditiko da vathu vangu, ku na mila sihaha ni sitxhotxhota, kumweko ni txitimwi ka totshe tinyumba to tsaka ka tona, ka didhoropa di di ndakandakako ngu kutsaka.

Isaya 32:14

Nguko nyumba ya wukoma yi na sala yokha, diguwa da didhoropa di na guma; mimango ni sitezi sa vawoneleti si na maha tiphako ka yotshe mbimo, emo timangwa ti no tutuma-tutuma kona, ku txi maha lihawu la sifuyo.

Jeremiya 6:6

Nguko Mkoma wa Mabutho a Tiyimbi a khene: Gangani tindonga mi maha libhingo la kubhiyela Jerusalema; nguko didhoropa di dinganako kutsayiswa; di taletwe ngu wutsindaveti.

Sidilo 2:7

Mkoma a lekile txiluvelo txakwe a tsukute ni wukhalo wakwe wo sawuleka, a ningete manzani ka valala maguma a tinyumba tawe ta wukoma; va pekile huwa Nyumbani ka Mkoma nga disthiku da msengeletano wa mpipi.

Dhewuteronome 20:20

Aniko ngako i di mindonga yile u ti zivako ti to kha yi veleki mihando yo dyiwa, wa sikota ku yi sengulela, u txi yi wilela, u txi yi maha tiphande to ti bhiyela ngu tona; kasi ku ti vhikela ka didhoropa dile ulwako nado, kala kuza u txi di khozisa.

Isaya 22:10

Kambe mi na bala tinyumba ta Jerusalema, mi khundumusa tinyumba, kasi kutsanisa maguma.