Jeremiya 33:3 - Bhiblia Yo Sawuleka

³ Kwangula kwangu ni na kuxamula, ni na kukomba silo sa hombe, u si si ziviko.

Jeremiya 33:3 Referans Kwoze

Jeremiya 29:12

Mi na ni dhana mi txi khongela kwangu, se ani ni na mi engisa.

Isaya 65:24

Se ku na maheka ti to ni va xamula, va sanzi kupeka huwa; va txi ngadi ve womba-womba ni na va engisa.

Vaefesu 3:20

Txi na dhumiswe Txizimu, txi sikotako kumaha sasingi ngutu kupinda asi hi txi kombelako mwendo asi hi si pimisako, ngu mtamo wu, txi thumako ngu wona kwathu,

Isaya 48:6

Kambe u khala ku tipfa; ti wonisise kha kwati totshe tiya; Ina kha mi na mbi ti zivisa kani? Kukhukhela konkuwa, na kumaha u engisa timhaka tatiphya, ta txihunja, ati u si khaliko ku tiziva.

Masalmo 91:15

Ene a na ni dhana, se ani ni na mxamula; ngako a di kuxanisekani, ni na va kumweko nayo; ni na m'hulukisa, ni mpfalisa.

Dhewuteronome 4:29

Sekoko kukhukhela koneyo, u na lava Mkoma, Txizimu txako, se u na ya mmana, ngako u txi mlava, ngu yotshe mbilu yako ni wotshe moya wako.

Masalmo 50:15

Ni dhane, mbimo yi u ku ha kuxuphekani; ani ni na kuhulukisa, se awe u na ni dhumisa.”

Masalmo 145:18

Mkoma a hafuhi ka votshe vale va m'dhanako; ka votshe vale va m'dhanako ngu ditshuri.

Dhewuteronome 4:7

Nguko ngu wuhi mfumo wa hombe, awule sizimu sa kona si ku hafuhi kufana ni Mkoma, Txizimu txathu, ka sotshe sikhati sile hi mkhongelako kani?

Mithumo 2:21

Se wuhi ni wuhi a no khongela ngu ditina da Mkoma, a na huluka.’ ”

Amosi 3:7

Ngu ditshuri, Mkoma Txizimu, a na mbi maha txilo na a sa kombisa txihunga txakwe ka sithumi sakwe, vaprofeti.

Masalmo 25:14

Mkoma a dhunda vale va mthavako ene wa va ninga kuziva Txitumelelano txakwe.

Isaya 45:3

Se ni na kuninga tithomba tile ti nga siswa, ni tile ti nga fenengetwa, kasi ku u na tiziva tito, ani ngani Mkoma, Txizimu txa ka Israyeli, ni ku dhanako ngu ditina dako.

Mtuletelo 2:17

Awu a ku ni tinzeve a na engise atile Moya wu embelako Mabanza: Ka wule a xulako, ni na mu tsunulela mana yawa ma nga siwa, ni na mninga kambe dirigwanyana do basa, dirigwanyana di ka dona ku nga bhalwa ditina da diphya, adi di si ziwiko ngu m'thu, hahanze ka wule a di amukelako.”

Matewu 13:35

kasi kutatiseka ati ti nga wombwa ngu mprofeti, a nga khene: “Ni na tula txisofu txangu ni womba-womba ngu sidinganiso; ni nuwela timhaka ti ti nga ti sisilwe kukhukhela kumahwani ka ditiko.”

Mika 7:15

Ani ni na va komba sixamaliso, kufana ni masiku a kuhuma kwako ngu ditikoni ka Egipta.

Joyeli 2:32

Se ku na maheka taku, votshe vale va no khumbuka ditina da Mkoma, va na hanyiswa; nguko mmangoni ka Siyoni ni Jerusalema ku na veho kuthuseka, madingano ni ti a khalako kuwomba Mkoma, ni ka vamwani ava Mkoma a no va dhana.

1 Vakorinto 1:2

ka Dibanza da Txizimu, adi di ku Korinto, ka va va nga sawulekiswa ngu Kristu Jesu, ava va nga dhanelwa ku ta maha vasawuleki kumweko ni votshe va va khongelako, hani ni hani, ngu ditina da Mkoma Jesu Kristu, i ku Mkoma wawe ni wathu.

Jeremiya 23:35

Mi na khanu, mmweyo ni mmweyo a na wotisa mu akelani mwendo mwanawe, a txi khene: Mkoma a xamute txani kani? Mwendo intxani a nga womba Mkoma kani?

Jeremiya 32:17

O! Mkoma Txizimu! Ngawe u nga maha nzuma ni mafu ngu mtamo wako wa hombe ni diwoko dako di nga nawulutwa; kha ku na txilo txi tandako kwako:

Jeremiya 32:27

Ngani Mkoma Txizimu txa vathu votshe; ina txi ho atxi ni nga txi tandako kani?

Dhaniyeli 2:18

kasiku ve kombela wumbilu ka Txizimu txa nzumani, madingano ni txihunja txiya, ti to Dhaniyeli ni vangana vakwe va si loviswi kumweko ni titxhari ta Bhabhilona.

Dhaniyeli 2:22

Txi wonekisa timhaka totshe ti ti ku kusisalani, txi ziva totshe ti ku txidemani, ni liwoningo li zumba ni Txizimu.

Dhaniyeli 2:23

Awe Txizimu txa vatate vangu, na kudhumisa ni ku kubonga, nguko u ni ningile wutxhari ni mtamo; kambe konkuwa, u ni zivisile a ti hi nga kukombelo, ngu ku hi maha hi ziva mhaka yiya ya mfumeli.