Jeremiya 33:24 - Bhiblia Yo Sawuleka

²⁴ “Ina u woni ti va ti wombako vathu, va txi kha vona: Tiveleko timbidi ati Mkoma a nga ti sawula, a ti lekile kani? Kambe va txhipisa vathu vangu, va txi nga kha va nga nga va vathu, masoni kwawe.”

Jeremiya 33:24 Referans Kwoze

Masalmo 83:4

Vona va kha vona: “He va fuviseni hagari ka vathu, kasiku di si swi di txi khumbulwa ditina da Israyeli.”

Ezekhiyele 37:22

Se ngu ka vona ni na maha mfumo wumwewo ha mafuni, mimangoni ka Israyeli, kambe mfumeli mmweyo a na fumela vona votshe; kha ku na mbi ngadi kambe i di mifumo yimbidi; kha va na mbiswa kambe ve abana ngu mifumo yimbidi ka masiku matako.

Ezekhiyele 36:2

Ngu kumaha keto Mkoma Txizimu a khene: Eko mlala wanu a ku khene ngu nganu: Yowe! Yowe! Kala ka timbimo ta kwa mbi gwita, mi na va thomba yathu;

Ezekhiyele 26:2

Awe mwanana wa m'thu, nga kule Tiro a nga khene ka Jerusalema: Yowe! Yowe! Di fayilwe ditimba da vathu; di rendekete kwangu; ni na talelwa, aniko ene a xasetwe!

Ezekhiyele 25:3

Se i nda khawe ka vanana va ka Amoni: Engisani dipswi da Mkoma Txizimu: Mkoma Txizimu a khene: Ngako awe u nga khawe: Yowe! Yowe! Madingano ni nyumba yangu yo sawuleka, mbimo yile yi nga nyenyeziswa; ni mhaka ya ditiko da ka Israyeli, mbimo yile di nga xaselwa; ni mhaka ya va nyumba ya ka Judha, mbimo yile va nga yiswa wukhumbini;

Sidilo 4:15

Va ti tshumetela vathu va txi kha vona: “Khukhani! Mi nyete! Khukhani, khukhani, mi nga hi khuteteni!” Se va hindukile va tendeleki ni valuveli; hambi va matiko va ti ti: “Vathu vava va nge sikoti kuzumba hagari kwathu.”

Jeremiya 30:17

Nguko ni na kuthuma, ni txi holisa timbanga tako, kuwomba Mkoma; nguko u wombwa to u m'dhindiriki, Siyoni wu va si mkhataleliko.

Masalmo 94:14

Mkoma kha na mbi tshotsha vathu vakwe; ene kha na mbi tsukula avale i ku vathu vakwe.

Masalmo 71:11

va txi kha vona: “Txizimu txi mtshuralete; m'hingeni, mi mñola nguko, kha nga ho wo sikota ku m'hanyisa!”

Isaya 7:17

Aniko Mkoma a na tisa txitimwi kwako, ni txitimwi ka vathu vako, ni txitimwi ka nyumba ya tate wako, ngu mfumeli wa Asiriya, masiku o nga ale, ma si khaliko kuta, kukhukhela ditshiku dile Efrayime a nga hambana ni Judha.

Isaya 11:13

A na tovela txiluse txa Efrayime, se valala va ka Judha va na loviswa, Efrayime kha na mbi lusela Judha, ni Judha kha na mbi xanisa Efrayime.

Jeremiya 3:7

Ani ni txi alakanya ku khani: Msana ko a di mahile totshe tiya, a na wuya kwangu. Aniko kha wuya. Sekoko Judha ndiya yakwe yo mbi thembeka, a to ti wona.

Jeremiya 3:8

Ni to wona ti taku, hambiko ni nga tovela Israyeli, ni mninga dipasi da kuhambana ngu mhaka ya wugango wakwe, Judha ndiya yakwe yo mbi thembeka, kha thava, aniko nene a to tsula eya maha wona wugangowo.

Jeremiya 31:37

Mkoma a ti khene: Ku txi koteka kupimwa kudemba ka tinzuma, ni kutumbulwa kutshima ka sitshuwa sa mafu, nani ni na lamba yotshe mbewu ya ka Israyeli, ngu totshe ti va nga ti maha, kuwomba Mkoma.

Jeremiya 33:23

Se dipswi da Mkoma di tile kambe ka Jeremiya, di txi kha dona:

Jeremiya 33:26

ni na leka liveleko la Jakobe ni la Dhavhidha txithumi txangu, ti taku ni si dhuki ni teka hagari ka vanana vakwe awu a no fumela liveleko la Abrahama, Isaake ni Jakobe, nguko ni na wuyisa va vo ñolwa vawe ni txi va hawukela.

Jeremiya 51:5

Nguko Isreyeli ni Judha kha va lekwa ngu Txizimu txawe, ngu Mkoma wa Mabutho a Tiyimbi, hambi i ti ku ngako ditiko dawe di di tate ngu sionho masoni ka wo Sawuleka wa Israyeli.

Ezekhiyele 36:20

Kambe, va di hokile ka matiko ale va nga ya ka ona, va to nyenyezisa ditina dangu do sawuleka, nguko ku ti ti wombwa taku: Avava mbathu va Mkoma, se va humile ditikoni kwakwe.

Ezekhiyele 37:11

Sekoko a to khene kwangu: Awe mwanana wa m'thu, marambu awa otshe, i nyumba ya ka Israyeli; wona taku va kha vona: Marambu athu ma omile, ni yona themba yathu yi lovile; athu hi witwe.

Masalmo 83:5

Votshe va mahile txikungo ngu mbilu yimweyo txo kuwukela; ve pfana kasi kulwa ni nawe.

Jeremiya 31:36

Va txi hambana ni sileleto siya masoni kwangu, kuwomba Mkoma, mbewu ya ka Israyeli ni yona yi na leka kuva ditiko masoni kwamgu, ngu ha ku si gwitiko.