21 se txitumelelano txangu ni Dhavhidha, txithumi txangu, txi nga funyeka, ti taku asi nja ngave ni mwanana wo fuma txituluni kwakwe ka wukoma; kumweko ni Valevhi i ku vaphaxeli va va ni thumelako.
ngu kona ni no tsanisa txikhalo txako txa wukoma, madigano ni txitumelelano a txi ni nga maha ni tate wako Dhavhidha, ni txi khani: Khu na mbi pwata dijaha do fumela Israyeli.
Hambi keto, Mkoma kha ti lava kukhundumusa nyumba ya ka Dhavhidha, ngu mhaka ya txitumelelano a txi a nga ti tximahile ni Dhavhidha, nga ha a nga ti m'gete ku khene a na mninga liwoningo la masiku otshe ene ni vanana vakwe.
Hambi ku nyumba yangu yi si nga ya mamahelo eyo ka Txizimu, kambe txi mahile txitumelelano txa kwa mbi guma ni nani, txi ka sotshe txi no leletelwa ni kuvekiswa. kotshe kuhulukiswa kwangu ni kutsaka kwangu si na va ka txona, hambi ku asi se kumilisa.
Se a to ningwa kufuma, ni wudhumo, ni mfumo, kasi ku votshe vathu, matiko, ni tidimi si mthumela; kufuma kwakwe ngu fuma ka kwa mbi gwita, kha ku na mbi pinda, kambe mfumo wakwe, ngu wona wokha wa kwa mbi khundumuswa.
ni vaphaxeli i ku Valevhi kha va na mbi pwata wo tisa miningelo ya kuhiswa masoni kwangu, ni kuhisa miningelo ya sakudya, ni kuhumisa miphaxelo ditshiku ni ditshiku.
Riyani tinzeve, ngonani kwangu; engiseni, mihefemulo yanu yi na hanya; nguko ni na maha txitumelelano txo mbi guma ni nanu, ni mi ninga makatekwa o tsana a Dhavhidha.
Nguko, kufana ni nzuma ya yiphya ni mafu a maphya, sile ni no si va nga, si nova masoni kwangu, kuwomba Mkoma, ngu kumaha keto, li na zumbisa tona eto liveleko lanu ni ditina danu.