Jeremiya 33:18 - Bhiblia Yo Sawuleka

¹⁸ ni vaphaxeli i ku Valevhi kha va na mbi pwata wo tisa miningelo ya kuhiswa masoni kwangu, ni kuhisa miningelo ya sakudya, ni kuhumisa miphaxelo ditshiku ni ditshiku.

Jeremiya 33:18 Referans Kwoze

Isaya 56:7

kambe ni na va yisa mmangoni kwangu ko sawuleka, ni va busisa Nyumbani kwangu ka mikombelo; miningelo yawe ya kuhiswa ni miphaxo yawe, yi na amukeleka txiluveloni kwangu, nguko nyumba yangu yi na dhanwa ku i Nyumba ya mikombelo, ka otshe matiko.

Mtuletelo 1:6

a txi hi maha vakoma ni vaphaxeli ngu mtamo wa Txizimu Tate wakwe: Kupfaliswa ni mtamo si na lumbe ene kala kupinduka. Amen.

1 Pedro 2:9

Ngu toneto, anu mi liveleko lo sawuleka, vaphaxeli va wukoma, mfumo wo sawuleka, vathu va va lumbako Txizimu, kasiku mi na tsimbila mi txi rurutela mithumo ya kuxamalisa ya Txizimu, atxi txi nga mi humisa txidemani, txi mi wuyisa liwoningoni ka txona ko xamalisa;

1 Pedro 2:5

Nananu, kufana ni marigwi o hanya, mi fanete kuakwa, mi maha nyumba ya moya, ti to mi va vaphaxeli vo sawuleka, ava va humisako timhamba to tsakisa Txizimu, ngu Jesu Kristu.

Varoma 15:16

yo ni maha txithumi txa Jesu Kristu hagari ka vamatiko, ani ni nga sawulwa ni txi mahwa mthumeli wa Evhangeli ya Txizimu, kasiku vamatiko ve va i di mningelo wa kutsakisa Txizimu, na wu di basisilwe ngu Moya wo Sawuleka.

Varoma 1:21

Nguko, hambi va di txi zivile Txizimu, kha va txi dhumisa kota nga Txizimu; hambi ni ku txi bonga kha va txi bonga; kambe va to pengiswa ve yiswa ka ta walo ngu mialakanyo yawe; se timbilu tawe ti pwata wutxhari, ti zumba mtemani.

Ezekhiyele 45:5

Se Valevhi va na va ni vo thuma nyumbani, ngu ku va lumba, 25.000 wa tipimo kulapha, to dingana magumi mambidi a tinyumba.

Isaya 61:6

Aniko anu mi na dhanwa ku mi vaphaxeli va Mkoma, kambe va na mi dhana ku mi sithumi sa Txizimu txathu; mi na dya tithomba ta matiko, mi dhumiswa mu ka wudhumo wa ona.

Dhewuteronome 18:1

“Vaphaxeli va ka Levhi, lotshe lihunzu la ka Levhi, kha va na mbi va ni txyavelo mwendo thomba kona Israyeli; va va na hanya ngu minigelo yile yi hiselwako Mkoma, ni sile si mlumbako.

Mtuletelo 5:10

Ngu vona u mahete Txizimu txathu, mfumo wa vaphaxeli, se vona va na fuma ha mafuni.”

Mitengo 3:5

Se Mkoma a to womba ka Mosi a txi khene:

Dhewuteronome 24:8

Ti wonele ka mtungu wa tshekela, u txi engisa kwati, ni kumaha totshe tifanelo ti va no mi leleta tona.

Joxuwa 3:3

se va to leleta ka vathu, va txi kha vona: “Ngako mi txi wona dibhokiso da txitumelelano txa Mkoma, Txizimu txanu, na di txi gulwa ngu vaphaxeli va Valevhi, khukhani nanu ka wukhalo wanu mi di londeta.

Ezra 3:5

se msana keto, kusimama mphaxo wo hiswa, ni yile ya kumeka ka mtxima, ni ya yotshe mipipi yo sawuleka ka Mkoma, hambi ya ni wuhi a nga ningela ka Mkoma, ngu kuranda kwakwe.

Jeremiya 33:19

Se dipswi da Mkoma di tile ka Jeremiya, di txi kha dona:

Jeremiya 33:22

Ni na engetela mtengo wa liveleko la txithumi txangu Dhavhidha ni wa Valevhi i ku vaphaxeli, nga ku mtengo wa yimbi ya nzuma wu si balwiko, hambi ni mtxhefa wa linene.

Ezekhiyele 44:15

Aniko vaphaxeli vale va ka Levhi, i ku vanana va Zadhoki, vale va nga xayisa txileleto txa nyumba yangu yo sawuleka, mbimo yile vanana va ka Israyeli va nga hambuka kwangu, Valevhi va tshuketile kwangu, ku ta ni thumela, va na va masoni kwangu, ku ta ni ninga mafura ni mnoha, kuwomba Mkoma Txizimu.

Jeremiya 35:19

Mkoma wa Mabutho a Tiyimbi, Txizimu txa ka Israyeli, a womba tiya: Kha ku na mbi pwateka wamwamna ka Jonadhabhe, mwana Rekabhi, awu a no ema masoni kwangu ka otshe masiku.