Jeremiya 33:12 - Bhiblia Yo Sawuleka

¹² Mkoma wa Mabutho a Tiyimbi a khene: Ka wuwa wukhalo wu nga maha txiwula, wu singako ni m'thu hambi txihari, ni ka otshe madhoropa a wona, ku ngadi ku txi na vaho wukhalo wa vadyisi, ava va mahako ti to sifuyo sawe si txi zumba ka wona.

Jeremiya 33:12 Referans Kwoze

Isaya 65:10

Se Saroni a na va txibala txa tinvuta, ni mkova wa Akori wu na maha dizumbo da sifuyo, sa vathu vangu va va ni lavako.

Jeremiya 51:62

Kambe u na khawe: Mkoma! Awe u wombawombile ngu wukhalo wuwa, ti taku u na wu fuvisa, ku na za ku si sali ni wammweyo wo zumba, hambi m'thu mwendo txihari, aniko ku na maha marumbi o gwita.

Jeremiya 36:29

U na gela Jehoyakimu mfumeli wa ka Judha, u txi: Mkoma a khene: Awe u hisile dibhuku diya, u txi: Ngu kutxani u nga bhala ka dona ti taku mfumeli wa Bhabhilona a nata hasamula ditiko diya, a txi heta vathu ni sihari kani?

Jeremiya 31:24

Judha a na va konaho kumweko ni madhoropa akwe otshe, kumweko ni vadimi, ni vadyisi va mitxhambi.

Jeremiya 17:26

Va nata ngu madhoropani a ka Judha, ni madhawani ka Jerusalema, ni ditikoni ka Bhenjamini, ni tibalani, ni mimangoni, ni wulambwe, ve neha miningelo yo hiswa ni miphaxo, ni miningelo ya mpupu, ni dibaselo, ni miningelo ya kudhunda amu Nyumbani ka Mkoma.

Ndando ya Tindando 1:7

Ni gele, awe u randwako ngu mbilu yangu, ni kombe mu u dyiselako kona mtxhambi wako, ni mu u wu yisako kona ni mitshikari. Ngu kutxani ani ni xaniseka ni londetela mitxhambi ya vangana vako kani?

Jeremiya 31:12

Vanata va txi embelela ngu litsako aniya mmangoni ka Siyoni, ve tutumela wunene wa Mkoma, amu ka fulaho, ni vhinya, ni mafura, amu ka tihambana ni marole, dihika dawe di na fana ni thembwe yi yi nga nakaniswa, kha va na mbiswa ve dhindirika.

Jeremiya 32:15

Nguko a womba tiya Mkoma wa Mabutho a Tiyimbi, Txizimu txa ka Israyeli: Mi ngadi mi txi na xava tinyumba, ni tithembwe, ni mipeto, ka diya ditiko.

Jeremiya 50:6

Vathu vangu ndinvuta to mwalala, vadyisi va tona ngu vona va nga ti mwalata, va ti lekile ti txi pengela kuya mimangoni, ti si alakanyi kutshumelela dizumboni ka tona.

Hagayi 1:4

Ina ngu yona mbimo yo anu mi zumba ka tinyumba tanu to thsuriselwa, se ayiya nyumba yi maha ditshatsha kani?

Ezekhiyele 36:35

Se va na kha vona: Mafu awa a txisapa ma nonile nga thembwe ya Edheni; kambe ni na tsanisa madhoropa a txiwunda, a sisapa, o khundumuselwa, ma txi va ni vathu.