Jeremiya 32:9 - Bhiblia Yo Sawuleka

⁹ Ni to xava thembwe ya Hananeli, mwana tatanyani wangu, ayi yi ku Anatote, ni to mpimela male, ya digumi ni mtxhanu ni mambidi da maxekele a silivhela.

Jeremiya 32:9 Referans Kwoze

Esteri 3:9

Ngako ti txi woneka kha kwati ka mfumeli, ku na bhalwe ti to va na dawe; se ani ni na ningela 10.000 wa titalenta ta silivhela, manzani ka vale va no maha mthumo, kasi kuveta ti veka amu ka tithomba ta mfumeli.

1 Vafumeli 20:39

Se mprofeti a to peka huwa mbimo yile a nga ti pinda mfumeli Akabe, a txi khene: Ani txithumi txako ni humile hagari ka kulwa, se wamwamna wokari a to ni tisela mmwani wamwamna na a txi khene: “Wonelela wamwamna wuwa. A txo dhuka e pwateka, u na diha ngu wutomi wako, wukhaloni ka wutomi wakwe, mwendo kudiha ngu talenta yimweyo ya silivhela.”

Hoseya 3:2

Se ni to ti xavela ene ngu siya sa digumi ni mtxhanu sa silivhela, ni omeri yimweyo ya sevhadha, ni hafu ya omeri ya sevhadha;

Isaya 55:2

Mi xakelela txani male ka sile i singako sakudya kani? Ni mihando ya mthumo wanu, ka sile si si khurisiko kani? Ni engiseni kha kwati, mi nadya so tshamba, ni mihefemulo yanu yi na tsaka ngu so nona.

Genesisi 37:28

Ku ti ngako vanyamabhindu va Midhiyani va txi pinda ngu hafuhi kwawe, vona va to humisa Josefa ngu mu diphalani, ve mxavisa Josefa ka va ka Ismayeli ngu magumi mambidi a maxekele a silivhela, se vanyamabhindu va to mteka, ve tsula nayo Egipta.

Genesisi 24:22

Mbimo yi makamelu ma nga gwita kusela mati, wamwamna a to teka txikurufu txa nzalama, txa hafu ya dixekele kunemela ka txona, a txi mnameka ha thonvuni, ni masinda mambidi, a digumi da maxekele kunemela ka ona, a txi mu ambalisa mawokoni kwakwe.

Eksodha 21:32

aniko ngako homu yi txi dhina khumbi ya wamwamna mwendo ya wamsikati, nyamne wa homu a na diha ngu male ya magumi mararu a maxekele a silivhela ka nyamne wa khumbi, ni homu ya kona yi na baliselwa ngu marigwi.

Nehemiya 5:15

Aniko vafumeli vo khata, avale va nga fuma masoni kwangu, va ti ti nemelisela vathu, va txi va tekela sakudya ni vhinya, hahanze ka mune wa magumi a maxekele a silivhela; hambi vafana vawe va ti ti xanisa vathu; aniko ani kha na maha eto, ngu mhaka yo thava Txizimu.

Ezekhiyele 4:10

Se sakudya si u no dya nzo dingana magumi mambidi a maxekele ngu ditshiku; u na dya ngu mbimo ni mbimo.