Jeremiya 32:8 - Bhiblia Yo Sawuleka

⁸ Sekoko Hananeli, mwanana wa tatanyani wangu, a tile kwangu amuwa Banzani ka vawoneleli, nga ti Mkoma a nga womba, a txi khene kwangu: Xava thembwe yangu yi ku Anatote, ditikoni ka Bhenjamini, nguko u ni madingano a kudya thomba, ni a ku yi tirula, njiavelo yona thembwe yiya. Sekoko ni to pimisa ti to ndipswi da Mkoma.

Jeremiya 32:8 Referans Kwoze

Jeremiya 32:7

Wona ti to Hananeli, mwana Salumi, tatanyani wako, a nata kwako, a txi ta khene: Ti xavele thembwe yangu yi ku Anatote, nguko u ni fanelo ku yi tirula u txi yi xava.

Jeremiya 32:2

(Ka yoneyo mbimo tiyimbi ta mfumeli wa Bhabhilona ti to randela Jerusalema. Mprofeti Jeremiya a ti ti seketwe nyumbani ka vawoneleli va nyumba ya mfumeli wa ka Judha.

Jeremiya 33:1

Se dipswi da Mkoma di tile da wumbidi ka Jeremiya, a di ngadi seketwe banzani ka vawoneleli, di txi kha dona:

1 Vafumeli 22:25

Se Mikaya a to khene: U na ti wona ka dona ditshiku edo, mbimo yile u no wulela ka nyumba ni nyumba, u txi lava ko sisala.

Johani 4:53

Se ngu konaho tate wa mwanana a nga tiziva ti to ngu yona yile mbimo Jesu a nga khene: “Mwanana wako a hanyile,” Se ene ni yotshe ngamu yakwe va to kholwa ka Jesu.

Zakariya 11:11

Se txitumelelano txi funyilwe ka dona ditshiku dile, mtxhambi wule wa wusiwana wu nga ti ti ni verela, wu ti zivisile toneto, ti to edo i ti ti dipswi da Mkoma.

1 Makronika 6:60

se ka lihunzu la ka Bhenjamini, Gebha ni tibala ta kona, Alemeti ni tibala ta kona, ni Anatote ni tibala ta kona; otshe madhoropa awe, madingano ni mimwaya yawe, i ti ti digumi da madhoropa ni mararu.

1 Vafumeli 2:26

Se ka Abhiyatari, i ku mphaxeli, a to khene kha mfumeli: “Tsula Anatote i ku tithembweni kwako, nguko u m'thu wo dingana kufa; hambiko, na mbi kudaya nyamsi, nguko u rwate dibhokiso da txitumelelano txa Mkoma Txizimu, masoni ka Dhavhidha, tate wangu, ni ku u xanisekile kumweko ni tate wangu.”

Jeremiya 1:1

Dipswi da Jeremiya, mwana Hilikiya, mmweyo wa vaphaxeli va nga ti ti Anatote, ditikoni ka Bhenjamini.

Jeremiya 32:25

Mkoma Txizimu, hambi ti di ngeto, u ti nga khawe kwangu. Ti xavele thembwe yiya, uva ni tifakazi, kuve didhoropa di ningetwe manzani ka Vakalddheya.

Jeremiya 37:12

Jeremiya a to huma ngu Jerusalema a txi ya ditikoni ka Bhenjamini, kuva a txi ya henjeleta txipeto hagari ka vathu.

Ezekhiyele 12:7

Ni mahile tiya nga ti ni nga rumiswa tona: Ni thavisile thundu yangu ni mitshikari, nga no lava kurura; sekoko ni minova ni to dhoda diguma ngu manza angu; ni txi si thavisa na ku di phumile, ni si pakata, na va txi ni wona.