Jeremiya 32:40 - Bhiblia Yo Sawuleka

⁴⁰ Ni na maha navo txitumelelano txi si gwitelwiko, ati taku kha ni na mbi va tshuralela, ni si leki ku va katekisa; ni veka txithavo txangu timbiluni kwawe, ti taku va si ngadi ve ni tshuralela.

Jeremiya 32:40 Referans Kwoze

Ezekhiyele 36:26

Se ni na mi ninga mbilu ya yiphya, kambe ni na thela moya wa wuphya mndani kwanu; ni na thavisa mbilu ya dirigwi ka nyama yanu, ni txi mi ninga mbilu ya nyama.

Jeremiya 24:7

Ni na va ninga timbilu to ni ziva ti taku ngani Mkoma; vona va na va vathu vangu, ani ni na va Txizimu txawe, ngako va txi tshumelela kwangu ngu mbilu yawe yotshe.

1 Pedro 1:5

anu mi vhikelwako ngu mtamo wa Txizimu, ni likholo la kuhanyiswa kuwa hi ku hafuhi ni ku kuwona ka masiku o gwitisa.

Jakobe 1:17

Sotshe sihiwa sa lisima, sotshe siningo sa kuhetiseka, si ta ngu txitimwi, si txi txhika ngu ka Tate wa liwoningo, awu a ku si nga ni kutxitxa, awu kuwoninga kwakwe ku ku si nga ni kutxitxa ku txi maha txidema.

Ezekhiyele 39:29

Kha ni na mbiswa ni va sisela kambe khohe yangu, mbimo yi ni no va ni di tshakunutile Moya wangu txitimwi ka nyumba ya ka Israyeli, kuwomba Mkoma Txizimu.

Isaya 55:3

Riyani tinzeve, ngonani kwangu; engiseni, mihefemulo yanu yi na hanya; nguko ni na maha txitumelelano txo mbi guma ni nanu, ni mi ninga makatekwa o tsana a Dhavhidha.

Jeremiya 50:5

Va na wotisa va di nzilani ka Siyoni, tikhohe tawe ti na rendekela koneyo, va nata ti pananisa ni Mkoma, ka Txitumelelano txo mbi gwita, txi na kwa mbi dhuka txi divalwa.

Vahebheru 13:20

Txizimu txa kudikha txi nga kwelisa txitimwi awule txi nga mu wusa ngu ka vafi, ngu mnoha wa txitumelelano txo mbi na magwito, M'dyisi wa hombe wa tinvuta,

2 Samuwele 23:4

Se a na fana ni kuwonekela ka mixo, ngako di txi huma ditambo ni mixo ko pwata marefu, ngu kuwoninga ka dona, msana ka kuva ma di wite mati, kumilisa mwasi wa mafu.

Vahebheru 7:24

Aniko Jesu, ngako wutomi wakwe wu si gumiko, wuphaxeli wakwe ni wona kha wu nga ni magwito.

Vahebheru 4:1

Ngu toneto, ngako txithembiso txa kuwulela kuhumulani ka Txizimu txi di ngadi tsani, ahi ti woneleni ti to mmwani hagari kwanu asi maneki a di sate msana.

Isaya 61:8

Nguko ani Mkoma, ni randa kululama, ni nyenya wubihi; ani ni na va ninga ngu ditshuri hakhelo yawe, kambe ni na maha navo txitumelelana txo mbi guma.

Isaya 24:5

Kha ditshuri, mafu ma nyetilwe ngu vaaki va ona, nguko va ndaka milayo, ve txitxelela sileleto, kambe va funya txitumelelano txa kala kupinduka.

Dhewuteronome 31:6

Tsanani miva ni mtamo; mi nga thaveni txilo, kambe mi nga dhudhumeleni masoni kwawe, nguko Mkoma, Txizimu txanu, ngene a thangelako masoni kwanu; kha na mbi mi tshotsha, kambe kha na mbi mi leka!”

Dhewuteronome 31:8

Mkoma koko a na thangela masoni kwako ene a na va ni nawe; kha na mbi kuleka, kambe kha na mbi kutshotsha; u nga thave txilo, kambe u nga dhudhumele.”

Jeremiya 31:34

Kha ku na mbi maneka wo gondisa mwakelani, hambi mmwani ka mwanawe, ku khene: Zivani Mkoma; nguko votshe va na ni ziva, kukhukhela ka wam'dotho wawe kala ka wa hombe, kuwomba Mkoma; nguko ni na divalela wubihi wawe, kha ni na mbiswa ni txi alakanya sionho sawe.

Ezekhiyele 37:26

Ni na maha navo txitumelelano txa kuthutha; i nava txitumelelano txa kwa mbi gwita; ni na va tsanisa ni va andisa, ni veka nyumba yangu yo sawuleka hagari kwawe yotshe mbimo.

Masalmo 80:19

Mkoma, Txizimu txa Mabutho a Tiyimbi, tshumela u hi wuyisa, hi kombe liwoningo la khohe yako, kasi hi na hanya!

Ezekhiyele 36:27

Kambe ni na thela moya wangu mndani kwanu, ni na maha ti to mi tsimbila ngu sileleto sangu, mi txi vekisa wululamo wangu, ni ku wu londeta.

Mika 4:5

Nguko votshe vathu va na tsimbila, mmwani ni mmwani ngu ditina da txizimu txakwe, aniko athu hi na tsimbila ditinani ka Mkoma, Txizimu txathu, yotshe mbimo ngu ha ku si gwitiko.