Jeremiya 32:38 - Bhiblia Yo Sawuleka

³⁸ Vona va na va vathu vangu, nanani ni nave Txizimu txawe.

Jeremiya 32:38 Referans Kwoze

Jeremiya 24:7

Ni na va ninga timbilu to ni ziva ti taku ngani Mkoma; vona va na va vathu vangu, ani ni na va Txizimu txawe, ngako va txi tshumelela kwangu ngu mbilu yawe yotshe.

Mtuletelo 21:7

Awu a no xula a na amukela thomba yiya, se ani ni na va Txizimu txakwe, ene a na va mwanana wangu.

Vahebheru 8:10

Txitumelelano txi ni no txi maha ni nyumba ya Israyeli msana ka masiku onayo, kuwomba Mkoma, ngu txiya: Ni na veka milayo yangu mapimoni kwawe, ni na yi bhala timbiluni kwawe. Ani ni na va Txizimu txawe, ni vona va na vathu vangu.

Ezekhiyele 37:27

Kambe nyumba yangu yi na va hagari kwawe, ani ni na va Txizimu txawe, se vona i nava vathu vangu.

Masalmo 144:15

Va katekile vathu va ti mahekako tiya kwawe! Va katekile vathu vava, Txizimu i ku Mkoma wawe!

Zakariya 13:9

Se ni na pindisa dile da wuraru ngu ha ka mndilo, ni txi di sawulekisa, ku nga tile yi nga sawulekisa tona silivhela, kambe ni na di duka ku nga ti yi dukiswako tona nzalama, dona di na dhumisa ditina dangu, se ani ni na di engisa; ni na khani: Mbathu vangu; se dona di na kha dona: Mkoma, Njizimu txangu.

Ezekhiyele 36:28

Se mi na ya zumba ka mafu ale ni nga ninga vatate vanu, anu mi na va vathu vangu, ani ni na va Txizimu txanu.

Jeremiya 31:1

Ka yona yile mbimo, kuwomba Mkoma, ni na va Txizimu txa totshe tihunzu ta ka Israyeli, vona va na va vathu vangu.

Jeremiya 30:22

Anu mi na va vathu vangu, nani ni na va Txizimu txanu.

Ezekhiyele 39:22

Va nyumba ya ka Israyeli, va na tiziva taku ani ngani Mkoma, Txizimu txawe, kukhukhela ka ditshiku dile, ni kuya masoni.

Jeremiya 31:33

Aniko atxiya njitumelelano txi ni no maha ni nyumba ya ka Israyeli, msana ka masiku ale, kuwomba Mkoma: Ni na veka mlayo wangu mndani kwawe, ni wu bhala timbiluni kwawe; ni na va Txizimu txawe, se vona va na va vathu vangu.

Genesisi 17:7

Ni na tsanisa Txitumelelano txangu ni nawe, ni lihunzu lako msana kwako, Txitumelelano txiya, txi na va txo mbi guma, se ani ni na va Txizimu txako ni txa lihunzu lako, msana kwako.

Vahebheru 11:16

Aniko, vona va vilela mwani ka nzumani. Ngu toneto, Txizimu kha txa pfa tingana ngu kuwomba ti to i Txizimu txawe. Kha ditshuri, txona txi va lulamisete didhoropa.

Ezekhiyele 39:28

Sekoko va na tiziva taku ani ngani Mkoma, Txizimu txawe, va txi wona taku ni va mahile ve yiswa wukhumbini hagari ka matiko, ni tshumela ni va sengeleta ve wuya ditikoni kwawe, ni si siyi ni wammweyo kwawe.

Dhewuteronome 14:23

Se masoni ka Mkoma, Txizimu txako, ka wukhalo wule a no wu sawula kasi ku ditina dakwe di txi zumba kona, u na dyela kona sa wugumi sa timbewu tako, sa vhinya yako ya yiphya, sa mtona wako, ni matiwula a tihomu tako ta vamakati, ni sa tinvuta tako; kasi ku u gonda kuthava Mkoma, Txizimu txako, otshe masiku.

Isaya 65:23

Kha va na mbi thuma, hambi kuveleka vanana kasi ku va xanisa, nguko liveleko la va vo katekiswa ngu Mkoma, kumweko ni lixaka vawe.

Ezekhiyele 16:60

Hambi keto, ani ni na alakanya txitumelano txi ni nga txi maha ni nawe, ka masiku a wuhorana wko; kambe ni na maha ni nawe txitumelelano txa kwa mbi gwita.

2 Samuwele 7:24

Se u tsanisile vathu vako va ka Israyeli, kuva vathu vako kala kupinduka, kambe awe Mkoma u mahile Txizimu txawe.