Jeremiya 32:33 - Bhiblia Yo Sawuleka

³³ Va ni tshuralete, kha va ni engisa; hambiko ni nga va gondisa kambe ni kambe, kha va engisa ti taku va kawukwa.

Jeremiya 32:33 Referans Kwoze

Jeremiya 7:13

Kona kuwa koko, mi di mahile totshe tiya, kuwomba Mkoma, ni wombile kwanu i di ngadi mixo, ni mi gela, aniko kha ma engisa; ni to mi dhana, kambe kha ma xamula.

Ezekhiyele 8:16

Se a to ni yisa ka mthanda wa mndani ka Nyumba ya Mkoma, wona taku ha txikeni ka Dithepele da Mkoma, hagari ka m'hubhe ni txiluvelo, ku ti ti ni mtengo wo dingana magumi mambidi a vavamna ni mtxhanu, va nga ti ti tshuralete Dithepele da Mkoma, tikhohe tawe ti txi rendekela wutxani; kambe va ti ti khozela ditambo va di rendekete wutxani.

Jeremiya 2:27

Ava va wombako ka mndonga va txi kha vona: Awe u tate wangu, se va txi kha vona ka dirigwi: Ani ni velekilwe ngu ngawe; nguko va ni tshuralete, kha va ni rendekeli; aniko, mbimo ya dikhombo, va na kha vona: Ema, u txi hi xanguta!

Johani 8:2

Ngu mbimo ya mixo, a to tshumela eya woneka Dithepeleni, se votshe vathu va to ya tshangana hafuhi kwakwe. Ene a to khalahatsha a txi va gondisa.

Jeremiya 35:15

Se ni mi rumete sithumi, i ku vaprofeti, va txi phindula, ve rumela va txi kha vona: Hundulukani, konakuwa, mmweyo ni mmweyo nzilani kwakwe ko biha, mi txi txhukwatisa mithumo yanu ya yinene, kambe mi nga londeteleni simwani sizimu; kasi ku si thumela; se ngu kumaha keto, mi na zumba ka ditiko di ni nga mi ninga, anu ni vatate vanu; aniko kha ma riya tinzeve, hambi ku ni engisa ani.

Jeremiya 26:5

kuva mi txi na engisa timhaka ta sithumi sangu i ku vaprofeti, ava ni nga va rumela kwanu, i di ngadi mixo, aniko anu kha ma engisa;

Jeremiya 7:24

Aniko kha va engisa hambi ku riya tinzeve; se va to tsula makungoni kwawe ni mu ka kubanga ka timbilu tawe to biha, va to tshumelela msana, kha vaya masoni.

Zakariya 7:11

Sekoko vona kha va lava kuengisa, va to ni komba makata o ni nyenya, ve tsiva ni tinzeve tawe, kasi ku va si engisi.

Hoseya 11:2

Kambe ngako ni txi va dhana vona va ti nitshuralela; va ti ti phaxela ka va ka bhahali, ve hisela dibaselo sithombe so vatwa.

Jeremiya 44:4

Ni mi rumelete sotshe sithumi sangu i ku vaprofeti, ni mixo ngutu ku ta womba tiya: Mi nga maheni wubihi wu ni wu nyenyako.

Jeremiya 18:17

Ku nga diphuho da muhuma-ditambo ni na va hangalasa masoni ka valala vawe; ngu ditshiku da kuloviswa kwawe. Ni na va tshuralela ni si va kombi khohe.”

Jobe 35:11

Atxi txi hi mahako vo ziva kupinda sihari sa ha mafuni ni ku hi maha vo txhariha ngutu kupinda sinyana sa nzuma kani?

Jeremiya 35:13

Mkoma wa Mabutho a Tiyimbi, Txizimu txa ka Israyeli, a khene: Tsula u txi ya va gela vathu va va ka Judha, ni vaaki va Jerusalema, u txi khawe: Ina kha mi na mbiswa mi amukela gondo ngu kupfa timhaka tangu kani? Kuwomba Mkoma.

Ezekhiyele 23:35

Ngu toneto, Mkoma Txizimu a khene: Ngako u nga ni divala, u ni tshuralela, u na rwala wubihi wako ni wugelegele wako.

Jeremiya 7:28

Sekoko awe u na womba kwawe, u txi khawe: Adiya, ditiko di si engisiko dipswi da Mkoma Txizimu txawe, hambi kuamukela silayelo. Kuthembeka kuwalo, ku thavisilwe sisofuni kwawe.