Jeremiya 32:31 - Bhiblia Yo Sawuleka

³¹ Nguko adiya didhoropa di vhilusile kuhenya kwangu ni txiviti txangu kukhukhela ditshikwedo va ngadi aka kala nyamsi kuwa; kuva ni txi na di thavisa masoni kwangu.

Jeremiya 32:31 Referans Kwoze

2 Vafumeli 23:27

Se Mkoma a to khene: Kambe Judha ni na mthavisa masoni kwangu, ku nga kule ni nga thavisa Israyeli, ni na tsukula didhoropa diya da Jerusalema ni ngadi sawula, kumweko ni nyumba yile ni nga khani: Di nava konemo ditina dangu.

Matewu 23:37

“Jerusalema! Jerusalema! U dayako vaprofeti, u txi balisela ngu marigwi ava va rumelwako kwako! Nzi khati singani ni nga navela kusengeleta vanana vako nga kule ka khukhu yi fundamelako sisondwana sa yona ngu mabhapi, se awe u txi lamba!

Jeremiya 27:10

Nguko makuhu va profetako kwanu, kasi ku mi txi huma ditikoni kwanu mi txi yiswa kule; kuva ni txi na mi tutumisa, mi txi ya lova.

2 Vafumeli 21:16

Kambe kupinda eto, Manasi a theketile ngutu mnoha wa vo mbi na mnandu, wu tata Jerusalema, kukhukhela magwito kala kumwani magwito, eza e onhisa Judha, ngu kumaha wubihi masoni ka Mkoma.

Sidilo 1:8

Jerusalema a onhile ngutu se ngu toneto, a tote nzambwa. Votshe vale va nga ti mxonipha, se vamnyenyile, nguko va woni wumbwiri wakwe; se ene apune wa kuma a txi namisa thamo.

2 Vafumeli 23:15

Se ni txiluvelo txile txi nga ti ti maneka Bheteli, ni txiluvelo txi txi nga mahwa ngu Jerobhowamu, mwana Nebhate, a nga ti ti onhisile Israyeli, kambe a to khundumusa txiluvelo; e hisa txiluvelo txi maha dikhuma, se e hisa txithombe txo vatwa.

Dhaniyeli 9:16

Awe Mkoma, mandingano ni wotshe wululamo wako, ku na khukhe kuhenya kwako ni txiviti txako txitimwi ka dihoropani dako Jerusalema, ka mmango wako wo sawuleka; se ngu mhaka ya sionho sathu, ni ngu mhaka ya sihambunyeto sa vatate vathu, Jerusalema ni votshe vathu vako va hundukile txisekiso ka votshe vale va ku mabambe kwathu.

Jeremiya 23:39

ngu ditshuri ani ni na mi divala da magwito, ni txi mi tutumisa masoni kwangu, anu ni didhoropa diya ni nga mi ninga, ni ka vatate vanu.