Jeremiya 32:30 - Bhiblia Yo Sawuleka

³⁰ Nguko kukhukhela ha wuphyani kwawe, vanana va ka Israyeli, ni vanana va ka Judha, va mahi va wubihi dwe masoni kwangu, nguko vanana va ka Israyeli va ni henyisile ngu mithumo ya manza awe, kuwomba Mkoma.

Jeremiya 32:30 Referans Kwoze

Jeremiya 25:7

Hambi ka eto kha ma ni engisa, kuwomba Mkoma, ti taku mi vhinjukisa kuhenya kwangu ngu mithumo ya manza anu, mi txi ti tota dikhombo mipune.

Jeremiya 22:21

Ni wombawombile ni nawe ti txi ngadi ti kuhumela kwati, Aniko u txi khawe: “Kha ni na mbi engisa.” Ngu ona mahanyelo ako kukhukhela wananani, aku, khu na mbi pfa dipswi dangu.

Jeremiya 3:25

Ahiweni hahatshi tinganani kwathu, hi fenengela tona, nguko hi onhete Mkoma, Txizimu txathu, athu kumweko ni vatate vathu, kukhukhela ha wuphyani kwathu kala nyamsi; kha ha engisa dipswi da Mkoma, Txizimu txathu.”

Jeremiya 2:7

Ni mi nehile ditikoni ko pfuna, kuva mi ta dya mihando ya kona ni kuzumbiseka ka dona. Aniko hale mi nga wulela ka dona mi di nyenyezisile ditiko dangu; ni thomba yangu mi yi mahile manyala.

Isaya 63:10

Aniko vona va to mueyisa, se ve henyisa Moya wakwe wo Sawuleka; a to maneka i di mlala wawe, se ene apune a tolwa navo.

Genesisi 8:21

Se Mkoma a to hefemula, a txi pfa kubhumula, a txi khene kha Mkoma mbiluni kwakwe: “Ani kha ni na mbi ngadi ni ruketela ditiko ngu mhaka ya m'thu, nguko mipimiso ya mbilu ya m'thu njo biha, kukhukhela wananani kwakwe; kha ni na mbi ngadi ni daya kambe sotshe sivangwa si si hanyako, kufana ni ti ni nga ti maha.

Ezekhiyele 23:3

Va to maha wugango Egipta; va mahile wugango i di ngadi vavaphya; va khutaretwe tikhana tawe, titshumbu ta wumbiri wawe ti kamaretetwe.

Ezekhiyele 20:28

Nguko a kule ni nga ti ti va wuleta ka ditiko dile ni nga guleta dianza, kasi kuvaninga, vona va to wonetela ka sotshe simangwana, ni ka yotshe mindonga yo txhuma, kambe va ningete koneho miphaxo yawe, ve kombisa kona hale ku ni henyisa kwawe ngu miningelo yawe, va txi veketela ni sa kubhumula, se va txi ningela miningelo ya sa kusela.

Ezekhiyele 20:8

Aniko va to ni wukela kha va lava ku ni engisa; ni wammweyo kha tshotsha kule manyala, hambi kuleka sithombe sa Egipta; sekoko ni to khani ni na theketa txiviti txangu, ni kombisa kuhenya kwangu txitimwi kwawe, hagari ka ditiko da Egipta.

Jeremiya 8:19

Hi nga pfa dipswi da txidilo da mwanana wa txisikati wa vathu vangu, adi di humako ditikoni ka kule, di txi kha dona: Kasi Mkoma khangaho Siyoni kani? Ina Mkoma wakwe kha nga kwakwe kani? Ngu kutxani va nga vhinjukisa kuhenya kwangu ngu sifananiso sawe, ni sizimu sa vamatiko kani?

Jeremiya 11:17

Nguko Mkoma wa Mabutho a Tiyimbi awu a nga kuphaya, a na rumela makhombo txitimwi kwako, ngu mhaka ya kubiha kuwa ku nga mahwa ngu nyumba ya ka Israyeli ni nyumba ya ka Judha, ve ni henyisa ngu kuhisela dibaselo Bhahali.

Jeremiya 30:14

Votshe va va kurandako va ku divate, kha va ku khataleli. Nguko ni ku dayisisile ku nga wo va mlala, ngu txitsayiso txa timbiti; ngu kukula ka wubihi wako, ni wungi wa sionho sako.

Jeremiya 36:2

Ti tekele dibhuku u txi bhala totshe timhaka ti ni nga kugela ngu Israyeli ni Judha, ni xungetano ni otshe matiko, kukhukhela ka ditshikwedo ni nga womba-womba ni nawe ka masiku a Josiya kala ni kuwa.

Jeremiya 44:3

ngu mhaka ya kubiha ku va nga kumaha, va txi ni henyisa, ve hisela miphaxo sizimu sa walo ni ku si thumela, vona, anu, ni vatate vanu.

Jeremiya 25:6

Mi nga londiseleni simwani sizimu, mi txi si thumela ni ku si khizamela, mi nga vhilukiseni txiviti txangu ngu mithumo ya manza anu, kasi ani ni si mi maheli kubiha.

Jeremiya 44:8

Mi txi ni henyisa ngu mithumo ya manza anu, mi txi hisela miphaxo sizimu sa walo ditikoni ka Egipta, eyo mi nga wulela kuya luvela kona, kasi ku anu mi txi ti lovisa, ni ku mi va txiruko ni kutseketselwa hagari ka matiko otshe ha mafuni kani?