Jeremiya 32:27 - Bhiblia Yo Sawuleka

²⁷ Ngani Mkoma Txizimu txa vathu votshe; ina txi ho atxi ni nga txi tandako kani?

Jeremiya 32:27 Referans Kwoze

Matewu 19:26

Jesu a to va wonisisa, a txi khene kwawe: “Ka vathu eto kha ti koteki, aniko ka Txizimu totshe ta koteka.”

Jeremiya 32:17

O! Mkoma Txizimu! Ngawe u nga maha nzuma ni mafu ngu mtamo wako wa hombe ni diwoko dako di nga nawulutwa; kha ku na txilo txi tandako kwako:

Isaya 64:8

Kambe konkuwa, awe Mkoma, awe ngawe tate wathu; athu hi dibumba, se awe u muwumbi wathu; kambe athu hotshethu hi mthumo wa manza ako.

Johani 17:2

nguko u mu ningile mtamo txitimwi ka votshe vathu, kasiku e ninga wutomi wo mbi guma ka votshe vale u nga mninga.

Masalmo 65:2

Awe wa engisa mikombelo yathu se votshe va ta kwako,

Luka 3:6

Votshe vathu va na wona kuhanyisa ka Txizimu.”

Mitengo 27:16

Mkoma Txizimu txa mimoya ya yotshe nyama, veka m'thu txitimwi ka msengeletano wuwa,

Mitengo 16:22

Se vona va towa ngu tikhohe tawe, ve dila, va txi kha vona! Awe Txizimu! Txizimu txa mihefemulo ya nyama yotshe! Ina wa so henyela wotshe msengeletano, ngu mhaka ya txionho txa m'thu mmweyo kani?

Genesisi 18:14

Ina txi ho txo tandeka ka Mkoma kani? Ka dilembe di di tako, ngu yona yiya mbimo, ni na wuya kambe kwako, se Sara a na va a di ni mwanana wa dizambi.

2 Vafumeli 3:18

Kambe eto ndidotho masoni ka Mkoma; a na ningela vathu va Mowabhi manzani kwanu.

Jeremiya 32:26

Sekoko dipswi di tile ka Jeremiya ngu ka Mkoma, di txi kha dona:

Jeremiya 33:3

Kwangula kwangu ni na kuxamula, ni na kukomba silo sa hombe, u si si ziviko.

Zakariya 8:6

A womba tiya Mkoma wa Mabutho a Tiyimbi: Ngako eto ti txi tsakisa masoni ka votshe vathu ka masiku oneyo, ina ti na tsakisa kambe masoni kwangu kani? Kuwomba Mkoma wa Mabutho a Tiyimbi.

Mitengo 11:23

“Kambe Mkoma a to khene ka Mosi: Ina diwoko da Mkoma di komile kani? Awe verela, konkuwa, u na wona ti to dipswi dangu, di na maheka mwendo kha di na mbi maheka.”