Jeremiya 32:24 - Bhiblia Yo Sawuleka

²⁴ Hi nga wona maguma! Va tete ku ta wukela didhoropa, kasi ku ta di teka, se didhoropa di ningetwe manzani ka Vakaldheya, va valwako navo ngu ditxhari, ni nzala, ni mtungu; se ati u nga womba ti mahekile, ngu tona ti u ti wonako.

Jeremiya 32:24 Referans Kwoze

Jeremiya 33:4

Nguko Mkoma, Txizimu txa Israyeli, a womba xungetano ni tinyumba ta diya didhoropa, ni xungetano ngu tinyumba ta vafumeli va ka Judha, ati ti nga khundumuselwa, kasi kuvhikela didhoropa ka maphala ni matxhari.

Jeremiya 32:36

Ngu konaho, konkuwa Mkoma, Txizimu txa Israyeli, a khene koko xungetano ngu didhoropa diya, mi di wombako, mi txi khanu: Di ningetwe manzani ka mfumeli wa Bhabhilona ngu ditxhari, ni nzala, ni mtungu.

Dhewuteronome 4:26

nyamsi ni maha ti to nzuma ni mafu, si txi va i di tifakazi tanu to mi wukela; ngako toneto ti txi maheka, ngu txikuluveta mi na ya lova ka donedo ditiko, adile anu mi yako kuya di fuma, ngako mi di txhatukile mnambo wa Jordhani; ka toneto, kha mi na mbi ya hanya ngutu ka dona, nguko ngu ditshuri, mi na ya loviswa.

Zakariya 1:6

Hambi keto, mapswi angu ni sileleto sangu, asi ni nga rumela ngu vaprofeti, sithumi sangu, kha sa va hokela vatate vanu kani? Se vona va to tshumela va txi kha vona: Mkoma wa Mabutho a Tiyimbi a mahile ti a nga ti lava kwathu, madingano ni tinzila tathu, ni mithumo yathu, se ngutu ene a nga hi mahisa tona.

Ezekhiyele 21:22

Ka didhawa dakwe da txinene, ku na hutetelwa madingano ni Jerusalema, kasi kugela vale va nga emeleta ve khata kuxasela, va txi kwangula ngu kutsaka ka hombe, vaemeleti ve guleta siparako sa matimba, ve aka txitezi txa vavhikeli.

Ezekhiyele 14:21

Nguko Mkoma Txizimu a khene: Ngutu-ngutu ni txi rumela valamuli vangu va mune va tshofu, ditxhari, nzala, sihari sa tshofu, ni mtungu, kona Jerusalema, kasi kuthavisa vathu ni sihari kani?

Jeremiya 32:3

Nguko Zedhekiya, mfumeli wa ka Judha, a ti ti msekete, a txi khene: U profetela txani u txi khawe: Mkoma a khene: Wona taku na ningela didhoropa diya manzani ka mfumeli wa Bhabhilona, se ene a na di teka;

Matewu 24:35

Nzuma ni mafu si na pinda, kambe mapswi angu kha ma na mbi pinda.”

Jeremiya 52:6

Ngu mtxima wa wumune, ka ditshiku da wutxhanu ni mune ka mtxima, aha nzala yi nga txi simama didhoropani, se vathu va ditiko va to pwata sakudya,

Jeremiya 32:25

Mkoma Txizimu, hambi ti di ngeto, u ti nga khawe kwangu. Ti xavele thembwe yiya, uva ni tifakazi, kuve didhoropa di ningetwe manzani ka Vakalddheya.

Jeremiya 24:10

Ni na va rumela ditxhari, ni nzala, ni mtungu, veza va txi bhi ka ditiko diya, ni nga va ninga vona ni vatate vawe.”

Jeremiya 16:4

Nguko va na fa ngu mafelo o thisa; kha va na mbi dilelwa hambi kutshotshwa; va na nga fenze mafuni. Va na dawa ngu ditxhari ni nzala; sirumbi sawe si na dyiwa ngu sinyana sa nzuma ni sihari sa txitinga.

2 Samuwele 20:15

Se va to ta mrandela kona Abheli-Bheti-Mahaka, ve maha txituletule digumani ka didhoropa, ngako a nga ti maneka hahanze ka diguma; kambe votshe vathu vale va nga ti ti ni Jowabhi va to peketela diguma kasiku di wisa.

Isaya 37:33

Ngu kumhaka keto, Mkoma a womba tiya ngu mhaka ya mfumeli wa Asiriya: Kha na mbi wulela ka diya didhoropa, hambi kukhwinza lingove limwelo; kha ku na mbi wulela txitxhavangu ni txa tximwetxo, hambi kukelwa mibhala yo sisala ka yona.

Jeremiya 6:6

Nguko Mkoma wa Mabutho a Tiyimbi a khene: Gangani tindonga mi maha libhingo la kubhiyela Jerusalema; nguko didhoropa di dinganako kutsayiswa; di taletwe ngu wutsindaveti.

Jeremiya 20:5

Txa wumbidi ni na ningela yotshe thomba ya didhoropa diya, ni mabhindu a kona otshe, ni sotshe siya sa lisima, ina, ni tithomba totshe ta vafumeli va ka Judha, ni na si ningela manzani ka valala vawe, ava va no si teka ngu ku si handa, va txi si yisa Bhabhilona.

Jeremiya 29:17

Mkoma wa Mabutho a Tiyimbi a khene: Ni na va rumela ditxhari, ni nzala, ni mtungu, ni na va maha va txi nga maxanvu o bava, ma si sikotiko kudyiwa ngu mhaka ya kubava ka ona.

Jeremiya 29:18

Ni na va tutumisa ngu ditxhari, ni nzala, ni mtungu; ni na va maha ve thisa hagari ka yotshe mifumo ya mafu, veva txiruko, ni txidiwukiso, ni txisekiso, ni txixowokiso ka otshe matiko ni no va hangalasa ka ona;

Jeremiya 32:5

a na yisa Zedhekiya aniya Bhabhilona, a na ya zumba kona kala ni txi mu endela, kuwomba Mkoma. Ngako mi txilwa ni Vakaldheya ina kha mi na mbi humelela kani)?

Jeremiya 32:28

Ngu konaho, Mkoma a khene: Wona, ni na ningela diya didhoropa manzani ka Vakaldheya, ni manzani ka Nebhukodhonosori mfumeli wa Bhabhilona, a na di teka.

Jeremiya 34:17

Ngu konaho, Mkoma a khene: Anu kha ma ni engisa, kha ma peka nyiwo ya kutxhatxheka mmweyo ni mmweyo ka mmwani, ni mmweyo ni mmweyo ka mwakelani wakwe. Wonani, na mi bikela kutxhatxheka, kuwomba Mkoma, ni txhatxha matxhari, ni mtungu, ni nzala; na mi ningela mi txi xaniswa ka yotshe mifumo ya mafu.

Jeremiya 52:4

Se amu ka dilembe da wutxhanu ni mune da kufuma kwakwe, ka mtxima wa wugumi, ka ditshiku da digumi ka mtxima, kutile Nebhukodhonosori, mfumeli wa Bhabhilona, ku ta lwisa Jerusalema, ene ni dibutho dakwe dotshe, ve ta ranganyeta, ve tsivela otshe madhawa.

Ezekhiyele 26:8

Mlala a na daya vanana vako vamahorana ngu ditxhari, vale va manekako thembweni, kambe a na ti mahela txivhikelo masoni kwako, ni ku ti akela sitsaniso, ni ko rithimuka ngu kona.

Habhakuki 1:10

Se va na pfisa kupanda vafumeli, kambe va na sakana ngu vathangeli, vona va na poyilela yotshe mikhokhola; ngu kumahetela situletule sa mafu, va na honyola mikhokhola.

Ezekhiyele 4:2

Bhala txikombiso txa kurandelwa ka dona ngu valala, u bhiya ngu diguma do tsana, veka so tshinga ngu sona, u veketela magovelo, ni so khundumusa ngu sona.

Ezekhiyele 21:27

Ni na khundumusa, ni na khundumusa, ni na khundumusa m'bhoti wuwa, kha wu na mbi va i di wona kambe m'bhoti wuwa, ku nata wule wu lumbako m'thu wa kona, se ni na ninga eneyo.