Jeremiya 32:23 - Bhiblia Yo Sawuleka

²³ va tota ve ta di khozisa, aniko kha va engisa dipswi dako, hambi kutsimbila ngu mlayo wako; ni totshe ti u nga ti va layile ku ti maha, kha va ti maha; uza u txi va humisela otshe makhombo awa.

Jeremiya 32:23 Referans Kwoze

Ezra 9:7

Kukhukhela ka masiku a vatate vathu kala ka masiku a nyamsi, hi onhile ngutu, ngu mhaka ya wubihi wathu, hi ningetwe, athu, ni vafumeli vathu, ni vaphaxeli vathu, manzani ka vafumeli va mafu, ka ditxhari, ka wukhumbi, kupelwa, ni kukanganyiswa hi txi ti wona, nga ha hi ti wonako kala nyamsi.

Sidilo 1:18

“Mkoma a lulamile, nguko ani koko ni eyisile milayo yakwe; engisani koko anu motshenu, vathu, mi txi wona kupandiseka kwangu; votuma vangu ni majaha angu va tsute wukhumbini.

Jakobe 2:10

Kha ditshuri, awule a veketako sotshe sirumo sa mlayo, aniko a kanyisako txirumo tximwetxo txa mlayo, a maneka a di ni mnandu wa kueyisa wotshe mlayo.

Vagalatiya 3:10

Nguko vavekisi va Mlayo, votshe va maneka hahatshi ka kuruketelwa, nguko ti bhatwe taku: “A ruketetwe wuhi ni wuhi asi vekisiko sileleto sotshe si si nga bhalwa dibhukuni ka Mlayo.”

Johani 15:14

Anu mi vangana vangu, ngako mi txi maha totshe ti ni mi rumako.

Luka 17:10

Ngu toneto, nanu, msana ka kuva mi di hetile kumaha totshe tifanelo tanu, wombani ku khanu: ‘Hi sithumi so mbi vhuna txilo, hi mahile tiya hi nga ti ni fanelo ya ku ti maha dwe.’ ”

Ezekhiyele 20:21

Aniko vanana va ni wukete, kha va tsimbila ngu sileleto sangu, kambe kha va xayisa milayo yangu, saku m'thu a txi si londeta, a na hanya ngu sona; vona va nyetisete Masabbata angu; ngu mhaka ya eto ni nga khani ni na theketa txiviti txangu txitimwi kwawe, kasi kukombisa kuhenya kwangu amu txiwulani.

Ezekhiyele 20:18

Aniko ani ni ti khani ka vanana vawe amu txiwulani: Mi nga tsimbileni ngu sileleto sa vatate vanu, kambe mi nga xayiseni milayo yawe, hambi kutinyenyezisa ngu sithombe sawe.

Ezekhiyele 20:8

Aniko va to ni wukela kha va lava ku ni engisa; ni wammweyo kha tshotsha kule manyala, hambi kuleka sithombe sa Egipta; sekoko ni to khani ni na theketa txiviti txangu, ni kombisa kuhenya kwangu txitimwi kwawe, hagari ka ditiko da Egipta.

Sidilo 1:8

Jerusalema a onhile ngutu se ngu toneto, a tote nzambwa. Votshe vale va nga ti mxonipha, se vamnyenyile, nguko va woni wumbwiri wakwe; se ene apune wa kuma a txi namisa thamo.

Nehemiya 9:15

Se u va ningile sakudya sa nzumani kasi kuve mana kumalata nzala yawe, ni mati o huma dirigwini kasi ku tima ditora dawe. Kambe u va leleta kuve wulela ve teka ditiko dile u ngadi gulela dianza u txi khawe u na va ninga.

Joxuwa 23:16

Ngako mi txi daya txitumelelano txi Mkoma, Txizimu txanu, a nga txi maha ni nanu, mi txi khozela simwani sizimu ni ku si khizamela, konako txiviti txa Mkoma txi na vhutuka txi mi wukela, kambe ngu kukuluveta mi na fuva ka ditiko diya da dinene, adiya ene a nga mi ninga.”

Masalmo 78:10

kha va xonipha txitumelelano txawe ni Txizimu kambe va lambile kuvekisa mlayo wa txona;

Jeremiya 2:7

Ni mi nehile ditikoni ko pfuna, kuva mi ta dya mihando ya kona ni kuzumbiseka ka dona. Aniko hale mi nga wulela ka dona mi di nyenyezisile ditiko dangu; ni thomba yangu mi yi mahile manyala.

Jeremiya 26:4

Va gele, u txi khawe: Mkoma a khene: Ngako mi si engisi mi txi tsimbila ngu mlayo wangu, awu ni nga mi ninga,

Jeremiya 44:10

Kha mi ti soli kala ni nyamsi kuwa, kha mi kombi txithavo, kha ma tsimbila ngu milayo yangu ni sileleto sangu, ni nga si veka masoni kwanu ni ka vatate vanu.

Joxuwa 21:43

Ti di ngeto, Mkoma a ningete ka vanana va ka Israyeli ditiko dotshe dile a nga thembisa ngu kuxambanya, ti to a na di ningela ka vatate vawe. Va to di amukela ve zumba ka dona.

Jeremiya 7:26

Aniko kha va ma engisa, hambi ku riya tinzeve; va to bangisa tithamo tawe, ve maha kubiha kupinda ni vatate vawe.