Jeremiya 32:22 - Bhiblia Yo Sawuleka

²² U va ningile ditiko di u ngadi xambanya ka vatate vawe ati taku u na va ninga dona, ditiko di di khulungako masi ni wulombe;

Jeremiya 32:22 Referans Kwoze

Eksodha 13:5

Ngako Mkoma a di mi hokisile ditikoni ka Vakanana, da Vaheti, da Vaamori, da Vahevhi ni da Vajebhusi, adi a nga xambanya ku di ningela ka vatate vanu, ditiko di dikhulungako masi ni wulombe, ditshiku diya mi na di vekisa, ka wona wuwa mtxima.

Eksodha 3:8

Ngu mhaka yeto ni relete kasiku ni txi va thusa mu manzani ka Vaegipta, ni txi va humisa ka ditiko donedo, va txi ya ka ditiko da dinene, da hombe, ditiko di di khulungako masi ni wulombe, wukhalo wa Vakanana, wa Vaheti, wa Vaamori, wa Vaferezi, wa Vahevhi ni wa Vajebhuzi.

Jeremiya 11:5

kasi ni na tsanisa txifungo txi ni nga txi xambanya ka vatate vanu: Txa kuvaninga ditiko di khulungako masi ni wulombe, nga ti ku ku ngu tona nyamsi. Sekoko ni to xamula, ni txi khani: Amen, Awe Mkoma!

Dhewuteronome 1:8

Ngu diya ditiko di ani ni nga mi ninga; wulelani ka dona mi txi di fuma, adi Mkoma, ngu txixambanyo, a nga thembisa ku di ningela ka vatate vanu, Abrahamu, Isaake ni Jakobe, se ngu msana kwawe di na va i di da situkulwana sawe.

Eksodha 3:17

Ngu mhaka yeto, ani ni khani: Ni na mi thusa mu kuxuphekani ka Egipta mi txi ya ditikoni da Vakanana, Vaheti, da Vaamori, da Vaferezi, da Vahevi ni da Vajebhusi ka ditiko di di khulungako masi ni wulombe.

Ezekhiyele 20:15

Hambi keto ni guletile dianza txitimwi kwawe, amu txiwulani, kasi ni si va leki ve wulela ka ditiko dile ni nga ti ti va ningile, dile di khulungako masi ni wulombe, kambe i ku wudhundo wa matiko otshe.

Ezekhiyele 20:6

Ka ditshiku dile ni va gulete dianza, kasi ku va humisa ditikoni ka Egipta, va txi ya ka ditiko di ni nga ti va vekete dona, emo ku khulungako masi ni wulombe, i ku wudhundo ka otshe matiko.

Nehemiya 9:15

Se u va ningile sakudya sa nzumani kasi kuve mana kumalata nzala yawe, ni mati o huma dirigwini kasi ku tima ditora dawe. Kambe u va leleta kuve wulela ve teka ditiko dile u ngadi gulela dianza u txi khawe u na va ninga.

Joxuwa 21:43

Ti di ngeto, Mkoma a ningete ka vanana va ka Israyeli ditiko dotshe dile a nga thembisa ngu kuxambanya, ti to a na di ningela ka vatate vawe. Va to di amukela ve zumba ka dona.

Joxuwa 1:6

U fanete kuva ni mtamo, u txi tsanisa mbilu, nguko ngawe u no abanisela ditiko ka vathu vava, adi ni nga xambanya ka vatate vawe, ti to ni na va ninga.

Dhewuteronome 8:1

Mi na vekisa sotshe sirumo si nyamsi ni mi leletako, kasi ku mi txi si xayisa, ti to mi na hanya mi txi anda, mi txi wulela mi fuma ditiko di Mkoma, a nga thembisa ngu txixambanyo ka vatate vanu.

Dhewuteronome 7:13

se a na kuranda, a na kukatekisa, a na kumaha u anda, a na katekisa mihando ya mndani kwako, ni mihando ya mafu ako, mafaka ako, ni vhinya yako ya yiphya, ni mtona wako, ni sifuyo sako sa tihomu tako ta mikati, sifuyo sako sa sidotho, ka ditiko di a nga xambanya kuninga vatate vako.

Dhewuteronome 6:23

se a hi thavisile koneyo, a txi hi tisa muwa, kasi ku ta hi ninga ditiko diya, a nga thembisa ka vatate vathu, ngu txixambanyo.

Dhewuteronome 6:18

U na maha ati i ku to lulama, ni ti i ku ta tinene masoni ka Mkoma, kasi ku u na zumbiseka kala kuza u txi wulela ka ditiko da dinene, adi Mkoma a nga thembisa ngu kuxambanya ka vatate vako,

Dhewuteronome 6:10

Ngako Mkoma Txizimu txako a txi ku wuletisa ka ditiko di ene a nga thembisa ngu kuxambanya ka vatate vako Abrahamu, Isaake ni Jakobe, ti to a na kuninga, i ku madhoropa a hombe o tshura, aawa u nga mbi ma aka,

Dhewuteronome 1:35

Ni wammweyo m'thu wa liveleko liya lo biha timbilu, kha na mbi wona ditiko da dinene, adile ni nga thembisa ngu kuxambanya ti to ni na di ningela ka vatate vanu,

Mitengo 14:30

Lambi, kha mi na mbi wulela ka ditiko di ni nga xambanya ti to mi aka ka dona; hahanze ka Kalebhi mwana Jefoni, ni Joxuwa, mwana wa Nuni.

Mitengo 14:16

“Mkoma Txizimu, a tandekile ku wuleta vathu vakwe ka ditiko diya a nga ti xambanyile ti to a na va ninga; se a va lovisile amu txiwulani.”

Genesisi 50:24

Ngu kugwita, Josefa a wombile ka vanawe, a txi khene: Ani na fa, aniko Txizimu txi na mi endela txi hulukisa mi khukha ka diya ditiko, txi mi yisa ka ditiko di txona Txizimu txi nga thembisa, ngu txixambanyo ka Abrahamu, ka Isaake ni ka Jakobe.

Genesisi 24:7

Mkoma, Txizimu txa nzuma, awu a nga ni teka nyumbani ka tate wangu ditikoni mu ni nga velekelwa kona, awu a nga ni gela ngu kuxambanya a txi khene: Ni na ningela ditiko diya ka liveleko lako, ene a na ruma ngelozi yakwe masoni kwako, se u na ya lowolela kheyo msikati mwanana wangu.

Genesisi 13:15

Dotshe ditikodo u di wonako, ni na kuninga, awe ni lotshe liveleko lako, kala kupinduka.